بۇگىن استانادا اۆتوبۋسپەن ءجۇرۋ تەگىن

استاناداعى قوعامدىق كولىكتە جۇمىس ىستەيتىن كوندۋكتورلاردىڭ ءبارىن دەمالىسقا جىبەردى. بۇگىن تاۋەلسىزدىكتىڭ 25 جىلدىعىنا وراي بارلىق اۆتوبۋستاردا جول ءجۇرۋ قىزمەتى تەگىن. ەسكە سالا كەتسەك, ساعات 11:00-دە ەكسپو اۋماعىندا «تاۋەلسىزدىكتىڭ 25 جىلدىعى» مونۋمەنتى اشىلادى. كەشكى ساعات 17.00-دە «استانا وپەرا» تەاترىندا «تاۋەلسىزدىككە شاشۋ» مەرەكەلىك كونتسەرتى وتەدى. سونداي-اق قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان سالتاناتتى كونتسەرت «بايتەرەك» مونۋمەنتىنىڭ الدىندا ۇيىمداستىرىلادى. كونتسەرت قازاقستان ەستراداسى جۇلدىزدارىنىڭ قاتىسۋىمەن وتەدى. ال اۋقىمدى مەرەكەلىك وتشاشۋدى ساعات 22:00-دە ەلوردانىڭ بىرنەشە اۋدانىندا, اتاپ ايتقاندا, ەسىل وزەنىنىڭ جاعالاۋىندا, پۋشكين كوشەسى مەن ابىلاي حان داڭعىلىنىڭ قيىلىسىندا جانە «حان-شاتىر» ساۋدا ورتالىعىنىڭ سىرتىندا تاماشالاۋعا بولادى. استانادا مەرەكە كۇندەرى قوعامدىق ءتارتىپتى, جەكە جانە م ۇلىكتىك قاۋىپسىزدىكتى ساقتاۋعا جانە جول قاۋىپسىزدىگىن قامتاماسىز ەتۋگە 1500-گە جۋىق قر ءىىم ۇلتتىق ۇلان اسكەرى مەن پوليتسيا قىزمەتكەرى, 200-گە جۋىق ارنايى ماشينا تارتىلادى. سونداي-اق, تجد جەكە قۇرامىنان 4 بولىمشە, 204 ادام جۇمىلدىرىلادى.