كاسپي تەڭىزىنىڭ قازاقستاندىق سەكتورىندا قازاقستان رەسپۋبليكاسىنىڭ مەملەكەتتىك شەكاراسىنا, اۋماقتىق تۇتاستىعىنا, تاۋەلسىزدىگى مەن ەكونوميكالىق مۇددەلەرىنە قول سۇعىلماۋىن «باتىس» وڭىرلىك قولباسشىلىعى قامتاماسىز ەتەدى. نەگىزگى شتابى اتىراۋ قالاسىندا ورنالاسقان قولباسشىلىق اسكەرلەرىنىڭ قولباسشىسى, گەنەرال-مايور داۋلەت وسپانوۆ ايبىندى ەلدىڭ ارمياسى جايلى ويلارىمەن ءبولىستى.
داۋلەت رىسقۇلبەك ۇلى ريازان جوعارى اسكەري قولباسشىلىق بايلانىس ۋچيليششەسىن, قازاقستان قارۋلى كۇشتەرى اسكەري اكادەمياسىن بىتىرگەن. 2015 جىلدىڭ قازان ايىندا پرەزيدەنتتىڭ وكىمىمەن «باتىس» وڭىرلىك قولباسشىلىعى اسكەرلەرىنىڭ قول-
باسشىسى بولىپ تاعايىندالدى. ءىى دارەجەلى «ايبىن» وردەنىمەن, مەرەيتويلىق مەدالدارمەن ماراپاتتالعان.
−داۋلەت رىسقۇلبەك ۇلى, اڭگىمەمىزدى «باتىس» وڭىرلىك قولباسشىلىعىنىڭ قۇرىلۋ تاريحىنان باستاساق.
− پرەزيدەنت نۇرسۇلتان ءابىش ۇلى نازارباەۆتىڭ ايماقتىڭ اسكەري-ساياسي, الەۋمەتتىك-ەكونوميكالىق جاعدايى وزگەرۋى سالدارىنان تۋىندايتىن قاۋىپ-قاتەرگە قارسى جە-
دەل ارەكەت ەتۋگە مۇمكىندىك بەرەتىن مىقتى توپ قۇرۋ تۋرالى تاپسىرماسى نەگىزىندە باتىس اسكەري وكرۋگى اقتوبە, اتىراۋ, باتىس قازاقستان, ماڭعىستاۋ وبلىستارىنىڭ اۋماعىندا جۇمى-
سىن باستاعان ەدى. سودان بەرى مەملەكەتتىڭ قورعانىس قابىلەتىن قامتاماسىز ەتۋ ماقساتىندا قىزمەت ەتىپ كەلەدى. وڭىرلىك قولباسشىلىق باسقارماسى 2005 جىلى اقتوبەدەن اتىراۋعا كوشىرىلدى. سول جىلى ماۋسىم ايىندا اتىراۋ قالاسىنداعى «باتىس» وڭىرلىك قولباسشىلىعىن باس قولباسشى, ەلباسىنىڭ ءوزى كەلىپ اشتى. ءبىزدىڭ قولباسشىلىقتىڭ ەكپىندى كۇشى جانە باستى ەرەكشەلىگى – اقتاۋ قالاسىنداعى تەڭىز جاياۋ اسكەرى. وڭىرلىك قولباسشىلىقتىڭ قۇرامىنا اۋە قورعانىسى كۇشتەرىنىڭ ورتالىق باعىنىستاعى بولىمدەرى مەن اسكەرلەرىن قوسپاعاندا, اۋماقتىق ءبولىنىس شەگىندەگى اسكەري بولىمدەر كىرەدى. مەملەكەتتىڭ قولداۋىمەن اسكەري دايىندىققا, قويىلعان مىندەتتەردى مۇلتىكسىز ورىنداۋعا بارلىق جاعداي جاسالعانىن اتاپ وتكىم كەلەدى.
