بۇل ماسەلە جونىندە وبلىستىق ستاتيستيكا دەپارتامەنتىنىڭ باسشىسى مارال نۇرجاۋىپوۆا حابارلاما جاسادى. وبلىس ەلىمىزدە ساۋدا مەن ينۆەستيتسيا كولەمى ءوسىمىنىڭ قارقىنى بويىنشا – ەكىنشى, ونەركاسىپتە – ءتورتىنشى, تۇرعىن ۇيلەردى پايدالانۋعا بەرۋدە بەسىنشى ورىندا. 70 ملرد تەڭگەنىڭ ونەركاسىپ ونىمدەرى شىعارىلىپ, ءتورتىنشى ورىنعا تۇراقتاعان.تاماق ونىمدەرىنىڭ ءوندىرىسى 14,3 پايىزعا ۇلعايعان. پلاتفورما-كونتەينەر تاسىمالداۋشىلار مەن ارنايى اۆتوموبيلدەر شىعارۋ ماشينا جاساۋ سالاسى ءوسىمى 3,4 ەسە قامتاماسىز ەتىلگەن.
اپپاراتتىق كەڭەستە ينۆەستيتسيا تارتۋ جۇمىستارىن جانداندىرۋعا ەرەكشە نازار اۋدارىلدى.
«ينۆەستيتسيا ماسەلەسىمەن ءبارىمىز اينالىسۋىمىز كەرەك. بىزگە جەكە ينۆەستيتسيالار قاجەت. بۇل ءىستى اۋداندار دا, باسقارما باسشىلارى مەن ورىنباسارلارى دا مىقتاپ قولعا العانى ءجون. شەتەل ازاماتتارىن تارتۋ ارقىلى الىنعان سىرتقى ينۆەستيتسيانىڭ ۇلەسى 5 پايىز. بۇل وتە تومەن كورسەتكىش», دەپ اتاپ كورسەتتى قۇمار ىرگەباي ۇلى.
ءوڭىر باسشىسى سەلەكتورلىق رەجىمدە قاتىسقان اۋدان اكىمدەرىنە ەڭبەكاقىنى كوتەرۋ ءۇشىن بارلىق شارالاردى قولعا الۋدى قاتاڭ تاپسىردى.
ءومىر ەسقالي,
«ەگەمەن قازاقستان»
