قازاقستان پرەمەر-ليگاسى 95 ملن ەۋروعا باعالاندى

نەمىستىڭ ايگىلى Transfermarkt سايتىنىڭ حابارلاۋىنشا, قازاقستان پرەمەر-ليگاسىنداعى كوماندالاردىڭ جالپى قۇنى 95 ميلليون ەۋرونى قۇرادى. بۇل تۋرالى alzhan.kz حابارلادى. بۇعان دەيىن اتالعان سايت ەلىمىزدەگى ترانسفەرلىك قۇنى جوعارى فۋتبولشىلاردىڭ ءتىزىمىن جاساعان. قازاقستان پرەمەر-ليگاسىندا 12 كوماندا ونەر كورسەتەدى. ءتىزىمدى ەل چەمپيونى «استانا» (22 300 000 ەۋرو) مەن الماتىنىڭ «قايراتى» (19 080 000 ەۋرو) باستاپ تۇر. ال بارلىق كوماندالاردىڭ قۇنى 95 730 000 ەۋرونى قۇرايدى. گەرمانيانىڭ بۋندەسليگاسى 2 500 000 000 ەۋرونى قۇراسا, يتاليانىڭ ا سەرياسى 2 860 000 000 ەۋروعا باعالانعان. ەكىنشى ورىندى يسپانيانىڭ لا ليگاسى يەلەنگەن. مەسسي مەن رونالدۋ سەكىلدى الەمنىڭ ۇزدىك فۋتبولشىلارى دوپ تەبەتىن بىرىنشىلىكتىڭ قۇنى 4 ميلليارد ەۋروعا جۋىق. ال الەمدەگى ەڭ قىمبات چەمپيونات بولىپ انگليانىڭ پرەمەر-ليگاسى تانىلدى. اپل-دە ونەر كورسەتەتىن فۋتبولشىلاردىڭ جالپى قۇنى 5 ميلليارد ەۋرو توڭىرەگىندە.