ءبىز وسىنداعى ارداگەرلەر كەڭەسىنىڭ توراعاسى سۇراعان كوپەەۆتى اڭگىمەگە تارتىپ, اعا بۋىن وكىلدەرىنە كورسەتىلىپ جاتقان قامقورلىقتار جايلى ايتىپ بەرۋىن وتىنگەن ەدىك.
– بۇگىندە كەڭەسكە 1786 ارداگەر مۇشە, ولاردىڭ 7-ەۋى فاشيستىك گەرمانياعا قارسى اسقان قاھارماندىقپەن شايقاسسا, 28-ءى تىلدا جانقيارلىقپەن ەڭبەك ەتكەن. قاي-قايسىسىنىڭ ءومىر جولى الىپ قاراساڭىز, ەرلىككە تولى, جاستار ءۇشىن ۇلگى-ونەگە. قوعامدىق ءتارتىپتىڭ قاۋىپسىزدىگىن قامتاماسىز ەتۋگە قوسقان زور ۇلەستەرى ءارتۇرلى دارەجەدەگى مەملەكەتتىك ناگرادالارمەن اتاپ وتىلگەن. جاقىندا دجۋرا كوبەلەۆ دەگەن مايدانگەرىمىز ءجۇز جاسقا تولىپ, ءوىىد-ءنىڭ باسشىسى, گەنەرال-مايور بەرىك ءبىلالوۆتىڭ تاراپىنان ۇلكەن قۇرمەت كورسەتىلدى. يۆان كۋزين, گريگوري كراسيلنيكوۆ, شاياحمەت مىرزاحمەتوۆ جەرگىلىكتى اسكەري گوسپيتالدا ەم-دومدارىن الىپ, دەنساۋلىقتارىن وڭالتىپ قايتتى. سوڭعى ەكى جىلدا 125 ارداگەر الماتىداعى «قازاقستان» ساناتوريىندە تىنىعۋ مۇمكىندىگىنە يە بولدى. ەندى, مىنە, ىشكى ىستەر ورگانىنىڭ 160 ارداگەرىنە ءىىد-ءنىڭ باسشىلىعى اتىنان حالىقارالىق كورمەگە تەگىن جولدامانىڭ بەرىلۋى تاعىلىمدى ءداستۇردىڭ ومىرشەڭ جالعاستىعى بولسا كەرەك, – دەدى س.كوپەەۆ.
قىلمىسپەن كۇرەستە, الدىن الۋدا, بولدىرماۋدا باسىن قاتەرگە تىگىپ, ۇنەمى العى شەپتە جۇرگەن اعا بۋىن وكىلدەرى وتان دەگەن اسىل ۇعىمدى كوزدىڭ قاراشىعىنداي قادىرلەي بىلەدى. سول سەبەپتى قانداي قۇرمەت كورسەتىلسە دە ەش ارتىقتىق ەتپەيدى. الەكساندر ساحاروۆ, بازارباي وماروۆ, ميحايل بەدنىح, ولگا كۋزەنكوۆا سەكىلدى قوعامدىق جۇمىستارعا بەلسەنە اتسالىسىپ جۇرگەن ارداگەرلەرىمىز استاناعا بارىپ, حالىقارالىق كورمەنى ارمانسىز تاماشالايتىن بولادى.
ولاردىڭ ەرلىك ىستەرى مەن نەبىر قيىندىقتى باستان وتكەرگەن ءومىر جولدارى ارقىلى وسكەلەڭ ۇرپاقتى قازاقستاندىق پاتريوتيزمگە باۋلۋ, ەلدى, جەردى سۇيۋگە تاربيەلەۋ باستى مۇراتىمىز بولىپ قالا بەرەدى. بۇل تۇرعىدان ءسوز قوزعايتىن بولساق, اتقارىلىپ جاتقان جۇمىستار قىرۋار. ءوىىد عيماراتى جانىنا 752 جاۋىنگەردىڭ ەسىمى جازىلعان مەموريالدىق ەسكەرتكىش قويىلعان. وسىدان شيرەك عاسىر بۇرىن قىزمەت بابى كەزىندە الدەبىر قاسكۇنەمدەردىڭ قولىنان قاپيادا قازا تاپقان عازيز ەسىموۆ اتىنداعى اللەيا جۇمىس ىستەيدى. جۇمىسقا ورنالاسقان جاس قىزمەتكەرلەر وسىندا كەلىپ, گۇل شوقتارىن قويادى, تاعزىم ەتەدى. سول سياقتى قىزىلجار اۋدانىنىڭ بەرەزوۆكا ەلدى مەكەنىنە وسى اۋىلدىڭ تۋماسى, كەڭەس وداعىنىڭ باتىرى فيليپپ چيجيكوۆتىڭ ءمۇسىنى ورناتىلدى. ۆەدوموستۆونى تالاي جىل باسقارعان گەنەرال-مايور ميحايل بارانوۆتىڭ قۇرمەتىنە مەموريالدىق تاقتا قويىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
