ساليقالى تاڭداۋ سالتاناتى

حالىقارالىق بايقاۋشىلار نە دەيدى؟ وتكەن جۇما كۇنى قازاقستاننىڭ بارلىق وبلىس ورتالىقتارى مەن استانا جانە الماتى قالالارىندا پارلامەنت سەناتى دەپۋتاتتارىنىڭ سايلاۋى بولىپ ءوتتى. اتالعان ۇدەرىس بويىنشا ەشقانداي زاڭ بۇزۋشىلىقتار تىركەلگەن جوق, دەپ جاريا ەتىلدى. وسىعان ۇندەس حالىقارالىق بايقاۋشىلار پىكىرلەرى بەرىلىپ وتىر. ۆاديم گۋستوۆ: اقمولا وبلىسىنداعى ستەپنوگور قالاسىندا دارىگەر بولىپ جۇمىس ىستەگەنمىن. وڭىردەگى بۇگىنگى وزگەرىستەرگە ءتانتى بولىپ وتىرمىن. سايلاۋ مەن داۋىس بەرۋ ۇدەرىستەرى جوعارى ۇيىمشىلدىقپەن, كاسىبي تۇرعىدا ءارى دەموكراتيالىق سيپاتتا ءوتتى. ەللادا فرولوۆا: سايلاۋدىڭ جوعارى دەڭگەيدە ءوتۋى قازاقستان زاڭدارىنىڭ حالىق مۇددەسىمەن ساباقتاس­تىعىن كورسەتەدى. بيىل ءوز تاۋەلسىزدىگىنىڭ 20 جىلدىعىن اتاپ وتەتىن قازاقستان سايلاۋلاردى ۇيىمداستىرۋ مەن وتكىزۋدىڭ وڭدى ۇلگى-تاجىريبەسىن قالىپتاستىرعان. ونىڭ ناتيجەلەرىن ەلدىڭ وركەندەگەن تىرشىلىگىنەن دە كورۋگە بولادى. اقمولا وبلىسى. اناتولي مويسەەۆ: بايقاۋشى رەتىندە باسقا رەسپۋبليكالاردا وتكەن سايلاۋلاردى دا كورىپ ءجۇرمىن عوي. سوندىقتان بۇل سايلاۋ جوعارى ۇيىمشىلدىقپەن ءارى شىنايى دەموكراتيالىق نەگىزدە ءوتتى دەپ سەنىممەن ايتا الامىن. سايلاۋالدى ناۋقانى كەزىندە دە, سايلاۋ بارى­سىندا دا بىردە-ءبىر زاڭ بۇزۋشىلىقتار بايقالعان جوق. الماتى وبلىسى. الەكساندر نالۆادوۆ: سايلاۋدى ۇيىمداستىرۋ ۇدەرىسىمەن جەتە تانىسپىن. بۇل شاراعا قاتىستى اقپارات­تار الۋدا ەشقانداي كەدەرگى بولعان جوق. سايلاۋ قازاقستان­نىڭ «سايلاۋ تۋرالى» زاڭىنا, ەل كونستيتۋتسياسىنا جانە پرەزيدەنتتىڭ جارلىعىنا سايكەس ءوتتى. داۋىس بەرۋ بارى­سىنا ەشقانداي ەسكەرتۋ جوق. ءبارى بايقاۋشىلاردىڭ جانە ۇمىتكەرلەردىڭ كوز الدارىندا بولدى, اشىقتىق, جاريالى­لىق جانە دەموكراتيالىق تالاپتار قاتاڭ ساقتالدى. اقتوبە وبلىسى. ەلەنا شۋبينا: مەنىڭ سايلاۋ وتكىزۋدە 15 جىلدىق تاجىريبەم بار. بايقاۋشى رەتىندە قازاقستانداعى پرەزيدەنتتىك سايلاۋعا دا كەلگەن بولاتىنمىن. ال سەنات ساي­لاۋىن ۇيىمداستىرۋدان دا ەشقانداي ءمىن تاپقان جوقپىن. بارلىعى دا اشىق, جاريالى نەگىزدە ءوتتى. بيۋللەتەن جاشىگى مەن كابينانىڭ ساحناعا ورنالاستىرىلۋىندا دا اشىقتىق پەن دەموكراتيالىلىققا اسا ءمان بەرىلگەنى بايقالدى. قوستاناي وبلىسى. انتونينا گالياشكينا: سايلاۋدىڭ ۇيىمداس­تى­رىلۋ دەڭگەيى وتە جوعارى باعاعا لايىقتى. مۇندا ءبارى دە قامتىلعان, ءبارى دە ەسكەرىلگەن. پارلامەنتتىڭ جوعارعى پالاتاسى سايلاۋىنا قاتىسۋشىلار ءوز تاڭداۋلارى مەن ەرىكتەرىن تولىق بىلدىرە الاتىنىنا كوزىمىز جەتتى. ءويت­كەنى, ول جابىق, جاسىرىن داۋىس بەرۋ جولىمەن جۇرگى­زىل­گەنىنە كۋا بولدىق. مۇندايدا قانداي دا ءبىر بولماسىن اكىمشىلىك كەدەرگىلەر جاساۋعا مۇمكىندىك قالمايدى. ليۋدميلا جۋكوۆسكايا: پارلامەنت سەناتىنا دەپۋتاتتار سايلاۋ دەموكراتيالىق تۇرعىدان وزگە كورشىلەس مەملەكەتتەردىڭ كوبىنەن بيىك تۇر دەپ ويلايمىن. مۇندا سەنات دەپۋتاتىن سايلاۋعا ەڭ تومەنگى اۋداندىق دەڭ­گەي­دەگى دەپۋتاتتار دا قاتىسادى ەكەن. بىزدە, رەسەيدە باسقاشالاۋ. مۇنداي ۇستانىم ءبىزدى دە قىزىقتىرادى. باتىس قازاقستان وبلىسى. ۆلاديمير پۋگين: ءوز باسىم, قازاقستاندا سايلاۋ ناۋقاندارىنىڭ زاڭناما, دەموكراتيا تالاپتارىنا سايكەس وتكىزىلەتىنىنىڭ كۋاسى بولىپ ءجۇرمىن. بيىل قازاقستان رەس­پۋب­ليكاسى پرەزيدەنتىنىڭ سايلاۋىنا باستان-اياق قاتىس­تىم. اۋداندارعا دەيىن بارىپ, سايلاۋدىڭ اشىقتىعىنا كوز جەتكىزدىم. سولتۇستىكقازاقستاندىقتاردىڭ سەنات دە­پۋ­تاتتارىن سايلاۋعا دا جان-جاقتى ازىرلەنگەنىن انىق بايقادىق. ارىپتەستەرىم دە ناۋقاننىڭ ۇيىم­داس­تى­رىلۋى­نا جوعارى باعا بەردى. تاڭداۋشىلاردىڭ تۇگەلگە جۋىق جينالۋى ولاردىڭ ءوز مىندەتتەرىنە زور جاۋاپكەرشىلىگىن اڭعارتادى. سولتۇستىك قازاقستان وبلىسى. گۇلنار جوراباەۆا: مەن ءوزىم قىرعىز رەسپۋب­لي­كاسى ورتالىق سايلاۋ كوميسسياسى توراعاسىنىڭ ورىن­با­سارى بولىپ تابىلامىن. قازاقستاندا وتكىزىلگەن پارلامەنت سەناتى دەپۋتاتتارىن سايلاۋعا بايلانىستى مىنانى ايتقىم كەلەدى. ەلدە وسى ۇدەرىسكە دايىندىق جان-جاقتى جاسالعانى, تاڭداۋشىلاردىڭ كوتەرىڭكى كوڭىل-كۇيى انىق بايقالىپ تۇردى. ءبارى قازاقستاننىڭ زاڭنامالارىنا سايكەس ءوتتى. ءوز باسىم وڭتۇستىك قازاقستاننىڭ ەلىن دە, جەرىن دە جاقسى بىلەمىن. جەتىستىكتەرىڭىز كوبەيە بەرگەي. وڭتۇستىك قازاقستان وبلىسى. ازات احتارەەۆ: ءبىز سايلاۋدىڭ قانداي دا ءبىر جولسىزدىققا مۇمكىندىك بەرمەي تازا, جوعارى ۇيىم­شىلدىقپەن وتكەنىنە كۋا بولدىق. ءوزىمىز بايقاۋشى رەتىندە قاتىسقان ماڭعىستاۋ وبلىسىندا قازاقستان پار­لامەنتى سەناتى دەپۋتاتىن سايلاۋ جوعارى دەڭ­گەي­دە ءوتتى. سايلاۋدىڭ زاڭدىلىقتارى مەن ەرەجەلەرىنە نۇقسان كەلتىرەتىن بىردە-ءبىر فاكتى بولعان جوق. ماڭعىستاۋ وبلىسى.