ەلباسى مەملەكەتتىك قىزمەت تۋرالى ۇلتتىق باياندامانى قالىپتاستىرۋ قاعيداسىن بەكىتتى

قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى قالىپتاستىرۋ جانە قازاقستان رەسپۋبليكاسىنىڭ پرەزيدەنتىنە ۇسىنۋ قاعيدالارىن بەكىتۋ تۋرالى

قاۋلى ەتەمىن:

1. قوسا بەرىلىپ وتىرعان قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى قالىپتاستىرۋ جانە قازاقستان   رەسپۋبليكاسىنىڭ پرەزيدەنتىنە ۇسىنۋ قاعيدالارى بەكىتىلسىن.
2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن.نازارباەۆ

استانا, اقوردا, 2017 جىلعى 6 مامىر, № 473

قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى قالىپتاستىرۋ جانە قازاقستان رەسپۋبليكاسىنىڭ پرەزيدەنتىنە ۇسىنۋ قاعيدالارى

1. قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى قالىپتاستىرۋ جانە قازاقستان رەسپۋبليكاسىنىڭ پرەزيدەنتىنە ۇسىنۋدىڭ وسى قاعيدالارى «قازاقستان رەسپۋبليكاسىنىڭ مەملەكەتتىك قىزمەتى تۋرالى» 2015 جىلعى 23 قاراشاداعى قازاقستان رەسپۋبليكاسى زاڭىنىڭ 5-بابى 2-تارماعىنىڭ 7-4) تارماقشاسىنا, «قازاقستان رەسپۋبليكاسىنىڭ پرەزيدەنتi تۋرالى» 1995 جىلعى 26 جەلتوقسانداعى قازاقستان رەسپۋبليكاسى كونستيتۋتسيالىق زاڭىنىڭ 21-بابى 2-تارماعىنىڭ 3) تارماقشاسىنا سايكەس ازىرلەندى جانە قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى (بۇدان ءارى – ۇلتتىق بايانداما) قالىپتاستىرۋ جانە قازاقستان رەسپۋبليكاسىنىڭ پرەزيدەنتىنە ۇسىنۋ ءتارتىبىن ايقىندايدى.

2 ۇلتتىق باياندامانى ورتالىق مەملەكەتتىك جانە جەرگىلىكتى اتقارۋشى ورگاندار, ولارعا ۆەدومستۆولىق باعىنىستى ۇيىمدار ۇسىنعان اقپارات, ۋاكىلەتتى ورگان جۇمىسىنىڭ ناتيجەلەرى, مەملەكەتتىك قىزمەتتەگى كادر جاعدايىن تالداۋ جانە باعالاۋ, مەملەكەتتىك قىزمەتتى قالىپتاستىرۋ, ىسكە اسىرۋ جانە جەتىلدىرۋ, وسى سالاداعى جۇمىستى ودان ءارى دامىتۋ جانە جاقسارتۋ جونىندەگى قورىتىندىلار مەن ۇسىنىستار نەگىزىندە مەملەكەتتىك قىزمەت ىستەرى جونىندەگى ۋاكىلەتتى ورگان (بۇدان
ءارى – ۋاكىلەتتى ورگان) قالىپتاستىرادى.

3. ۇلتتىق باياندامانىڭ قۇرىلىمى مىناداي بولىمدەردەن تۇرادى:

1.  كىرىسپە;
2.  نەگىزگى ءبولىم;
3.  قورىتىندى.

كىرىسپەدە ۇلتتىق باياندامانى ۇسىنۋدىڭ نەگىزدەمەسى مەن ماقساتى جانە ونىڭ قىسقاشا مازمۇنى قامتىلادى.