− مەملەكەتتىڭ قۋاتتىلىعى اسكەرىنىڭ مىقتىلىعىمەن دە باعالانادى. ال ساربازداردىڭ ءتۇرلى سىناقتاردا شىڭدالاتىنى بەلگىلى. «باتىس» وڭىرلىك قولباسشىلىعى قانداي شارالارعا قاتىسىپ ءجۇر؟
– وڭىرلىك قولباسشىلىق قاتىسقان العاشقى وقۋ-جاتتىعۋ جيىنى «تەڭىز الەمى-2002» بولدى. ال «باتىس-2003» اسكەري جاتتىعۋىنا وكرۋگتەگى بارلىق اسكەري بولىمدەر اتسالىستى. «جەتىسۋ-2004» كوماندالىق-شتابتىق جاتتىعۋى, «شەكارا-2006» جەدەل-تاكتيكالىق جاتتىعۋى, ء«وزارا ارەكەت-2009» بىرلەسكەن جاتتىعۋى دا ساربازدارعا جىگەر بەردى. «بەيبىت بورىش-2010», «ورتالىق-2011» وقۋلارىنا قاتىسقان «باتىس» اسكەري قولباسشىلىعى دايىندىقتارىنىڭ جوعارى دەڭگەيدە ەكەنىن كورسەتتى. 2013 جىلدان بەرى «قاراتاۋ» وقۋ-جاتتىعۋى ءوتىپ كەلەدى. مۇنداي شارالار اسكەري قىزمەتشىلەردىڭ جاۋىنگەرلىك ازىرلىگى قانداي دارەجەدە ەكەنىن انىقتاۋعا مۇمكىندىك بەرەدى. اسكەري بولىمدەردە جاۋىنگەرلىك دايىندىق قورىتىندىلارىنىڭ جىل ساناپ جاقسارىپ كەلە جاتقانى كوڭىلگە قۋانىش سىيلايدى.
جالپى, «باتىس» وڭىرلىك قولباسشىلىعىنداعى اسكەري قىزمەتشىلەردىڭ فيزيكالىق دايىندىق دەڭگەيى قازاقستان قارۋلى كۇشتەرى بويىنشا ەڭ ۇزدىك ساناتتا ەكەنىن ماقتانىشپەن ايتامىز.
– بىراق اسكەري ءومىر تەك وقۋ-جاتتىعۋلاردان عانا تۇرمايتىن شىعار؟
– اسكەري قىزمەتشىلەر قوعامدىق, سپورتتىق, مادەني شارالارعا دا قاتىسادى. وڭىرلىك قولباسشىلىقتا جەدەل قىزمەت ساربازدارىنىڭ بوس ۋاقىتتارىن ءتيىمدى پايدالانۋ ءۇشىن ارنايى شارالار ۇيىمداستىرىلادى. اسكەري ءبولىم قىزمەتكەرلەرىمەن بىرگە ءتۇرلى مەرەكەلىك كەشتەر وتكىزىلەدى. بالالار مەن قارتتار ۇيىنە بارىپ تۇرامىز. كوركەمونەرپازدار كونتسەرت قويادى. اسىرەسە, قالا جاستارى مەن جەدەل قىزمەت ساربازدارىنىڭ اتا-انالارى ءۇشىن جاسالاتىن اشىق ەسىك كۇنىن وتكىزۋ كەزىندە اسكەري بولىمدەر بەلسەندىلىك تانىتادى. سوعىس ارداگەرلەرىمەن بايلانىس تا جاقسى جولعا قويىلعان.
– وڭىرلىك قولباسشىلىقتىڭ قاجەتتى تەحنيكامەن, جابدىقتار-
مەن قامتاماسىز ەتىلۋى تۋرالى نە ايتاسىز؟
− بۇگىندە قازاقستان اسكەرى ماتەريالدىق-تەحنيكالىق جاعىنان تولىق قامتىلعان. «باتىس» وڭىرلىك قولباسشىلىعىنداعى تەحنيكالار 90 پايىزعا جاڭاردى. بارلىق اسكەري بولىمدەردە اسحانا, كازارما, ۇيىقتايتىن بولمە, جاتتىعۋ زالى, كىتاپحانا, دەمالىس بولمەلەرى بار.
تاۋەلسىز ەل الدىنداعى ازاماتتىق بورىشتارىن وتەپ جاتقان ساقشىلارعا ارتىلعان جاۋاپكەرشىلىك تە جەڭىل ەمەس. اسكەرلەرىمىزدىڭ دايىندىعى جوعارى, رۋحى بيىك. قازاقستان قارۋلى كۇش-
تەرىنىڭ ءيميدجىن كوتەرۋگە باعىتتالعان جۇمىستار جەمىسىن بەرىپ كەلەدى. قازىر اسكەرگە بارعىسى كەلەتىن جاستار كوبەيدى. ەڭ باستىسى, مەملەكەتىمىز قورعانىس سالاسىنا ايرىقشا كوڭىل ءبولىپ وتىر. ال قامقورلىق پەن قولداۋ باردا قاي سالا دا وركەندەپ, ورىستەي بەرەتىنى انىق.
− اڭگىمەڭىزگە راحمەت.
اڭگىمەلەسكەن
باقىتگۇل باباش,
«ەگەمەن قازاقستان»
اتىراۋ
