«قالىپتاسقان يگى ءداستۇر بويىنشا مەملەكەتتىك ناگرادالار سىزدەرگە وتان قورعاۋشى كۇنى مەن جەڭىس كۇنىنىڭ قارساڭىندا تاپسىرىلىپ وتىر. بۇل مەرەكەلەر بىزگە ايرىقشا قىمبات. ەكىنشى دۇنيەجۇزىلىك سوعىس تاريحى اعا بۋىننىڭ ەرەن ەرلىگى مەن اسقان باتىرلىعىنىڭ ۇلگىسىنە اينالدى. مۇنى ارقاشان ەستە ۇستاۋعا ءتيىسپىز. ەلدىڭ تىنىشتىعىن, وتانىمىزدىڭ شەكاراسىن قورعاۋ, سول ءۇشىن قىزمەت ەتۋ – بارشاڭىزدىڭ پارىزىڭىز. بەرەكە مەن بىرلىگىمىزدىڭ ارقاسىندا اسپانىمىز اشىق بولىپ, ەلىمىز وركەندەپ, ءوسىپ كەلە جاتىر», – دەدى قازاقستان پرەزيدەنتى.
بۇدان كەيىن مەملەكەت باسشىسى قۇقىق قورعاۋ قۇرىلىمدارى مەن ارميانىڭ ەل قاۋىپسىزدىگىن جانە تاۋەلسىزدىگىن قامتاماسىز ەتۋدەگى ايرىقشا رولىنە توقتالىپ, ولاردىڭ ادال قىزمەتى مەن كاسىبيلىگى جوعارى باعالانۋعا, زور قۇرمەتكە لايىق ەكەنىن اتاپ ءوتتى.
«سىزدەر وتانعا قالتقىسىز قىزمەت ەتۋدىڭ جارقىن ۇلگىسىن كورسەتىپ كەلەسىزدەر. اسكەري, ازاماتتىق پارىزدارىڭىزدى ابىرويمەن اتقارىپ جۇرسىزدەر. ەل سۇيسىنگەن ەرلىكتەرىڭىز, تۋعان جەرگە دەگەن اينىماس ادالدىقتارىڭىز بەن ەرلىك ىستەرىڭىز – وسكەلەڭ ۇرپاق ءۇشىن وشپەس ونەگە. جاستار سىزدەرگە قاراپ بوي تۇزەيدى, وسەدى. جوعارى مەملەكەتتىك ماراپاتقا يە بولۋ سىزدەر ءۇشىن ۇلكەن ماقتانىش جانە ۇلكەن جاۋاپكەرشىلىك. ەلىمىزدىڭ اسكەري قىزمەتشىسى جانە قۇقىق قورعاۋ قۇرىلىمىنىڭ قىزمەتكەرى اتاعىن الداعى ۋاقىتتا دا ابىرويمەن الىپ جۇرەتىندەرىڭىزگە سەنىمدىمىن. ەرلىكتەرىڭىز ەلگە ۇلگى بولا بەرسىن. ءبىز سىزدەردىڭ قيىندىققا تولى قىزمەتتەگى, حالىق يگىلىگى جولىنداعى ەرەن ەڭبەكتەرىڭىزدى جوعارى باعالايمىز», – دەدى نۇرسۇلتان نازارباەۆ.
