ءبىز وسى قاي ەلمىز؟

وسى ماسەلەنى جىل سايىن جان­ايقايمەن جازامىز. ايتا­مىز. الايدا جوندەلمەي-اق كەلەدى. مىنەكيىڭىز, جاڭا وقۋ جىلى كەپ تۇرىپتى. تاعى دا مەكتەپكە باراتىن بالالار مەن اتا-انالار «ءبىز وسى قاي ەلمىز؟!» دەپ باس قاتىرىپ ءجۇر. قازاقشا شىعارى­لاتىن وقۋشى داپتەرىنە جارى­ماي-اق قويدىق. ماسەلەن, شىم­كەنت شاھارىنىڭ «Abdi» دەيتىن ساۋدا ورتالىعىندا رەسەيدىڭ ءان­ۇرانى جازىلعان, ورىس تىلىندە ويمىشتالىپ, ورنەكتەلگەن ءداپ­تەر­لەر ساتىلۋدا. وقۋشى ءداپ­تە­رىنىڭ وزگە ءتۇرى جوق بولعان­دىق­تان, الۋشىلار از ەمەس.  ۇلكەن ساۋدا ورتالىعى باۋىرجان مو­مىش­ ۇلى كوشەسىندە. «اي, اي­نالايىن, باۋكەڭ اناۋ تاس ءمۇسىنى تۇنەرگەن تۇعىردان ءتىرىلىپ تۇرا كەلسە, نە دەر ەدى؟!» – دەپ كۇبىرلەيسىڭ. تاريح پەن جاعراپيا ءپان­دە­رىنە ارنالعان داپتەرلەر دە ورىس تىلىندە. رەسەيدەن اكەلىنگەن. رە­سەيدىڭ تاريحى تاپتىشتەلگەن. رە­سەيدىڭ جەر جاعدايى جازىلعان. بىلتىر دا كوپ جەردە سىرتى ورىسشا نەمەسە وزبەكشە جازىل­عان داپتەرلەر ساتىلىپ ەدى. ءبىلىم جانە عىلىم مينيسترلىگى بىلە مە ەكەن بۇل جايدى؟ شىنىندا دا ءبىز وسى قاي ەلمىز؟! مارحابات بايعۇت, شىمكەنت.