جەلتوقساندا كۇنكورىستىڭ ەڭ تومەنگى دەڭگەيى 21 513 تەڭگەنى قۇرادى

2016 جىلعى جەلتوقساندا كۇنكورىستىڭ ەڭ تومەنگى دەڭگەيى 21 513 تەڭگەنى قۇرادى, دەپ حابارلايدى ۇلتتىق ەكونوميكا مينيسترلىگى. «نەگىزگى تاماق ونىمدەرىن تۇتىنۋدىڭ ەڭ تومەنگى نورمالارىنان ەسەپتەلگەن ورتا ەسەپپەن حالىقتىڭ جان باسىنا شاققانداعى كۇنكورىستىڭ ەڭ تومەنگى دەڭگەيىنىڭ شاماسى 2016 جىلعى جەلتوقساندا قاراشامەن سالىستىرعاندا 1,7, ال 2015 جىلعى جەلتوقسانمەن سالىستىرعاندا 8,6 پايىزعا جوعارىلادى. ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى 21, ءسۇت, ماي جانە توڭ ماي ونىمدەرى مەن جۇمىرتقاعا  17,8, جەمىستەر مەن كوكونىستەرگە  9,5, نان جانە جارما ونىمدەرىنە  8,9, قانت, شاي جانە دامدەۋىشتەرگە  2,8 پايىزدى قۇرادى», - دەلىنگەن قر ۇلتتىق ەكونوميكا مينيسترلىگى تاراتقان اقپاراتتا. ايتا كەتەيىك, ەڭ تومەنگى كۇنكورىس دەڭگەيى  مولشەرى بويىنشا ەڭ تومەنگى تۇتىنۋ قورجىنىنىڭ قۇنىنا تەڭ, ءبىر ادامعا قاجەتتى ەڭ تومەنگى اقشالاي تابىس. ەڭ تومەنگى تۇتىنۋ قورجىنى ادام تىرشىلىگىن قامتاماسىز ەتۋگە قاجەتتى تاماق ونىمدەرىنىڭ, تاۋارلار مەن كورسەتىلەتىن قىزمەتتەردىڭ زاتتاي جانە قۇندىق كورىنىستەگى ەڭ تومەنگى جيىنتىعى بولىپ تابىلادى. ول ازىق-ت ۇلىك قورجىنىنان جانە ازىق-ت ۇلىك ەمەس تاۋارلار مەن اقىلى قىزمەتتەرگە جۇمسالاتىن شىعىستاردىڭ بەكىتىلگەن ۇلەسىنەن تۇرادى. كۇنكورىستىڭ ەڭ تومەنگى دەڭگەيىن ەسەپتەۋگە ارنالعان از تۇتىنىلاتىن ازىق-ت ۇلىك ەمەس تاۋارلار مەن كورسەتىلەتىن قىزمەتتەرگە جۇمسالاتىن شىعىستاردىڭ ۇلەسى ەڭ تومەنگى تۇتىنۋ قورجىنى قۇنىنىڭ 40 پايىزدىق مولشەرىندە بەلگىلەنگەن.