مال ىزدەۋشى ماشينامەن مۇز استىنا ءتۇسىپ كەتتى

قىزىلورداڭىزدى جەلتوقساندا عانا ازداپ اياز قىسقان. قار ءجيى جاۋعانىمەن, ايتارلىقتاي سۋىعى بولمادى. سوڭعى بىرنەشە كۇندە اۋا-رايى جىلىنىپ, جەر ەرىپ, جاڭبىر سىركىرەپ تۇر. مۇنى نەگە ايتىپ وتىرمىز؟ 4 قاڭتار كۇنى توتەنشە جاعدايلار قىزمەتىنىڭ ديسپەتچەرلىك بولىمىنە قىزىلوردا وبلىسى, شيەلى اۋدا­نى, بايگەقۇم ەلدى مەكەنىنىڭ تۇسىنداعى قانقوجا كولىنە مۇز استىنا ءوزىنىڭ اۆتوكولىگى ءتۇسىپ كەتكەندىگى جونىندە سول اۋىلدىڭ تۇرعىنى حابارلاعان. جاعداي بىلاي بولىپتى. بايگەقۇم اۋىلىنىڭ تۇرعىنى دوسىنىڭ جوعالعان مالىن ىزدەۋگە بارادى. كولدىڭ ارعى بەتىن كوكتەي شولىپ وتپەك نيەتپەن «OPEL Vectra» ماركالى اۆتوكولىگىن مۇزدىڭ ۇستىنە سالىپ كەپ جىبەرەدى. سودان مۇزدىڭ ۇستىندە كەلە جاتىپ, كولىك سۋعا باتىپ كەتكەن. الايدا, وزدەرى امان-ەسەن شىعىپ, اۆتوكولىك مۇز استىندا قالعان. قۇتقارۋشىلار سۇڭگۋىر جاب­دىق­­تارىن پايدالانىپ, بار كۇش­تەرىن جۇمساپ, كولىكتى جاعاعا شىعارىپ بەردى. ايتەۋىر, وقيعا ادام شىعىنى بولماي اياقتالدى. مۇز جارىلىپ, كولىك كۇمپ ەتىپ كولگە تۇسكەندە, ماشينانىڭ ەسىگى اشىلماي قالسا, ورنى تولماس وكىنىش بولار ەدى. سوندىقتان, «ساقتانساڭ – ساقتايدى» دەگەن قاعيدانى قاتاڭ ۇستاماسا بولمايدى. ەرجان بايتىلەس, «ەگەمەن قازاقستان» قىزىلوردا وبلىسى