«استانا» فۋتبولشىسى «بەنفيكا» كومانداسىنا اۋىسۋى مۇمكىن

«بەنفيكا» كومانداسى ءالى دە «استانانىڭ» جارتىلاي قورعاۋشىسى نەمانيا ماكسيموۆيچتى ءوز قاتارلارىنا قوسىپ الۋعا نيەتتى. بۇل تۋرالى sports.kz حابارلادى. O Jogo باسىلىمىنىڭ مالىمەتى بويىنشا, ماكسيموۆيچتىڭ وكىلدەرى پورتۋگال فۋتبول كلۋبىنىڭ پرەزيدەنتى لۋيش فەليپە ۆيەيرومەن جاقىن كۇندەرى كەزدەسۋى ءتيىس. ايتا كەتەيىك, بۇعان دەيىن 21 جاستاعى حاۆبەككە پورتۋگاليانىڭ تاعى ءبىر كلۋبى «سپورتينگ» تە قىزىعۋشىلىق تانىتقان بولاتىن. الايدا, ناقتى ۇسىنىس جاسالماعاندىقتان ءىس اياقسىز قالدى. نەمانيا ماكسيموۆيچ ەلوردالىق ۇجىمنىڭ ساپىنا 2015 جىلدىڭ اقپان ايىندا كەلگەن. بۇگىنگە دەيىن ەكى مارتە ەل چەمپيونى اتانىپ, ءبىر رەت قازاقستان كۋبوگىندا جەڭىسكە جەتكەن. پرەمەر-ليگادا 54 ويىنعا قاتىسىپ, 9 گولدىڭ جانە 6 ناتيجەلى پاستىڭ اۆتورى اتاندى. سونىمەن قاتار, ءوز كلۋبىن چەمپيوندار ليگاسى مەن ەۋروپا ليگاسىنىڭ توپتىق كەزەڭىنە وتۋىنە سەپتىگىن تيگىزگەن.