ءوڭىردىڭ جارقىن ورنەگى

ەلباسى نۇرسۇلتان نازارباەۆ وڭتۇستىك قازاقستان وبلىسىنا 40-تان اسا جۇمىس ساپارىمەن كەلىپ, ونىڭ ىشىندە تۇركىستان قالاسىنا 13 رەت ات باسىن بۇرعان ەكەن. مەم­لەكەت باسشىسىنىڭ وڭىرگە جۇمىس ساپارلارى نەگىزىندە, وب­لىس اكىمدىگىنىڭ تاپسىرىسى بويىنشا, «ساق» كينوستۋدياسى «تاۋەلسىزدىك – تۇعىرىم» اتتى دەرەكتى فيلم ازىرلەگەن. ەل تاۋەلسىزدىگىنىڭ 25 جىلدىق مەرەيتويىنا ارنالىپ جارىق كورگەن «تاۋەلسىزدىك تەبىرەنىستەرى» شى­عار­مالار جيناعى مەن «تاۋەل­سىزدىكتىڭ 25 جۇلدىزدى ءساتى» فو­توالبومىندا, سونداي-اق, «قا­زاقستان جولى: ۇلت كوش­باس­­شىسىمەن بىرگە 25 جىل بەي­بىت­شىلىك پەن جاسامپازدىق» اتتى كى­تاپتا ءتۇرلى جانردا جا­زىل­عان ما­قالالاردا حالىقتىڭ تۇر­مىس-ءتىر­شىلىگى, ءوڭىردىڭ شيرەك عاسىر­داعى جەتىستىكتەرى ەلباسى ساياساتىمەن بايلانىستىرىلا باياندالادى. جوعارىدا اتالعان كىتاپتار مەن دەرەكتى ءفيلمنىڭ تۇساۋكەسەر ءراسىمى شىمكەنتتەگى «وتىرار» وبلىستىق عىلىمي-امبەباپ كىتاپ­حاناسىندا ءوتتى. سالتاناتتى شا­­رادا ءسوز العان وبلىس اكىمى جانسەيىت تۇيمەباەۆ ەلباسى مەن تاۋەلسىزدىك ەگىز ۇعىم ەكەنىن ايتتى. «ويتكەنى, ەلىمىزدەگى قايبىر جەتىستىك تە ەلباسىنىڭ, ەلدىڭ ەرەن ەڭبەگىمەن تىكەلەي بايلانىستى. مۇنى سىزدەر مەرەيتويعا وراي وبلىسىمىزدا شىعارىلىپ وتىرعان بۇگىنگى كىتاپتاردان دا ايقىن اڭعارا الاسىزدار. ءۇش كىتاپ تا ءوڭىرىمىزدىڭ سوڭعى 25 جىلدا جەتكەن جارقىن جەتىستىكتەرى تۋرالى ماعلۇماتتارمەن تا­نىسۋعا مۇمكىندىك بەرەدى», دەدى وبلىس اكىمى. سونداي-اق, ول قازاق­ستاندا ەلباسىنىڭ باستاماسىمەن جۇزەگە اسقان «مادەني مۇرا» باعدارلاماسى اياسىندا كوپتەگەن يگى ءىس اتقارىلعانىن, قۇندى كىتاپتار شىعارىلعانىن اتاپ ءوتتى. جالپى, وبلىس باسشىسى رۋحاني قۇندىلىقتارعا, عىلىمنىڭ دامۋىنا ەرەكشە ءمان بەرۋدە. جاستاردىڭ عىلىممەن اينالىسىپ, ەل دامۋىنا ۇلەس قوسۋعا ىقپال ەتەتىن جوبالاردى دايىنداۋىنا بارلىق جاعدايلار جاسالعان. مىسالى, جۋىردا م.اۋەزوۆ اتىنداعى وقمۋ-دا بولعان جانسەيىت تۇيمەباەۆ وقۋ ورىندارىنىڭ وبلىس ەكو­نوميكاسىنىڭ دامۋىنا ءوز ۇلە­سىن قوسۋى كەرەكتىگىن اتاپ ايتتى. سول سياقتى, وسى ۋنيۆەر­سيتەتتە وتكەن «قازاقستان جو­لى: ۇلت كوشباسشىسىمەن ءبىر­گە 25 جىل بەيبىتشىلىك پەن جا­سامپازدىق» تاقىرىبىنداعى ەل تاۋەلسىزدىگىنىڭ 25 جىلدىعىنا ارنالعان حالىقارالىق عىلىمي - تاجىريبەلىك كونفەرەنتسيادا دا شەتەلدە, نە بولماسا, وزىمىزدە ءبىلىم العان بىلىكتى ماماندار وتانىمىزدىڭ, ونىڭ ىشىندە وڭتۇستىك ءوڭىرىنىڭ وركەندەپ, دامۋىنا اتسالىسۋلارى قاجەتتىگى اتاپ ءوتىلدى. اتالمىش كونفەرەنتسيا جۇمىسىنا 26 مەملەكەتتەن 120-دان استام بەل­گىلى عالىمدار, سونداي-اق قازاق­ستاندىق 30 ۋنيۆەرسيتەتتىڭ عا­لىم­دارى قاتىسقان بولاتىن. «وتىرار» وبلىستىق عىلىمي-امبەباپ كىتاپحاناسىندا تۇ­ساۋى كەسىلگەن ءۇش ەڭبەكتىڭ ءبىرى – «قازاقستان جولى: ۇلت كوش­باسشىسىمەن بىرگە 25 جىل بەي­بىتشىلىك پەن جاسامپازدىق» اتتى كىتاپقا وقمۋ-دا وتكەن حا­لىق­ارالىق عىلىمي كونفەرەن­تسيادا باياندالعان عىلىمي ماقا­لالار ەنگىزىلگەن. سونداي-اق, كونفەرەنتسيا بارىسىندا دۇنيە­جۇزىلىك عىلىمي ورتاعا م.اۋەزوۆ اتىنداعى وقمۋ عالىم­دارى­نىڭ جاڭادان اشقان عىلىمي جاڭالىقتارى تانىستىرىلدى. اسىلبەك دوسالى شىمكەنت