ءبىز قۇت قونعان حالىقپىز

ەلىمىز ۇلكەن ءبىر بەلەستەن ءوتتى. عا­سىرلار بويى ارمانداعان جاقسى كۇنگە دە جەتتىك. قا­زىر ءبىزدىڭ تاۋەلسىزدىگىمىزگە تاتۋ­لى­عىمىز, اۋىزبىرشىلىگىمىز تىرەك بولىپ تۇر. ءبىز قۇت قونعان حالىق­پىز! ەلباسىمىزدىڭ بارشامىزدى ەل تاۋەلسىزدىگىنىڭ 25 جىل­دى­عىمەن قۇت­تىق­تاۋ جيىنىنا ور­تاق­تاسىپ قايتتىق. مۇنداي تاريحي سالتاناتقا كۋا بولۋ – بار­شاعا بۇيىرا بەرمەيتىن باق. بۇكىل ەلىمىزدىڭ ءجۇرىپ وتكەن جولى, كۇردەلى دە قيىن جىلدار, جەتىستىكتەرىمىز بەن تابىستارىمىز كوز الدىمدا ءتىزىلىپ, تەبىرەنىپ وتىردىم. شىنىن ايتۋ كەرەك, ەل­باسىمىز ءوزىنىڭ ەلىن حالىقارالىق ارەنادا ابىرويلى دۇرىس جولمەن الىپ كەلەدى. جەر بەتىن شارپىپ جاتقان ءتۇرلى كەساپاتتاردان دا مىقتى ساياساتىنىڭ ارقاسىندا اراشالاپ, حالقىن امان ساقتاپ وتىر. ەل ازاماتتارىنا اللا ابىروي مەن قۋات بەرسىن! تاۋەلسىزدىكتىڭ 25 جىلى – ءبىزدىڭ بۋىن­نىڭ ۋاقىت ولشەمىنە سىيمايتىن تەڭدەسسىز ەرلىگى. وسى مەرەيتويلىق جىلدا قازاقستاننىڭ بىرىككەن ۇلت­تار ۇيىمى قاۋىپسىزدىك كەڭەسىنە ساي­­­لانۋىنىڭ سيمۆولدىق ءمانى بار. پار­لامەنت تاۋەلسىزدىكتىڭ 25 جىلدىعى دەك­لاراتسياسى ءبىزدىڭ ۇلى جەتىستىكتەرىمىز بەن جەڭىسىمىزدى ايشىقتاعان ماڭىزدى ساياسي-قۇقىقتىق قۇجاتقا اينالدى, دەدى قازاقستان پرەزيدەنتى. مەملەكەتىمىزدىڭ باسشىسى اتاپ ءوت­كەندەي, ءبىزدىڭ بايلىعىمىز – تاتۋ حال­قى­مىز. قازاقستان حالقى اسسام­بلەياسى بارلىق ۇلتتى قاناتىنىڭ اس­تىنا الىپ, باسىن بىرىكتىرە ءبىلدى. «ەڭ باستىسى, كەز كەلگەن ادام «مەن – قازاق­ستان­دىقپىن, بۇل – مەنىڭ ەلىم, مەن مۇندا باقىتىمدى تاپتىم!» دەپ ايتا الاتىن ادىلەتتى قوعامدى ورناتتىق», دەپ وتىر عوي. راسىندا وسى جيىننىڭ وزىندە وتان­­داستارىمىز ۇلت­قا بولىنبەي, قاۋقىلداسىپ قا­ۋ­ىشىپ, ريزاشىلىق­پەن ءبىرىن-ءبىرى قۇت­تىق­تاپ, قۋانىپ ءجۇردى. ءبارى دە قازاقستانى­مىز امان بول­سىن, تىنىشتىق بول­­­سىن دەپ تىلەپ وتىر. وسى جەتكەن جە­تىس­تىكتەرىمىزدى ودان ءارى شەگەندەۋ ءۇشىن دە ءبىر جەڭنەن قول, ءبىر جاعادان باس شىعارىپ, العا ءجۇرۋىمىز كەرەك. جاس­تا­رى­مىز ارانداتۋلاردان, تەرىس پيعىلدى توپ­تاردان اۋلاق بولسا ەكەن. وسى جيىننىڭ وزىندە حالقىمىزدىڭ ءال-اۋقاتىن جاقسارتاتىن وتە جاقسى جا­ڭالىقتار جاريا بولدى. ەستىگەن ەل­دىڭ كوڭىل كۇيى كوتەرىڭكى.  جاردەماقى, زەي­نەتاقى كولەمى ارتادى. جاستارىمىز دا قالاعان ەلىندە قا­لاعان وقۋىن وقىپ, حالىقارالىق دەڭ­گەي­دە ءبىلىم الىپ جاتىر. زامانى قانداي ونەرمەن اينالىسامىن دەسە دە مۇمكىندىك تۋعىزىپ بەرىپ وتىر. بيزنەسكە بارامىن دەگەندەرىنە دە جول اشىق. مەملەكەت كوپتەگەن باع­دار­لامالار جاساپ, مۇنىڭ دا جولىن جەڭىل­دەتىپ وتىر. بيبىگۇل تولەگەنوۆا, كسرو حالىق ءارتيسى