تەگىن كاسىپتىك ءبىلىمنىڭ تەتىكتەرى

ورتالىق كوممۋنيكاتسيالار قىزمەتىندە كەلەسى جىلدان باس­تاپ «بارشاعا تەگىن كاسىپتىك-تەحنيكالىق ءبىلىم» جوباسىن ەنگىزۋ بويىن­شا ءباسپاسوز ءماسليحاتى ءوتتى. وعان ءبىلىم جانە عىلىم ۆيتسە-ءمينيسترى بيبىگۇل اسىلوۆا, «اتامەكەن» ۇلتتىق كاسىپكەرلەر پالاتاسى بيزنەس-كوممۋنيكاتسيالاردى مەملەكەتتىك تىلدە دامىتۋ دەپارتامەنتىنىڭ ديرەكتورى باۋىرجان ورازعاليەۆ جانە باسقالار قاتىستى. بريفينگكە قاتىسۋشىلار ءنا­تيجەلى جۇمىسپەن قامتۋ جانە «ەڭ­بەك» باعدارلاماسى اياسىندا تەگىن كاسىپتىك-تەحنيكالىق ءبىلىمدى ەنگىزۋدىڭ تەتىگى تۋرالى  مالىمەت بەردى. ۆيتسە-مينيستر بيبىگۇل اسى­لوۆانىڭ ايتۋىنشا, اتالعان باعىت بويىنشا تەحنيكالىق ءجا­نە كاسىپتىك ءبىلىمى بار مامانداردى دايارلاۋ ءجا­نە قىسقا مەرزىمدى كاسىپتىك وقىتۋ شارالارى قا­را­س­تى­رىلعان. وسىنىڭ ناتيجەسىندە 2017-2021 جىل­­دار ارالىعىندا كاسىپتىك دايارلاۋ مەن وقى­تۋ­مەن بارلىعى 671,5 مىڭ ادام قامتىلادى. – ءبىرىنشى قولداۋ شاراسى تەح­ني­كالىق, اۋىل­شا­­رۋاشىلىق, تەحنو­لوگيالىق, سەرۆيس جانە قىزمەت كور­سەتۋ سالاسىنداعى ماماندىقتار بويىنشا جۇ­مىس­شى كادرلارىن دايارلاۋدى كوزدەيدى. 2017 جىل مەن 2021 جىل اراسىندا دايارلاۋمەن 471,5 مىڭ ادام قامتىلادى. ونىڭ ىشىندە رەسپۋبليكالىق بيۋد­جەت قاراجاتتارى ەسەبىنەن – جىل سايىن 106,5 مىڭ ادام, جەرگىلىكتى بيۋدجەت ەسەبىنەن جىل سايىن 365,0 مىڭ ادام  وقىتىلدى, – دەدى ول. سونىمەن بىرگە ونىڭ ايتۋىنشا, جاڭا باع­دار­­لاما بويىنشا 9-11 سىنىپ تۇلەكتەرى, از قام­تىل­عان وتباسىلاردان شىققان بىلىكتىلىگى جوق جاس­­تار ءبىلىم الاتىن بولادى. وسى باعدارلاما شەڭ­بەرىندە ۇمىتكەرلەردىڭ ءتىزىمىن قالىپتاستىرۋعا ءجا­نە ىزدەستىرۋگە ىقپال ەتەتىن جەرگىلىكتى ءبىلىم بە­­­رۋ جانە جۇمىسپەن قامتۋ ورگاندارىن, پولي­تسيا قىزمەتتەرىن تارتا وتىرىپ, ءاربىر ەلدى مە­­كەندە اكىم­­دىكتەر جانىنداعى ءموبيلدى توپتار قۇ­رى­لا­تىن­ بو­لادى. ەكىنشى قولداۋ شاراسى دۋالدى نەگىزدە 1-دەن 6 ايعا دەيىن قىسقا مەرزىمدى كاسىپتىك وقىتۋعا ار­نا­لا­دى. وسى جوبا بويىنشا جۇمىسپەن قامتۋ ورتا­لىقتارى تىكەلەي الەۋەت­تى قاتىسۋشىلاردىڭ قۇ­را­مىن قالىپتاستىرادى جانە تىزىمدەردى اۋداندىق (قا­لالىق) كوميسسيالارعا جىبەرەدى. وقىتۋ كوللەدجدەردە, وقۋ ورتا­لىقتارىندا, اسكەري-تەحنيكالىق مەكتەپتەردە وتەدى. ازاماتتار مەم­لەكەتتىك قولداۋمەن شاكىرتاقى تولەۋمەن قام­تا­ماسىز ەتىلەتىن بولادى جانە سىرتتان كەلگەن تۇل­عا­لارعا جول جۇرۋگە جانە تۇرۋعا قوسىمشا تولەم اقى قاراستىرىلعان. شالعاي ەلدى مەكەندەردە تۇراتىن ازاماتتار دا ءموبيلدى وقىتۋ ورتا­لىقتارىندا ءبىلىم الۋ ار­قىلى تەگىن ماماندىقتى مەڭگەرە الادى. ىسكە اسىرۋ سەرپىندى رەجىمدە اقمولا, اقتوبە, شىعىس قازاقستان, ماڭعىستاۋ, قوستاناي وبلىستارىندا جۇرگىزىلەتىن بولادى. بريفينگتە «اتامەكەن» ۇلتتىق كاسىپكەرلەر پا­­لاتاسى بيزنەس-كوممۋنيكاتسيالاردى مەم­لە­كەت­­­تىك تىلدە دامىتۋ دەپارتامەنتىنىڭ ديرەك­تو­رى ب.ورازعاليەۆ جاپپاي كاسىپكەرلىك باع­دار­لا­ما­­سىنىڭ ەكىنشى باعىتى اياسىندا «بيزنەس باس­تاۋ» جوباسى بويىنشا كاسىپكەرلىكتىڭ نەگىزدەرى وقى­تى­لاتىنىن ايتتى. كاسىپكەرلىككە وقىتىلعان ازا­مات­تاردىڭ ءوز جۇ­مىسىن اشۋعا مۇمكىندىگى بولادى. ولار ءوز ءىسىن باستاۋ ءۇشىن  ميكروكرەديت تە الا الا­دى. باعدارلامانى ىسكە اسىرعان جاعدايدا جۇمىس­سىز­دىق دەڭگەيى 4,8 پايىزعا جانە  بىلىكتىلىكسىز جۇمىس كۇشىنىڭ ۇلەسى 20 پايىزعا تومەندەيدى. داستان كەنجالين, «ەگەمەن قازاقستان»