مۇگەدەكتىڭ مۇنىسى نە؟

وڭاي جولمەن پايدا تابۋعا قۇمارتىپ, قىلمىسقا باراتىندار تەپسە تەمىر ۇزەتىندەردىڭ عانا ەمەس, مۇگەدەك جاندار اراسىندا دا كەزدەسۋدە. الماتى قالاسىنىڭ 43 جاس­تاعى تۇرعىنى مۇرات ەسەنوۆ ءبىرىنشى توپتاعى مۇگەدەكتىگىنە قاراماي, قىلمىستىق ارەكەتتەر­مەن اينالى­سۋ­دى ادەتكە اينال­دىر­­عان. ول ال­ما­لى اۋدانىندا تۇراتىن تانىس­تارىن دا جانە وزگەلەردى دە «ارزان باعامەن» نوۋتبۋك الىپ بەرەمىن, ءسويتىپ سەندەر ءبىرشاما اقشا­لارىڭ­دى ۇنەم­دەي­سىڭدەر» دەپ, بىرقاتار قاراجات جيناپ العان. جارتى جىل­دان استام ۋاقىت وزگەلەردى قۇرعاق ۋادە­مەن تويدىرعان الاياق جاقىندا قۇ­رىقتالدى. مۇگەدەك ادامعا ءمۇ­سىر­كەۋشىلىكپەن قاراپ, ونىڭ وزدەرىن الدامايتىنىنا سەنگەن جاندار بولسا وعان بەرگەن قوماقتى قارا­جاتىن قايتارا الماي الەك. ەكى بالداقپەن ازەر قوزعالاتىن مۇگەدەك-ايىپكەردەن جاۋاپ الۋ كەزىندە بىرقاتار كولەڭكەلى ءجايت­تىڭ بەتى اشىلدى. ول وزگەلەردەن الاياق­تىق جولمەن الداپ العان اقشانى تۇگەلدەي دەرلىك ەسىرتكى ساتىپ الۋعا جۇمساعانىن ايتتى. تاڭعالارلىعى, وسىنداي ورەسكەل ىسىنە قينالىپ, قىنجىلىپ, وكىنىش تە بىلدىرمەيدى. سويتسە ون جىل بويى ەسىرتكىمەن اۋەستەنگەن مۇ­رات ەسەنوۆ بۇدان بۇرىن دا ەسىرتكى ساتۋ جانە ۇرلاۋ جونىندەگى قىل­مى­سى بويىنشا جەتى رەت جاۋاپقا تارتىلىپ, سوتتالعان, – دەيدى ال­ما­لى اۋداندىق ءىىب باس­تى­عىنىڭ ورىنباسارى, پوليتسيا پودپولكوۆنيگى بولات مۇحانبەتوۆ. باقىت بالعارينا, الماتى.