شەكاراماڭىلىق ىنتىماقتاستىق فورۋمى

قازاقستان رەسپۋبليكاسى ءتا­ۋەل­سىزدىگىنىڭ 20 جىلدىعىنا ار­نالعان شارالار اياسىندا, سونداي-اق رەسەي فەدەراتسياسىنىڭ شەكا­راماڭىلىق وڭىرلەرىمەن دوستىق بايلانىستاردى نىعايتۋ, جاستار باعىتىنداعى پروبلەمالاردى شە­شۋدىڭ جولدارىن بىرلەسىپ ىزدەستىرۋ, رۋحاني, تاريحي جانە مادەني قۇندىلىقتارعا قۇرمەتپەن قاراۋ­دى تاربيەلەۋ ماقساتىندا جا­قىندا باياناۋىل كەنتىندە پاۆلودار وبلىسىنىڭ اكىمدىگى مەن قازاقستان حالقى اسسامبلەياسى بىرلەسىپ, جاستاردىڭ حالىقارالىق ەتنومادەني فورۋمىن ۇيىمداس­تىردى. شەكاراماڭىلىق ىنتى­ماق­تاستىق فورۋمى «بىرلىك-ەدينستۆو.KZ» دەپ اتالدى. فورۋم جۇمىسىنا رەسەي فە­دەراتسياسىنىڭ ومبى, توم, ءنوۆوسىبىر وبلىستارىنىڭ جانە التاي ولكەسىنىڭ جاستار دەلەگا­تسيالارى مەن رەسپۋبليكالىق ەتنو­مادەني بىرلەستىكتەرى جاستار ۇيىمدارىنىڭ, قازاقستان جاس­تارى كونگرەسىنىڭ, جاستار ۇكىمەت­تىك ەمەس ۇيىمدارىنىڭ جەتەكشىلەرى, سونىمەن قاتار, قوستاناي, سولتۇستىك قازاقستان, شىعىس قازاقستان, قاراعاندى, اقمولا جانە پاۆلودار وبلىستارىنىڭ قازاق­ستان حالقى اسسامبلەيا­لارىنىڭ وكىلدەرى قاتىستى. فورۋم شەڭبەرىندە مەملەكەتتىك ورگاندار, قحا حاتشىلىعى وكىلدەرىنىڭ, قازاقستان پارلامەنتى دەپۋتاتتارىنىڭ, عالىمداردىڭ, باق جۋرناليستەرىنىڭ قاتىسۋى­مەن «كوپقىرلىلىقتاعى بىرلىك»; لينگۆيستيكالىق كوممۋنيكاتيۆتىك ويىن; جاستار باستاماشىلىعى مەن شىعارماشىلىعىنىڭ كورمە-جارمەڭكەسى; «بىرلىگىمىز جاراس­قان!» شىعارماشىلىق باعدارلا­ماسى; «تاۋەلسىزدىگىڭنىڭ 20 جىل­دىعىمەن, قازاقستان!» ارتاكتسيا­سى, ت.ب. ءىس-شارالار ۇيىمداستى­رىلدى. سونداي-اق جاستار ساياسا­تىن دا­مىتۋ­دىڭ كوكەيكەستى ماسە­لەلەرىنە ارنالعان تاقىرىپتاردا پىكىرتالاستار وتكىزىلدى. فورۋمنىڭ باستى لەيتموتيۆى جاستار ماسەلەلەرىنە ارنالعان ءۇن­قاتىسۋ الاڭدارىن تۇراقتى ۇيىم­داستىرىپ تۇرۋ, ەتنومادەني كوپ­قىرلىلىققا ىقپال ەتەتىن جاستار باعدارلامالارى مەن جوبالارىن جاساۋ جانە قازاقستان مەن رە­سەيدىڭ شەكارالىق وبلىستا­رىندا مەملەكەتتىك جاستار ساياساتىن ءتيىم­دى جۇزەگە اسىرۋ بولدى. فو­رۋمنىڭ قورىتىندىسى بويىنشا جاستار باعىتىنداعى ءوزارا ءىس-قيمىلداردى ودان ءارى دامىتۋدىڭ پەرسپەكتيۆالارىن قاراستىراتىن قارار قابىلداندى. «ەگەمەن-اقپارات».