سونىمەن قاتار, پرەزيدەنت قازاقستاندا اسكەري قىزمەتشىلەردىڭ جالاقىسى 1 شىلدەدەن باستاپ 25 پايىزعا ارتاتىنىن ايتتى. «تاۋەلسىزدىگىمىزدىڭ 25 جىلدىعىنىڭ جانە قارۋلى كۇشتەردىڭ 25 جىلدىعىنىڭ قۇرمەتىنە وراي مەن قورعانىس مينيسترلىگىنىڭ, ۇلتتىق قاۋىپسىزدىك قىزمەتىنىڭ, ۇلتتىق گۆارديانىڭ جانە مەملەكەتتىك كۇزەت قىزمەتىنىڭ اسكەري قىزمەتشىلەرىنىڭ لاۋازىمدىق جالاقىلارىن ءبىرىنشى شىلدەدەن باستاپ 25 پايىزعا كوتەرۋ تۋرالى شەشىم قابىلدادىم. كەز كەلگەن تاۋەلسىز مەملەكەتتىڭ قارۋلى كۇشىنىڭ, قۇقىق قورعاۋ ورگاندارىنىڭ بولۋى قاجەت ەكەندىگىن بىلەمىز. سوندىقتان, مەملەكەت قيىندىقتارعا قاراماستان, اسكەري قىزمەتشىلەردىڭ ماتەريالدىق-تەحنيكالىق بازاسىن كۇشەيتۋ, جاعدايلارىن جاساۋ ءۇشىن بارلىق شارانى قابىلداپ وتىرادى», – دەدى بۇل جونىندە ەلباسى.
ء سوزىنىڭ سوڭىندا نۇرسۇلتان نازارباەۆ ماراپاتتالۋشىلارعا ءمىنسىز قىزمەتى ءۇشىن العىسىن ءبىلدىرىپ, ولارعا زور دەنساۋلىق, باق-بەرەكە, جاڭا تابىس تىلەدى.
«مەن بۇگىن وسى ناگرادالاردى سىزدەرگە زور ىقىلاسپەن تاپسىرامىن. بۇل – ەڭبەكتەرىڭىزدىڭ, ءمىنسىز قىزمەتتەرىڭىزدىڭ باعالانۋىنىڭ ناتيجەسى. اسكەري قىزمەتشىلەر, قۇقىق قورعاۋ جۇيەسى – مەملەكەتىمىز بەن تاۋەلسىزدىگىمىزدىڭ تىرەگى. سىزدەر ناگرادانى ەلەۋلى كەزەڭدە – ەلىمىز قارۋلى كۇشتەرىنىڭ 25 جىلدىعىندا الىپ وتىرسىزدار», – دەدى قازاقستان پرەزيدەنتى.
بۇل كۇنگى سالتاناتتى شارا بارىسىندا ءى دارەجەلى «داڭق» وردەنىمەن سولتۇستىك قازاقستان وبلىسىنىڭ پروكۋرورى بەرىك اسىلوۆ, مەملەكەتتىك كۇزەت قىزمەتى باستىعىنىڭ ورىنباسارى – نىسانداردى قورعاۋ قىزمەتىنىڭ باستىعى مۇحتار ايۋباەۆ, ۇلتتىق ۇلاننىڭ باس قولباسشىسى رۋسلان جاقسىلىقوۆ, قورعانىس مينيسترلىگى باس ينسپەكتسياسىنىڭ باستىعى قۇربان قاراجانوۆ, قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى مۇرات مايكەەۆ ماراپاتتالدى.
ال ءىى دارەجەلى «داڭق» وردەنى ىشكى ىستەر مينيسترلىگى اكىمشىلىك پوليتسيا كوميتەتىنىڭ توراعاسى يگور لەپەحاعا جانە قورعانىس مينيسترلىگى «باتىس» وڭىرلىك قولباسشىلىعى اسكەرىنىڭ قولباسشىسى داۋلەت وسپانوۆقا تاپسىرىلسا, ءى دارەجەلى «ايبىن» وردەنىمەن ۇلتتىق قاۋىپسىزدىك كوميتەتى دەپارتامەنت باستىعىنىڭ ءبىرىنشى ورىنباسارى دەنيس بارتەنوۆ ماراپاتتالدى.
