قر تاۋەلسىزدىگىنىڭ 25 جىلدىعىندا اقتوبەلىكتەر 5 مىڭ پاتەرگە, 6 مىڭنان استام جەر ۋچاسكەسىنە يە بولدى, دەپ حابارلادى وبلىس اكىمدىگى.
«اقتوبە وبلىسىنىڭ باسشىلىعى مەملەكەت باسشىسى نۇرسۇلتان نازارباەۆتىڭ حالىقتىڭ ءال-اۋقاتىن جاقسارتۋ جونىندەگى تاپسىرمالارىن ورىنداۋ بويىنشا شارالار قابىلداپ جاتىر. تۇرعىن ۇيلەردىڭ, الەۋمەتتىك نىسانداردىڭ قۇرىلىسى - وڭىردە وسى ماقساتتا جاسالىپ جاتقاننىڭ ءبىر بولىگى عانا. جالپى العاندا, بيىلعى جىلى وبلىستا «قولجەتىمدى تۇرعىن ءۇي», «وڭىرلەردى دامىتۋ» مەملەكەتتىك باعدارلامالارى اياسىندا جانە «قتقجب» سالىم سالۋشىلارى اراسىنداعى تۇرعىن ءۇي قۇرىلىس جيناقتارى جەلىسى بويىنشا 5000 پاتەردىڭ كىلتى تابىستالدى», - دەلىنگەن حابارلامادا.
بۇدان بولەك, سوڭعى 5 جىل ىشىندە قارجىلاندىرۋدىڭ بارلىق كوزدەرى ەسەبىنەن 2,3 ملن استام شارشى مەتر تۇرعىن ءۇي پايدالانۋعا بەرىلگەن, بۇل وبلىستىڭ 19 مىڭ وتباسىن تۇرعىن ۇيمەن قامتاماسىز ەتۋگە مۇمكىندىك بەردى. وبلىستىڭ تۇرعىن ءۇي قۇرىلىسىندا قارجىلاندىرۋدىڭ بارلىق كوزدەرى ەسەبىنەن 163 ملرد تەڭگەدەن استام ينۆەستيتسيا تارتىلعان. اعىمداعى جىلى كەمىندە 580 شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر.
«وڭىرلەردى دامىتۋ» باعدارلاماسى اياسىندا «نۇر اقتوبە» شاعىن اۋدانىندا 2016 جىلى تۇرعىن ۇيلەردىڭ تاعى 23 بلوك-سەكتسياسىنىڭ قۇرىلىسى باستالدى, بۇل جالپى اۋدانى 75,9 مىڭ شارشى مەتردى قۇرايتىن قوسىمشا 1278 پاتەر. ۇيلەردىڭ قۇرىلىسى 2017 جىلى اياقتالماق. بۇدان بولەك وبلىس تۇرعىندارىنا التى مىڭنان استام جەر ۋچاسكەسى بەرىلگەن.
