وزەكتى ماسەلەلەر ءوز شەشىمىن تابۋدا

ەلىمىزدىڭ بارلىق وڭىرلەرىندە «قازپوشتا» بولىمشەلەرى جاڭارتۋ باعدارلاماسىنان وتپەك. «سامۇرىق-قازىنا» ءال-اۋقات قورىنىڭ ترانس­فورماتسيالاۋ باعدارلاماسى ايا­سىندا العا قويعان ماقساتى – 100 بولىمشە تۇتىنۋشىلارىنا قولايلى جاعداي جاساۋ. ەل ەگەمەندىگىنىڭ جيىرما بەس جىلدىعىنا وراي ۇيىمداستىرىلىپ جاتقان جوبا اياسىندا سىر ەلى جاڭا قىزمەتتەرگە قول جەتكىزۋدە. بۇل رەتتە, قولدانۋ­شىلاردىڭ تالاپتارى ەسكەرىلگەنىن ايتا كەتكەن ءجون. ماسەلەن, جۇرت­شىلىقتىڭ ءبىراز بولىگى كەزەكتە تۇرعان ۋاقىتتىڭ كوپتىگىن ايتقان بولاتىن. ەندىگىدە سالەمدەمەلەردى كەزەكسىز, ءتىپتى كەز كەلگەن ۋاقىتتا الۋ مۇمكىندىگى ۇسىنىلماق. تۇتىنۋشىلارعا قولايلى بولۋ ءۇشىن «سالەمدەمەلەر سۋپەر­ماركەتى» ىسكە قوسىلادى. بۇل دەگەنىمىز, سالەم-ساۋقات كەلگەن تۇر­عىنعا سمس-حابارلاندىرۋ جىبەرىلەدى, كەيىن ول ءوز پوشتا ءبولىم­­شەسىنە ءوتىپ, بار بولعانى ءبىر­نەشە مينۋتتىڭ ىشىندە كەزەكسىز ءوز زاتتارىن الا الادى. «قازىرگى ۋاقىتتا كورپوراتيۆتىك كليەنتتەرىمىز ءۇشىن ارنايى ايماق اشۋ جوسپارلانۋدا. سونىمەن قاتار, بانكومات, تەرمينال مەن پوستومات قۇرىلعىلارمەن تولىق قامتىلعان, 24 ساعات قىزمەت كور­سەتەتىن ءوز-وزىنە قىزمەت كورسەتۋ ايماعى دا ىسكە قوسىلماق», دەيدى «قازپوشتا» اق قىزىلوردا في­ليا­لى­نىڭ ديرەكتورى انۋاربەك ءابدىمومىنوۆ. قاجەتتى قۇرىلعىلاردىڭ بارلىعىمەن قامتىلعان وزىنە ءوزى قىزمەت كورسەتۋ مەن سالەمدەمەلەر سۋپەرماركەتى تۇتىنۋشىلاردىڭ ءبىراز ۋاقىت بويى شاعىم تۇسىرگەن «كەزەك كۇتۋ» ماسەلەسىنىڭ بىردەن-ءبىر شەشىمى بولىپ وتىر. سونىمەن قاتار, بايلانىس ءبولىم­شەلەرىنىڭ بارلىعى دا ءبىرىڭ­عاي ەلەكتروندى كەزەك جۇيەسى­مەن, بەينەباقىلاۋ جانە ءورت قاۋىپ­سىزدىگىمەن قامتاماسىز ەتىلمەك. كوڭىلگە قونار يگى باستامالاردىڭ تاعى بىرەۋى – مۇمكىندىگى شەكتەۋلى جاندار مەن ءسابيلى كەلىنشەكتەر ءۇشىن قولايلى جاعداي جاساۋ. جاڭارتىلعان  بولىمدەر ۆاليۋتا ايىرباستاۋ, اقشا اۋدارىم­دارىن جۇرگىزۋ كاسسالارىمەن دە قام­تىلماق. حالىق يگىلىگىنە قىزمەت ەتۋدى نەگىزگە العان «قازپوشتا» اق وكىلدەرى ءالى دە وزگەرىستەر ورىن الارىن جەتكىزدى. ال جەكە تۇلعالار مەن كور­پورا­تيۆتىك كليەنتتەر ءۇشىن ارنايى ايماقتار قاراستىرىلعان. بۇرىن پوشتا قولدانۋشىلارى بەلگىلى ءبىر قىزمەت ءۇشىن ايتارلىقتاي ۋاقىتىن جوعالتاتىن بولسا, ەندى وزىنە ءتيىمدى كەزدە كەلىپ, قاجەت­تى جۇمىستارىن بىرنەشە مينۋت ىشىندە ىسكە اسىرا الادى. وسى تەكتەس جۇمىستار ءالى دە جالعاسىن تابادى. كليەنتتەردىڭ تالابىنا جاۋاپ بەرۋگە تىرىساتىن «قازپوشتا» اق-تىڭ العا قويعان ماقساتتارى مول. ازيزا ەلەمان  قىزىلوردا