ۋاقىتشا ۇستاۋ وقشاۋلاعىشىنا قامالدى

جەمقورلىققا قارسى ءىس-قيمىل جونىندەگى ۇلتتىق بيۋرو تاراپىنان قازاقستان رەسپۋبليكاسىنىڭ بەلارۋس رەسپۋبليكاسىنداعى ەل­شىلىگىنىڭ اعا بۋحگالتەرى ا.سەيدۋاليەۆ ۇستالدى, دەپ حابارلادى جەمقورلىققا قارسى ءىس-قيمىل جونىندەگى ۇلتتىق بيۋرونىڭ ءباسپاسوز قىزمەتى. ا.سەيدۋاليەۆتىڭ 2012 جىل مەن 2015 جىل ارالىعىندا جالعان كاسسالىق شىعىس وردەرلەرىن تولتىرۋ ارقىلى 207 000 اقش دوللارى بولاتىن بيۋدجەتتىك قارجىنى جىمقىرعانى انىقتالىپ وتىر. بۇدان بولەك, اتالعان كەزەڭ ارالى­عىندا ا.سەيدۋاليەۆ ەلشىلىكتىڭ اتىنا بەلارۋس رەسپۋبليكاسىنىڭ سالىق ورگاندارىنان قوسىمشا قۇن سالىعى رەتىندە قايتارىلعان 474 883 اقش دوللارىن قالتاسىنا باسقان. ءسويتىپ, ۇرلانعان قارجىنىڭ جالپى كولەمى 681 883 دوللاردى قۇراعان. قازىرگى كەزدە ا.سەيدۋاليەۆ قازاقستان رەسپۋبليكاسى قىل­مىستىق-پروتسەسسۋالدىق كو­دەكسىنىڭ 128-بابىنا سايكەس استانا قالاسىنداعى ىشكى ىستەر دەپار­تامەنتىنىڭ ۋاقىتشا ۇستاۋ وقشاۋلاعىشىنا قامالدى. سوتقا دەيىنگى تەرگەپ-تەكسەرۋ ۇدەرىستەرى جالعاسۋدا. * * * استانا قالاسى بويىنشا جەمقورلىققا قارسى ءىس-قيمىل جونىندەگى ۇلتتىق بيۋرو دەپارتامەنتى تاراپىنان استانا قالاسىنداعى سارىارقا اۋدانى اكىمىنىڭ ورىنباسارى ر.اكچۋرين ۇستالدى, دەپ حابارلادى وسى ۆەدومستۆونىڭ ءباسپاسوز قىزمەتى. ر.اكچۋريننىڭ استانا قالاسى اكىمدىگىنە قاراستى «استانا تازالىق» جشس-ءنىڭ باس ديرەكتورى ا.باسقانباەۆپەن قىلمىستىق ۋاعدالاستىققا بارا وتىرىپ, «سبس-سناب سەرۆيس» جشس مەن «Install Servis Com» جشس-ءىن قۇرعانى جانە 2016 جىلى كوشەنى مەحانيكالاندىرىلعان ساني­تارلىق تازالاۋ ءۇشىن مەملەكەتتىك ساتىپ الۋ كونكۋرسى ارقىلى جالپى سوماسى 1,8 ملرد تەڭگەنىڭ ۇتىسىن زاڭسىز قامتاماسىز ەتكە­نى انىقتالىپ وتىر. ءسويتىپ, زاڭسىز تابىسقا كەنەلگەن. بۇعان قوسا, ر.اكچۋرين ءوزىنىڭ باقىلاۋىنداعى كومپانيالاردىڭ مۇددەسى ءۇشىن اكىمدىكتەگى لاۋازىمدى ادامدارعا بىرنەشە مارتە پارا بەرگەن. قازىرگى كەزدە ر.اكچۋرين قازاق­ستان رەسپۋبليكاسى قىل­مىس­تىق-پروتسەسسۋالدىق كو­دەكسى­نىڭ 128-بابىنا سايكەس استانا قالاسىنداعى ىشكى ىستەر دەپارتامەنتىنىڭ ۋاقىتشا ۇستاۋ وقشاۋلاعىشىنا قامالدى. سوتقا دەيىنگى تەرگەپ-تەكسەرۋ ۇدەرىستەرى جالعاسۋدا.