رەسەي ەكسپو-2017 كورمەسىندەگى پاۆيلونىن الدى

بۇگىن «استانا ەكسپو-2017» ۇلتتىق كومپانياسىنىڭ باسقارما توراعاسى احمەتجان ەسىموۆ ەكسپو-2017 كورمەسىندەگى رەسەيدىڭ ۇلتتىق پاۆيلونىنىڭ كوميسسارى, رف ءوندىرىس جانە ساۋدا ءمينيسترىنىڭ ورىنباسارى گەورگي كالامانوۆپەن كەزدەستى. بۇل تۋرالى primeminister.kz حابارلادى. كەزدەسۋ بارىسىندا ەكى جاق ەكسپو-2017 كورمەسىن ۇيىمداستىرۋ ماسەلەسىن تالقىلادى. ا. ەسىموۆ رەسەي تاراپىن كورمەگە دايىندىق جۇمىستارىمەن جانە حالىقارالىق قاتىسۋشىلاردى تارتۋ ماقساتىندا جۇرگىزىلىپ جاتقان جۇمىستارمەن تانىستىردى. ءوز كەزەگىندە, گ. كالامانوۆ استانا قالاسىندا وتەتىن حالىقارالىق كورمەدە جاڭارتىلاتىن ەنەرگيا كوزدەرىن پايدالانۋ بويىنشا وزدەرىنىڭ تەحنولوگيالارىن كورسەتۋ مۇمكىندىگى ءۇشىن ريزاشىلىعىن ءبىلدىردى. «قازىرگى تاڭدا رەسەيدىڭ ەكسپو-2017 كورمەسىنە قاتىسۋى تۋرالى بارلىق ماسەلەلەر شەشىلدى. ايتالىق, قاتىسۋ تۇجىرىمداماسى ازىرلەندى, بيۋدجەت قالىپتاستىرىلدى, پاۆيلوندى تولتىراتىن ساراپتاما كەڭەسى قۇرىلدى, ەكسپو-عا قاتىسۋعا بايلانىستى بىرقاتار ۇيىمداستىرۋ جۇمىستارى اتقارىلدى. رەسەيلىك كومپانيالار بۇل ۇدەرىسكە قوسىلۋعا ءازىر. كورمە تاقىرىبى ءبىز ءۇشىن وتە ماڭىزدى. سوندىقتان بارىنشا ايانىپ قالماۋعا تىرىسامىز», - دەدى رەسەي ۇلتتىق سەكتسياسىنىڭ كوميسسارى. ۇلتتىق كومپانيانىڭ حابارلاۋىنشا, كەزدەسۋ سوڭىندا رف پاۆيلونىن تاپسىرۋ بويىنشا قۇجاتتارعا قول قويىلدى. پاۆيلون اۋماعى - 1 008,6 شارشى مەتردى قۇرايدى. رەسەي دەلەگاتسياسىنىڭ كەلىسىمى بويىنشا كەلەسى جىلدىڭ قاڭتار-اقپان ايلارىندا پاۆيلوننىڭ ەكسپوزيتسياسىن بەزەندىرۋ جۇمىستارى باستالادى. ەسكە سالا كەتەيىك, بۇگىندە ەكسپو-2017 حالىقارالىق مامانداندىرىلعان كورمەسىنە 112 مەملەكەت پەن 18 حالىقارالىق ۇيىم قاتىساتىندىعىن راستادى.