بيىل قوستاناي وبلىسىندا 24 وقۋشى مەن جاتتىقتىرۋشىلار, ۇستازدار “تريۋمف» بايقاۋىنىڭ جەڭىمپازى اتاندى. جەڭىمپازداردى قۇتتىقتاۋ سالتاناتىنا وڭىردەن 150 ۇزدىك وقۋشىلار مەن جاس سپورتشىلار شاقىرىلدى. وبلىس اكىمى ارحيمەد مۇحامبەتوۆ دارىندى بالالاردىڭ ەل بولاشاعى ەكەنىن ايتتى.
«مەملەكەت باسشىسى مامانداندىرىلعان مەكتەپتەرگە كوپ كوڭىل بولەدى. قازاقستاندا مۇنداي 124 مەكتەپ بار, ال ءبىزدىڭ وبلىستا دارىندى بالالارعا انالعان ى.التىنساين اتىنداعى , «وزات» مەكتەپتەرى مەن قازاق-تۇرىك ليتسەيلەرى ءبىلىم بەرەدى. 2014 جىلى ەلباسىنىڭ باستاماسىمەن نازارباەۆ زياتكەرلىك مەكتەبى اشىلدى» دەدى ارحيمەد بەگەجان ۇلى.
ءوتىپ بارا اتقان جىلى قوستانايلىق مەكتەپ تۇلەكتەرى ۇبت بويىنشا جاقسى كورسەتكىشتەرگە قول جەتكىزىپ, 9-شى ورىننان 4-ءشى ورىنعا كوتەرىلدى. قوستانايلىق مەكتەپ وقۋشىلارىنىڭ كومانداسى گۋمانيتارلىق پاندەر بويىنشا رەسپۋبليكالىق وليمپيادادا 2 ورىن السا, عىلىمي جوبالار بويىنشا 3 ورىندى يەلەندى. مىسالى, فيزيكا-ماتەماتيكا ليتسەيىنىڭ 10 سىنىپ وقۋشىسى گلەب پەسترەتسەۆ – گەوگرافيادان رەسپۋبليكالىق بايقاۋ جەڭىمپازى, ولكەتانۋ باقىرىبى بويىنشا رەسپۋبليكالىق بايقاۋ جۇلدەگەرى. ول ءۇشىن گەوگرافيا عىلىمى شەكسىز, ونى تەك زەرتتەي بەرۋ كەرەك.
گلەب بولاشاقتا كارتوگراف بولىپ, كارتا جاساپ, جەردىڭ مودەلىن جاساۋدى ارماندايدى. تەك گلەب ەمەس, ءار دارىندى بالانىڭ ماقساتى, جەتكەن جەتىستىگى كوڭىلدەرگە شام جاققانداي بولادى.
ماراپات سالتاناتى كەزىندە دارىندى بالالارعا بارىنشا جاعداي جاساۋ قاجەتتىگى ايتىلدى. «بىزدە سپورت زالدارى جەتىسە بەرمەيدى, سوندىقتان ويىن سپورتىنا ارنالعان 1000 ورىندىق ۇلكەن سپورت زال سالۋ جوسپارلانۋدا. بۇل قىمباتقا تۇسەتىن نىساندا تەك سپورت جارىستارى عانا ەمەس كونتسەرتتەر دە وتەتىن بولادى, ونى سپورتتىق-مادەني نىسان ەتەمىز. ونى جىل تاۋلىگىندە سالىپ بىتىرەمىز» دەدى وبلىس اك ءىمى ا.مۇحامبەتوۆ.
ءوڭىر باسشىسى مۇنىمەن قاتار, وبلىس ورتالىعىندا وليمپيادالىق ستاندارتتارعا ساي كەلەتىن ۇزىندىعى 50 مەترلىك , 10 جولاقتىق, 500-700 كورەرمەن سياتىن باسسەين سالىناتىنىن دا ايتتى. ونىڭ قۇنى 2 ميلليارد تەڭگەگە تۇسپەك. سونىمەن قاتار الداعى جىلداردىڭ جوسپارىندا يۆان دىچكو اتىنداعى بوكس مەكتەبى مەن فۋتبول اكادەمياسىن قۇرۋ بار.
ءنازيرا جارىمبەتوۆا
«ەگەمەن قازاقستان»
