«نۇر وتان» حالىقتىق-دەموكراتيالىق پار­­تياسىنىڭ ساياسي كەڭەسى ەلىمىزدىڭ كومىر ءوندىرىسىنىڭ بارلىق جۇمىسشىلارى مەن ارداگەرلەرىن كاسىبي مەرەكەسى – شاحتەر كۇنىمەن قۇتتىقتايدى!

وسى سالا قازاقستاننىڭ بۇكىل ەكونوميكاسىنىڭ اسا ماڭىزدى قۇرامداس بولىگى بولىپ, ەلىمىزدىڭ دامۋى مەن گۇلدەنۋىنە زور ۇلەسىن قوسىپ كەلە جاتىر. ونىڭ باستى يگىلىگى – بۇكىل ءومىرىن اسا جاۋاپتى, قيىن ءارى قادىرلى كاسىپپەن اينالىسۋعا ارناعان ادامدار. مۇنداي ازاماتتاردى ەلباسىمىز, پارتيامىزدىڭ توراعاسى نۇرسۇلتان ءابىش ۇلى نازارباەۆ تا زور ماقتانىش تۇتىپ, ولار جايلى ءاردايىم ۇلكەن قۇرمەتپەن ايتىپ وتىرادى. كەنشىلەردىڭ قاجىرلى ءارى جانكەشتى ەڭبەگىنە ەلىمىزدىڭ يگىلىگى, قۋاتى مەن ابىرويى, بولاشاق دامۋى تىكەلەي بايلانىستى. بۇگىنگى تاڭدا كومىر ءوندىرۋشى كومپانيالار ءوز ءوندىرىسىن جاڭعىرتىپ, كولەمدەرىن كوبەيتۋدە جانە دە دامىعان ەلدەردىڭ ءىرى كاسىپورىندارىمەن باسەكەلەستىككە ۇمتىلۋدا. وسى سالانىڭ بولاشاعى – شاحتەرلەردىڭ جاس بۋىنى دا ءوستى. سونداي-اق ۇزاق جىلدار بويى ەڭبەك ەتكەن ارداگەرلەردى دە ايرىقشا اتاپ ءوتۋ ماڭىزدى. ءومىرىن كەنشىلىكتىڭ قيىن ەڭبەگىمەن بايلانىستىرعان بارشا ازاماتتارىمىزعا ۇلكەن العىسىمىزدى ايتىپ, زور دەنساۋلىق, قاجىماس قايرات, ەلىمىزدىڭ يگىلىگى ءۇشىن ىستەپ كەلە جاتقان جۇمىستارىنا تابىس تىلەيمىز!