بۇل قازاقتا جىگىتتەر بار مارقاسقا

اقجايىق وڭىرىندە سپورتتىڭ دامۋى­نا قولداۋ كورسەتىپ, جاناشىرلىق تانى­تىپ جۇرگەن كاسىپكەرلەردىڭ قاتارىندا كىمدەر بار دەگەندە جارقىن تاجىعا­ليەۆ­تىڭ ەسىمى اۋىزعا ءبىرىنشى ورالادى. نەگىزگى ماماندىعى قۇرىلىس ينجەنەرى بولا تۇرا, ونىڭ ءتۋابىتتى جاراتىلىسى مەن ءبىتىم-بولمىسى سپورتپەن بىتە قايناسىپ كەلەدى. جاس كەزىنەن ءوزى دە سپورتپەن اينالىسقان جارقىن سەرىك­ ۇلى­نىڭ قازاق كۇرەسىنەن تۇيە بالۋان – رەسپۋبليكا چەمپيونى اتانعان كەزى دە بولعان. ءبىز وعان جولىققان كۇنى بويى مەن سويى بىردەي كەلىسكەن, نار تۇلعالى ازا­مات­تىڭ ءجۇزى جارقىن دا جايدارى كورىندى. ونىڭ بەت الپەتىندە الدەبىر قۋانىش پەن جاق­سى­لىقتىڭ نىشانى ايقىن اڭعارى­لىپ تۇردى. مۇنىڭ سىرى دا كوپ كەشىكپەي بەلگىلى بولدى. ج.تاجىعاليەۆتىڭ قول­داۋ كور­سەتۋى­مەن وڭىردەن جاساقتالعان جاس دويبى­شىلار كومانداسى بۇدان بىرنەشە كۇن بۇرىن بال­تىق بويىنداعى ەس­تو­نياعا, الەم چەم­پيو­ناتىنا قاتىسۋ ءۇشىن اتتانىپ كەتكەن ەكەن. سول جاقتان جايىققا قۋانىشتى حابار جەتىپتى. كوماندا مۇشەلەرىنىڭ ءبىرى التىناي جۇما­گەل­ديەۆا الەم چەمپيونى اتانىپتى. مىنە, ءوز اتى بايگەدەن وزىپ كەلگەننەن بەتەر قۋانۋىنىڭ سىرى وسىندا ەكەن. بۇدان باسقا جارقىن سەرىك ۇلى جا­يىق وڭىرىندە بىرنەشە الەم چەمپيو­نى­نىڭ شىعۋىنا سەبەپكەر, دانەكەر بولا ءبىلىپتى. ولاردىڭ دەنى – اۋىل جاستارى. سو­لار­دىڭ اراسىندا گرەك-ريم كۇرەسى­نەن الەم چەم­پيونى ارتۋر ۇمبەت­قاليەۆ تە بار. ج.تاجىعاليەۆ ءوزىنىڭ نەگىزگى مامان­دىعىنا ساي قۇرىلىس فيرما­لارىن­د­ا جەتەكشىلىك قىزمەت جاساي ءجۇرىپ, سودان تۇسكەن پايدانىڭ بەلگىلى ءبىر بولىگىن اۋىلداعى سپورت دەڭگەيىن كوتە­رۋگە جۇمساپ كەلەدى. ونىڭ كاسىپكەرلىك قىزمەتىنىڭ ەكىنشى ءبىر تارماعى حالىققا قىزمەت كورسەتۋ سالاسىنا – قوعامدىق تاماقتاندىرۋ جۇيەسىن جەتىلدىرۋگە با­عىت­تالعان. بۇدان تۇسكەن تابىستىڭ اجەپ­تاۋىر بولىگى تاعى دا سپورتتىڭ كوكجيەگىن كوتەرۋگە كەتەدى. «وبلىستىڭ شالعاي اۋداندارىندا جارقىن سەرىك­ ۇلىنىڭ قولداۋىمەن شاحمات, ات بايگە­سى, كۇرەس, جاياۋ جارىس سەكىلدى سپورت تۇرلەرىنەن ۇيىمداستىرىلعان جارىس­تار اۋىل جاستارىنىڭ اراسىندا سالا­ماتتى ءومىر سالتىن قالىپتاستى­رۋ­عا ەلەۋلى سەپتىگىن تيگىزدى», دەيدى باتىس قازاقستان وبلىس­تىق دەنە شىنىقتىرۋ جانە سپورت باسقار­ماسىنىڭ باستىعى ءمۇ­سىلىم وڭداعانوۆ. ەسىمى اقجايىق وڭىرىنە كەڭىنەن تانىمال كاسىپكەر جارقىن سەرىك ۇلى­نىڭ سپورتقا دەگەن جاناشىرلىعىنىڭ تاعى ءبىر ەرەكشە كورىنىسىن ايتپاي كەتۋ ابەستىك بولار ەدى. ول تاياۋ جانە الىس شەتەلدەرگە ءارتۇرلى سپورت سايىس­تارى­نا باراتىن جاستار مەن سپورتشىلاردى ماتەريالدىق تۇرعىدان قولداپ قانا قويماي, جاناشىر ءارى جانكۇيەر رەتىندە ولارمەن بىرگە ءوزى دە ەرىپ جۇرەتىندىگى. ءارى چەمپيوناتتار قانشا كۇنگە سوزىل­سا, سونشا كۇن بولا­تىندىعى. ايتالىق, بىلتىر قوستاناي قالاسىندا ازيا چەم­پيوناتى وتكەن كەزدە ول كومان­دا­داعى ون ەكى بالامەن بىرگە ون كۇن سول جاقتا ءجۇرىپتى. ايتەۋىر, بۇل ەڭبەگى ەش كەتپەگەن. وبلىستان بارعان ءتورت سپورتشى ازيا چەمپيونى اتانىپ قايتىپتى. تەمىر قۇسايىن, ورال.