وقۋشىلار سارايى اشىلدى

تاۋەلسىزدىك مەرەكەسى قارساڭىندا ورال قالاسىندا وقۋشىلار جانە جاستار سارايىنىڭ جاڭا عيماراتى پايدالانۋعا بەرىلدى. الەۋمەتتىك-سپورت­تىق باعىتتاعى بۇل ايرىق­شا نى­سان ءوڭىر جاستارىنىڭ ينتە­ل­لەك­تۋالدىق جانە رۋحاني تۇرعىدان جان-جاقتى دامۋىنا ءۇل­كەن ءمۇم­كىن­دىكتەر تۋعىزادى دەپ كۇ­تى­لۋ­دە. اتالمىش وقۋشىلار سارايى ەلبا­سى­­مىز­دىڭ تاپسىرماسى بويىنشا بوي كو­تەرگەن. مۇندا شىعارماشىلىق قىز­مەتتىڭ بارلىق تۇرلەرىمەن جانە سپورتپەن اينالىسۋعا, سونداي-اق, ءار­تۇرلى ۇيىرمەلەرگە قاتىسۋعا بارلىق جاع­دايلار بار. جاستار سارايىنداعى ەرەكشە جابدىقتالعان ەكى ۇلكەن زالدى ايتپاي كەتۋ ەش مۇمكىن ەمەس. ونىڭ ءبىرى ورال ءوڭىرىنىڭ تۋماسى, ريو وليم­پيا­دا­سىنىڭ چەمپيونى, بوكستان ۇلتتىق قۇراما كومانداسىنىڭ كاپيتانى دانيار ەلەۋسىنوۆتىڭ اتىنا بەرىلگەن. ياعني, بۇل زال رەسمي تۇرعىدان العاندا دانيار ەلەۋسىنوۆ اتىنداعى بوكس ورتالىعى دەپ اتالماق. عيمارات «كپو ب.ۆ» كومپانياسىنىڭ قاراجاتىنا بوي كوتەرگەن. وقۋشىلار سارايىنىڭ اشىلۋ ءراسىمى كەزىندە وبلىس اكىمى التاي كولگىنوۆ ءسوز ارناسىن وسى ارادان ساباقتادى. «قپو ب.ۆ.» كومپانياسىنىڭ باس ديرەكتورى رەناتو مارولي ءسات­تى­ جۇزەگە اسقان بۇل جوبا كومپانيا مەن وبلىس اكىمدىگىنىڭ اراسىن­دا قالىپتاسقان وڭ قارىم-قاتىناستاردىڭ باستى كورى­نى­سى ەكەنىن اتاپ ءوتىپ, عيماراتتىڭ سيم­ۆول­دىق كىلتىن «جاس ۇلان» ۇيىمىنىڭ مۇشەلەرىنە تابىستادى. ارداگەر ۇستاز بوريس چەباكوۆ پەن وليمپيادا چەمپيونى دانيار ەلەۋسىنوۆ سالتاناتتى لەنتا قيۋ ءراسىمىن ورىنداعان سوڭ جينالعاندار وقۋشىلار جانە جاستار سارايىنىڭ ءىشىن ارالاپ كوردى. ورال قالاسىنداعى وقۋشىلار جانە جاستار سارايىنىڭ اشىلۋ ءرا­سى­مى­نە اقپارات جانە كوممۋنيكاتسيالار ءمينيسترى داۋرەن اباەۆ قاتىستى. تەمىر قۇسايىن, «ەگەمەن قازاقستان» ورال