Forbes: الۆارەس گولوۆكينمەن كەزدەسۋدەن باس تارتىپ, بەدەلىنە نۇقسان كەلتىردى

Forbes باسىلىمىنىڭ پىكىرىنشە, ءبىرىنشى ورتا سالماقتا WBO نۇسقاسى بويىنشا الەم چەمپيونى مەكسيكالىق ساۋل «كانەلو» الۆارەس (48-1-1, 34 كو) قازاقستاندىق بوكسشى گەننادي گولوۆكينمەن (36-0, 33 كو) جەكپە-جەك وتكىزۋدەن باس تارتامىن دەپ بەدەلىنە نۇقسان كەلتىرىپ الدى. بۇل تۋرالى vesti.kz حابارلادى. دەگەنمەن, مەكسيكالىق بوكسشى 2016 جىلعى MVP رەيتينگىندە گولوۆكيننەن العا شىققان بولاتىن. «كانەلو» ءبىراز اقشا تاپتى, بىراق گەنناديمەن جۇدىرىقتاسۋدان باس تارتىپ, بەدەلىنە نۇقسان كەلتىرىپ الدى. بۇعان قوسا, ميگەل كوتتومەن كەزدەسۋى PPV ساتىلىمىندا كورسەتكىشى 900 مىڭ ەۋروعا, امير حانمەن بولعان كەزدەسۋى 600 مىڭعا, ال ليام سميتپەن كەزدەسۋى 300 مىڭعا ءتۇسىپ قالدى. ول ءوز ابىرويىن قالپىنا كەلتىرۋ ءۇشىن ءبىراز تەر توگۋى ءتيىس», – دەپ جازادى Forbes. ايتا كەتەيىك, قوس بوكسشىنىڭ اراسىنداعى ايقاس 2016 جىلى ءوتۋى ءتيىس بولاتىن. بىراق «كانەلو» مامىر ايىندا ورتا سالماقتاعى WBC بەلبەۋىنەن ءوز ەركىمەن باس تارتىپ, سالماعىن ءبىرىنشى ورتا سالماققا اۋىستىرعان. دەگەنمەن, گولوۆكين مەن الۆارەس اراسىندا 2017 جىلدىڭ قىركۇيەك ايىندا كەزدەسۋ وتكىزۋ تۋرالى اۋىزشا كەلىسىم بار. بۇعان دەيىن مەكسيكالىقتىڭ گەنناديمەن ۇرىس وتكىزۋدى جوسپارلاعانى حابارلاعان. باستى ماسەلە قارجى جاعدايىنا تىرەلىپ تۇر.