ەلباسىنىڭ ۇلتتىڭ بولاشاقتاعى تابىستى بولۋى ونىڭ تابيعي بايلىعىمەن ەمەس, ادامدارىنىڭ باسەكەلىك قابىلەتىمەن ايقىندالادى دەگەن تۇجىرىمىنا قولداۋ بىلدىرەمىن. نۇرسۇلتان ءابىش ۇلى باسەكەگە قابىلەتتىلىك تۋرالى ءىس جۇزىندە ءاربىر باعدارلامالىق قۇجاتىندا ايتىپ كەلەدى. ەلباسىنىڭ قازىرگى ەڭبەگى – سول رەفورمالاردىڭ زاڭدى جالعاسى بولىپ تابىلادى.
قوعامدىق سانانى جاڭعىرتۋدى ىسكە اسىرۋ ءۇشىن ەلىمىزدە ونىڭ مىقتى ىرگەتاسى قالاندى: ءۇش ءتىلدى دامىتۋ, مادەني جانە كونفەسسياارالىق كەلىسىم جونىندەگى جانە باسقا دا ماڭىزدى باعدارلامالار ازىرلەنىپ, قابىلداندى. ەڭ باستىسى, ءاربىر قازاقستاندىق وسى رەفورمالاردىڭ رۋحىن سەزىندى, ساناسىن وزگەرتتى جانە جاۋاپتى ازامات, مىقتى ۇلتقا اينالۋ ءۇشىن بارلىق كۇش-جىگەرىن سالۋدا.
پرەزيدەنت مادەنيەتتى, ۇلتتىق كودتى ساقتاۋدى باستى باعدار رەتىندە قازاقستاندىقتارعا ايقىنداپ بەردى جانە جەرگىلىكتى بيلىككە «تۋعان جەر» جانە «قازاقستاننىڭ قاسيەتتى رۋحاني قۇندىلىقتارى» باعدارلامالارىنا جاۋاپتى قاراۋدى تاپسىردى. بۇل ماڭىزدى جوبالاردى ىسكە اسىرۋعا عالىمدار, قوعام قايراتكەرلەرى, ولكەتانۋشىلار, تاريحشىلار, زيالى قاۋىم وكىلدەرى بايسالدىلىقپەن اتسالىسۋى كەرەك دەپ ويلايمىن. ءبىز, سەنات دەپۋتاتتارى ءوز تاراپىمىزدان قازاقستاننىڭ دامۋدىڭ جاڭا ساتىسىنا كوتەرىلۋىنە بار كۇش-جىگەرىمىزدى جۇمسايتىن بولامىز.
ولگا پەرەپەچينا,
پارلامەنت سەناتىنىڭ
دەپۋتاتى