سونىمەن قاتار, ءىى دارەجەلى «ايبىن» وردەنى ۇلتتىق قاۋىپسىزدىك كوميتەتى استانا قالالىق دەپارتامەنتى باسقارما باستىعىنىڭ ورىنباسارى ىسكەندىر اۋەسباەۆقا, ۇلتتىق قاۋىپسىزدىك كوميتەتى باتىس قازاقستان وبلىستىق دەپارتامەنتىنىڭ باسقارما باستىعى تەمىر عيززاتوۆقا, مەملەكەتتىك كۇزەت قىزمەتى دەپارتامەنت باستىعىنىڭ ورىنباسارى ەۆگەني لاۆرەنيۋككە, قورعانىس مينيسترلىگى №30212 اسكەري ءبولىمىنىڭ كومانديرى تالعات ساپارباەۆقا, قورعانىس مينيسترلىگى «شىعىس» وڭىرلىك قولباسشىلىعى اسكەرى قولباسشىسىنىڭ ءبىرىنشى ورىنباسارى تالعات يسمايلوۆقا تاپسىرىلدى.
ءىىى دارەجەلى «ايبىن» وردەنىمەن مەملەكەتتىك كۇزەت قىزمەتىنىڭ نىسانداردى قورعاۋ قىزمەتى 0112 اسكەري ءبولىمىنىڭ سالتاناتتى ءراسىم باتالونى بولىمشەسىنىڭ كومانديرى ناريمان احمەتۋللين, قورعانىس مينيسترلىگى كادەت كورپۋسىنىڭ سەرجانتى ميربەك راحىمبەكوۆ ماراپاتتالدى.
«ەرلىگى ءۇشىن» مەدالى ىشكى ىستەر مينيسترلىگى اقمولا وبلىستىق ىشكى ىستەر دەپارتامەنتىنىڭ اعا جەدەل ۋاكىلى بەرىك ايتەلەنوۆكە, ىشكى ىستەر مينيسترلىگى اقتوبە وبلىسى بويىنشا قىلمىستىق-اتقارۋ جۇيەسى كا-168/3 مەكەمەسى جەدەل بولىمشەسىنىڭ باستىعى نۇرجان جيدەحانوۆقا, ىشكى ىستەر مينيسترلىگى استانا قالاسى توتەنشە جاعدايلار دەپارتامەنتىنىڭ №8 ءورت ءسوندىرۋ ءبولىمىنىڭ اعا ءورت ءسوندىرۋشىسى اسحات سالكەەۆكە, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى دەپارتامەنتى باسشىسىنىڭ ورىنباسارى جاسۇلان تاجىباەۆقا تاپسىرىلدى.
سونداي-اق, «جاۋىنگەرلىك ەرلىگى ءۇشىن» مەدالىمەن ۇلتتىق قاۋىپسىزدىك كوميتەتى ۇكىمەتتىك بايلانىس قىزمەتى باسقارماسىنىڭ باستىعى ءابجاپار ازىمباەۆ, قورعانىس مينيسترلىگى №41433 اسكەري ءبولىمىنىڭ كومانديرى سەرىك ەلۋباەۆ, قورعانىس مينيسترلىگىنە قاراستى ارميا ورتالىق سپورت كلۋبى – سپورت كوميتەتىنىڭ نۇسقاۋشى-سەرجانتى الينا رايكوۆا, قورعانىس مينيسترلىگى №55652 اسكەري ءبولىمىنىڭ اۆياتسيالىق ەسكادريليا كومانديرىنىڭ ورىنباسارى نۇرجان تەرگەۋباەۆ, قورعانىس مينيسترلىگى №32363 اسكەري ءبولىمىنىڭ دەسانتتى-شابۋىل باتالونىنىڭ كومانديرى الماس تولەگەنوۆ ماراپاتتالدى.
ال «ەرەن ەڭبەگى ءۇشىن» مەدالىنە قورعانىس مينيسترلىگى باس اسكەري كلينيكالىق گوسپيتالى باستىعىنىڭ ورىنباسارى – مەديتسينا ءبولىمىنىڭ باستىعى گۇلپاريدا بايدىلداەۆا يە بولدى.