ۇلتتىق باياندامانىڭ نەگىزگى ءبولىمى مەملەكەتتىك قىزمەت سالاداعى مەملەكەتتىك ساياساتتى ىسكە اسىرۋ بويىنشا جۇرگىزىلىپ جاتقان جۇمىستىڭ ءمانىن, جاعدايى مەن نەگىزگى ناتيجەلەرىن كورسەتەتىن دەرەكتەردى جانە:

1) قازاقستان رەسپۋبليكاسىنىڭ مەملەكەتتىك قىزمەتىنىڭ كادر جاعدايى تۋرالى مالىمەتتەردى;

2) كاسىبي مەملەكەتتىك اپپاراتتى قالىپتاستىرۋ بويىنشا اتقارىلعان جۇمىس تۋرالى اقپاراتتى;

3) ەسەپتى جىلداعى ۋاكىلەتتى ورگاننىڭ قىزمەتىن تالداۋ, سونداي-اق ىسكە اسىرىلىپ جاتقان ساياساتتىڭ ەلدەگى مەملەكەتتىك قىزمەتتىڭ جاعدايىنا اسەرىن باعالاۋدى قامتيدى.

قورىتىندىدا مەملەكەتتىك قىزمەتتەگى كادر جاعدايىن تالداۋ جانە باعالاۋ, مەملەكەتتىك قىزمەتتى ودان ءارى دامىتۋ جونىندەگى قورىتىندىلار مەن ۇسىنىستار, سونداي-اق كەلەسى ەسەپتى جىلعا ارنالعان ولاردى ىسكە اسىرۋدىڭ مىندەتتەرى قامتىلادى.

4. قاجەت بولعان جاعدايدا ۇلتتىق باياندامانى ماتىندە سىلتەمەلەر جاسالعان تارتىپپەن ورنالاستىرىلعان قوسىمشالارمەن تولىقتىرۋعا جول بەرىلەدى.

5. ۋاكىلەتتى ورگان ۇلتتىق باياندامانى قالىپتاستىرۋ ءۇشىن قاجەتتى اقپاراتتى ۇسىنۋ تۋرالى سۇراتۋدى ەسەپتى جىلدىڭ 15 جەلتوقسانىنان كەشىكتىرمەي ورتالىق مەملەكەتتىك جانە جەرگىلىكتى اتقارۋشى ورگاندارعا, ولارعا ۆەدومستۆولىق باعىنىستى ۇيىمدارعا جولدايدى.

6.  ۋاكىلەتتى ورگاننىڭ سۇراتۋى بويىنشا ورتالىق مەملەكەتتىك جانە جەرگىلىكتى اتقارۋشى ورگاندار, ولارعا ۆەدومستۆولىق باعىنىستى ۇيىمدار ءتيىستى اقپاراتتى ەسەپتى جىلدان كەيىنگى جىلدىڭ 10 قاڭتارىنان كەشىكتىرمەي  ۇسىنادى.

اقپاراتقا مەملەكەتتىك ورگاننىڭ جاۋاپتى حاتشىسى نەمەسە اپپارات باسشىسى, ال جاۋاپتى حاتشى جانە اپپارات باسشىسى لاۋازىمى ەنگىزىلمەگەن مەملەكەتتىك ورگانداردا مەملەكەتتىك ورگاننىڭ باسشىسى (ونى الماستىراتىن ادام) قول قويادى.

ۋاكىلەتتى ورگان ۇلتتىق باياندامانى ساپالى دايىنداۋعا قاجەتتى قوسىمشا اقپاراتتى سۇراتۋعا قۇقىلى.

7. ۇلتتىق باياندامانى:

1. ۋاكىلەتتى ورگان قازاقستان رەسپۋبليكاسىنىڭ ۇكىمەتىنە  ەسەپتى جىلدان كەيىنگى جىلدىڭ 15 اقپانىنان كەشىكتىرمەي;
2. قازاقستان رەسپۋبليكاسى ۇكىمەتى قازاقستان رەسپۋبليكاسىنىڭ پرەزيدەنتى اكىمشىلىگىنە ەسەپتى جىلدان كەيىنگى جىلدىڭ 5 ناۋرىزىنان كەشىكتىرمەي;

3) قازاقستان رەسپۋبليكاسىنىڭ پرەزيدەنتى اكىمشىلىگى قازاقستان رەسپۋبليكاسىنىڭ  پرەزيدەنتىنە ەسەپتى جىلدان كەيىنگى جىلدىڭ 25 ناۋرىزىنان كەشىكتىرمەي ۇسىنادى.