سۋرەت: kaz.inform.kz
ونىڭ ىشىندە حالىقتىڭ ءوزىنىڭ قاراجاتىنا جالپى اۋماعى 118,9 مىڭ شارشى مەتر 864 تۇرعىن ءۇي سالىنعان. وتكەن جىلدىڭ وسى كەزەڭىمەن سالىستىرعاندا 5,6 مىڭ شارشى مەتر تۇرعىن ءۇي ارتىق پايدالانۋعا بەرىلىپ وتىر. وسى كەزەڭدە تۇرعىن ۇيلەرمەن بىرگە 220 وقۋشىلىق ءبىر مەكتەپ, اۋىسىمىنا 120 ادام قابىلدايتىن 4 امبۋلاتوريلىك-ەمحانالىق مەكەمە ىسكە قوسىلدى. قۇرىلىس سالاسىندا تىركەلگەن زاڭدى تۇلعالار 1967-ءنى قۇراپ, بىلتىرعا قاراعاندا 6,2 پايىزعا وسكەن. 2011 جىلعى قاڭتار – شىلدە ايلارىنداعى اتقارىلعان قۇرىلىس جۇمىستارىنىڭ جالپى كولەمى 48,5 ميلليارد تەڭگە بولدى.
ساتىبالدى ءساۋىرباي, اقتوبە وبلىسى.
47 000 136 باۋ-باقشا سەرىكتەستىگى وسىنشا ساياجاي ۋچاسكەلەرىن بىرىكتىرىپ وتىر. وبلىس ساياجايشىلارىنىڭ ازىق-ت ۇلىك قاۋىپسىزدىك بەلدەۋىنە قوسىپ وتىرعان ۇلەسى زور. 2010-2011 جىلدارعا ارنالعان باۋ-باقشا جانە ساياجاي شارۋاشىلىقتارىن دامىتۋ باعدارلاماسى اياسىندا بۇل باعىتتا اتقارىلعان شارۋالار قىرۋار. بۇگىندە 47 مىڭعا جۋىق ساياجايشىنىڭ ماقسات-مۇددەسىن ورتاق ارناعا جۇمىلدىرىپ وتىرعان 136 باۋ-باقشا سەرىكتەستىكتەرى كارتوپ پەن كوكونىستەن وبلىس تۇرعىندارىنىڭ ۇشتەن ءبىر قاجەتىن وتەيدى. ساياجايلارعا اپاراتىن 17,5 شاقىرىم جول جوندەلىپ, 3,5 شاقىرىم سۋ جەلىسى تارتىلدى. الەۋمەتتىك از قامتىلعان جاندارعا 742 جول ءجۇرۋ بيلەتى تەگىن تاراتىلىپ, بازارلاردا 378 ساۋدا ورنى جەڭىلدىكپەن بەرىلدى. 12 باعىتتا اۆتوبۋس مارشرۋتى اشىلدى.
ءومىر ەسقالي, سولتۇستىك قازاقستان وبلىسى.
37 672 بيىلعى جاڭا وقۋ جىلىندا سەمەي ءوڭىرى بويىنشا وسىنشا وقۋشى مەكتەپ تابالدىرىعىن اتتايدى دەپ كۇتىلۋدە. سوعان وراي, قازىردە ءوڭىر بويىنشا «مەكتەپكە جول» اكتسياسى قىزۋ ءوتىپ جاتىر. اسىرەسە, جەتىم بالالار مەن الەۋمەتتىك جاعىنان قورعالماعان وتباسىلار قاتاڭ ەسەپكە الىنعان. اكتسيا اياسىندا ولارعا ناقتىلى كومەكتەر كورسەتىلۋدە. قالا مەن قالاعا قاراستى ەلدى مەكەندەردىڭ بارىندە بەلگىلەنگەن كەستە بويىنشا ءار جۇما كۇنى مەكتەپ جارمەڭكەسى وتكىزىلۋدە.
داۋلەت سەيسەن ۇلى, سەمەي.
