زەلەنوۆتا – مۇنايشى, تاسقالادا – سادىق قالاشىقتارى بوي تۇزەدى

ەگەمەن ەلىمىزدىڭ جيىرما جىل­دىق تاريحىندا جويقىن سۋ تاس­قى­نى تۇڭعىش رەت بيىل ورال ءوڭى­رىن­دە تىركەلدى. جاس تا جاڭا مەم­لە­كەتتىڭ قۇرساعىنان شىققان توتەن­شە جاعدايلار جونىندەگى قۇ­رى­لىم­دار دا ايتىپ كەلمەگەن مۇن­داي تابيعات اپاتىمەن تۇڭ­عىش رەت بەتتەسىپ, ونى اۋىز­دىق­تاي ءبىلدى. تاسقىننىڭ ايماققا كەلتىرگەن ورا­­سان زور شىعىندارى جونىندە باس­پاسوز بەتىندە بۇعان دەيىن دە جەتكىلىكتى جازىلدى. سون­دىقتان وعان توقتالماي ءبۇ­گىن­دە سۋ اس­تىن­دا قال­عان زەلەنوۆ جانە تاسقالا اۋدان­دارىنىڭ ور­تالىقتارىندا جا­ڭا قالاشىقتار سالىنىپ پاي­دا­لانۋعا بەرىلگەنىن ايتقىمىز كەلەدى. ­شاعالاداي ساپ تۇزەگەن مۇن­داي قالاشىقتار جاڭا اتاۋلارعا يە بولىپ تا ۇلگەردى. تاقىرىپقا شىعارىپ وتىرعانىمىزداي وعان زەلەنوۆتا مۇنايشى اتاۋى بەرىلدى. ال وبلىستىڭ باتىسىنداعى رەسەي فەدەراتسياسىمەن شەكتەسەتىن تاسقالا كەنتىندە قونىس تەپكەن قالاشىققا وسى توپىراقتىڭ ءتول پەرزەنتى, ءومىرىنىڭ سوڭعى كۇن­دەرىنە دەيىن وسى وڭىردە تۇرعان, جەڭىستىڭ 65 جىلدىق مەرەكەسى قار­­­ساڭىندا ومىردەن وزعان كەڭەس ودا­عىنىڭ باتىرى سادىق جاق­سى­­عۇ­لوۆتىڭ ەسىمى بەرىلدى. بەينەبىر ەرتەگىدەگىدەي وتە قىسقا ۋاقىت ارالىعىندا بوي كوتەر­گەن قالاشىقتار تەك ءبىر- وڭكەي تۇرعىن ۇيلەر تىزبەگىنەن تۇرمايدى. جوبالاۋ-سمەتالىق قۇ­­جاتتارعا سايكەس سونىمەن ءبىر مەز­­گىلدە ساۋدا ورتالىقتارى, ءدا­رىحانا, پوشتا بولىمشەلەرى, حا­لىققا قىزمەت كورسەتۋ نىسان­دا­رى دا ىرگە كوتەرگەن. اتالعان قا­لاشىقتاردىڭ سالتاناتتى تۇردە اشىلۋ ءراسىمى كەزىندە باتىس قا­زاقستان وبلىسىنىڭ اكىمى باق­تى­قوجا ىزمۇحامبەتوۆ ءوز ويىن بى­لايشا تارقاتتى: بۇل ەلباسىمىز نۇرسۇلتان نازارباەۆتىڭ تىكەلەي تاپسىرماسىمەن ۇكىمەتتىڭ دەر كەزىندە كورسەتكەن كومەگىنىڭ, بارشا قا­زاقستاندىقتاردىڭ قولدا­ۋى­­نىڭ ناتيجەسى. بۇگىن وبلىس اۋ­دان­­دا­رىن­دا پايدالانۋعا بەرىلگەن تۇر­عىن ۇيلەر مەن الە­ۋ­مەت­تىك-تۇر­مىستىق نىسانداردىڭ ءار­قاي­سى­سىن­دا ءاربىر وتانداسى­مىز­دىڭ ۇلە­سى مەن جۇرەكتەرىنىڭ جى­لۋى بار. سىرت كوز – سىنشى دەگەندەي, گازەت تىلشىسىنە ءوز وي-پىكىرىن تاس­قالا اۋدانىمەن كورشىلەس رەسەي­دىڭ ساراتوۆ وبلىسى, وزينكي اۋ­دا­نى­نىڭ باسشىسى انتونينا گالياشكينا تومەندەگىشە تۇيىندەدى. – مەن كەڭەستىك كەزەڭدە بيىل­عى كوكتەمدە سۋ تاسقىنىنا ۇشى­راعان زەلەنوۆ اۋدانىندا باس­شى­لىق قىزمەتتە بولدىم. سول كەزدەگى ۇلكەن لاۋازىم – اۋپار­ت­كوم­نىڭ ءبىرىنشى حاتشىسى ورىنتاعى ماعان سەنىپ تاپسىرىلدى. سەنىم ۇدەسىنەن شىعۋعا ۇمتىلىپ, جاس­تىق كۇش-جىگەرىمىزدى اياماي جۇ­مىس جاسادىق. الايدا قازىرگى كەزدەگىدەي اۋدانداردىڭ قارىش­تى دامۋى ءبىزدىڭ ءوڭىمىز تۇگەل ءتۇ­سىمىزگە دە كىرمەيتىن. وزىمە جاق­سى تانىس تاسقالا جانە زەلەنوۆ اۋ­داندارىنا تابيعات اپاتى كەزىندە قازاقستان ۇكىمەتى تارا­پى­نان كور­­سەتىلگەن شەكسىز قولداۋ مەن كو­مەكتەن مەن ءوز وتانىمداي بولىپ كەتكەن كورشىلەس مەم­لە­كەت­تىڭ وراسان زور الەۋەتىن تانىپ تۇر­عان­دايمىن. بۇل ءۇشىن ءاربىر قازاق­ستاندىقتىڭ لايىقتى ماق­تا­نىش سەزىمىنە بولەنە الاتىنى انىق. ارينە, كورشىلەردەگى جەتىستىكتەردى قىزعانبايمىز. وعان قىزى­عا­مىز. شىنىن ايتقاندا, ءدال قازىر مەن زەلەنوۆ پەن تاس­قا­لاداعى تاقتايداي ءتۇزۋ, ءسانى مەن سالتا­ناتى كەلىسكەن كوشەلەردى كو­رىپ ەرەكشە تولقۋ ۇستىندە تۇر­مىن. جا­رايسىڭدار, قازاقستان­دىق­تار! مۇنايشى جانە سادىق جاق­سىعۇلوۆ اتىنداعى قالاشىقتار­دىڭ اشىلۋ ءراسىمى كەزىندە وعان قاتىسقان توتەنشە جاعدايلار مي­نيسترى ۆلاديمير بوجكو باتىس قازاقستان وبلىستىق ىشكى ىستەر دەپارتامەنتىنىڭ باستىعى, پوليتسيا گەنەرالى ارمان جالمۇح­ام­بەتوۆكە «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن» مەدالىن تابىس ەتتى. سونىمەن بىرگە, مينيستر زەلەنوۆ اۋدانى اكىمىنىڭ ورىن­با­سا­رى الديار حالەلوۆ پەن تاسقالا اۋدانى اكىمىنىڭ ورىنباسارى قۋات مۋسينگە «قۇتقارۋ وپەرا­تسيا­­لارىنا بەلسەندى قاتىسقانى ءۇش­ىن» توسبەلگىسىن تاپسىردى. تەمىر قۇسايىن. باتىس قازاقستان وبلىسى.