سالتاناتتى شارا اياسىندا مەملەكەتتىك ناگرادانى يەلەنگەن ازاماتتار دا ءسوز سويلەپ, وزدەرىنىڭ ىستىق ىقىلاس-نيەتتەرىن ءبىلدىردى. ماسەلەن, ۇلتتىق ۇلاننىڭ باس قولباسشىسى رۋسلان جاقسىلىقوۆ: «بۇل وردەن – ماعان دەگەن ۇلكەن سەنىم مەن قۇرمەت. ۇلتتىق ۇلان ساربازدارى قازاق ەلىن, كونستيتۋتسياسىن جانە پرەزيدەنتىن قورعاۋعا ارقاشان دايىن», – دەسە, قورعانىس مينيسترلىگى باس ينسپەكتسياسىنىڭ باستىعى قۇربان قاراجانوۆ ەلباسىنا دەگەن جۇرەكجاردى لەبىزىن بىلايشا ءبىلدىردى: «ماڭگىلىك ەلىمىزدى, ۇلتىمىزدىڭ بىرلىگىن كوزدىڭ قاراشىعىنداي ساقتاۋ – وتان قورعاۋشىلاردىڭ پارىزى. وسى جولدا ءسىزدىڭ سەنىمىڭىزدى اقتاي ءبىلۋ – ءبىز ءۇشىن قاسيەتتى بورىش».
قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى مۇرات مايكەەۆ ەلباسى قولىنان جوعارى ماراپاتتى الۋ ءوزى ءۇشىن ۇلكەن ابىروي ەكەنىن جەتكىزدى. «قازىرگى تاڭدا ءبىزدىڭ ءوز ەلىمىزدىڭ جوعارى اسكەري مەكتەبىنىڭ نەگىزى قالاندى. اسكەري, قورعانىس ونەركاسىبى قۇرىلدى. مۇنىڭ ءبارى – ءسىزدىڭ باتىل شەشىمدەرىڭىزدىڭ ناتيجەسى. بۇگىندە ءسىزدىڭ قامقورلىعىڭىزبەن, دۇرىس جۇرگىزىلگەن اسكەري ساياساتىڭىزبەن قارۋلى كۇشتەرىمىز نىعايىپ, دامىپ كەلەدى. وسى ورايدا, سىزگە قارۋلى كۇشتەرىمىزدىڭ اتىنان جانە جەكە ءوز اتىمنان ۇلكەن العىس بىلدىرەمىن», – دەدى ول ءوز سوزىندە.
جوعارى ناگراداعا يە بولعان ۇلتتىق قاۋىپسىزدىك كوميتەتى دەپارتامەنتى باستىعىنىڭ ءبىرىنشى ورىنباسارى دەنيس بارتەنوۆ قازىرگى تاڭدا قاۋىپسىزدىك سالاسىندا ەڭبەك ەتىپ جۇرگەن قىزمەتكەرلەردىڭ, وفيتسەرلەردىڭ الدىنا ناقتى مىندەتتەر قويىلىپ وتىرعانىن, ولار بۇل مىندەتتى ودان ءارى ابىرويمەن اتقارۋعا ءاردايىم دايىن ەكەندىكتەرىن ايتتى. ال قورعانىس مينيسترلىگى كادەت كورپۋسىنىڭ سەرجانتى ميربەك راحىمبەكوۆ: «مەن – ءسىزدىڭ كورەگەن ساياساتىڭىزبەن اشىلعان كادەت كورپۋسىنىڭ تۇلەگىمىن. العاشقى اسكەري انتىمدى قابىلداعان ساتتەن باستاپ, وتانىما ادال قىزمەت ەتىپ كەلەمىن», – دەي كەلە, بۇگىندە كاسىپقوي سەرجانتتار ەل ءۇشىن ادال قىزمەت ەتە بەرەتىنىن اتاپ كورسەتتى.
ءلايلا ەدىلقىزى,
«ەگەمەن قازاقستان»
