«قازاقستان رەسپۋبليكاسى ءمادەنيەت مينيسترلىگى مەن قازاقستاننىڭ ورىس قاۋىمى اراسىنداعى ءوزارا تۇسىنىستىك پەن ءارىپتەستىك تۋرالى» مەموراندۋمعا سايكەس قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى جانە قازاقستاننىڭ ورىس قاۋىمى قازاق ءتىلىن مەڭگەرگەن جاستارعا قولداۋ كورسەتۋ, ءتىل مادەنيەتىنىڭ دەڭگەيىن كوتەرۋ جانە مەملەكەتتىك ءتىلدى قولدانۋدىڭ مارتەبەسىن ارتتىرۋ ماقساتىندا ورىس جاستارى اراسىندا قازاق ءتىلى بىلگىرلەرىنىڭ «ءتىل – حالىق جانىن تانۋدىڭ كىلتى» اتتى رەسپۋبليكالىق بايقاۋىن جاريالايدى.
بايقاۋعا 14-22 جاس ارالىعىنداعى جاستار قاتىسا الادى.
«ءتىل – حالىق جانىن تانۋدىڭ كىلتى» اتتى رەسپۋبليكالىق بايقاۋ ۇستىمىزدەگى جىلدىڭ 5 قىركۇيەك – 25 قاراشا ارالىعىنداعى ەكى كەزەڭ بويىنشا وتكىزىلەدى.
ءى كەزەڭ – ايماقتىق, ول 2011 جىلعى 5 قىركۇيەكتەن – 15 قاراشا ارالىعىندا وبلىستار جانە استانا, الماتى قالالارى بويىنشا وتكىزىلەدى.
ءىى كەزەڭ – رەسپۋبليكالىق, ول 2011 جىلعى 25 قاراشادا ءتىل كوميتەتى جانە قازاقستاننىڭ ورىس قاۋىمىنىڭ ۇيىمداستىرۋىمەن الماتى قالاسىنداعى, دوستىق ۇيىندە وتەدى.
بايقاۋدىڭ ءبىرىنشى كەزەڭىنىڭ ۇيىمداستىرۋشىسى جەرگىلىكتى باسقارۋ ورگاندارى مەن قازاقستاننىڭ ورىس قاۋىمى فيليالى, ال اقتىق مارەنىڭ ۇيىمداستىرۋشىسى مادەنيەت مينيسترلىگىنىڭ ءتىل كوميتەتى مەن قازاقستاننىڭ ورىس قاۋىمى بولىپ تابىلادى.
بايقاۋدىڭ ءبىرىنشى كەزەڭىنىڭ شارتتارى.
ءبىرىنشى نوميناتسيا – لەكسيكو-گرامماتيكالىق تەست. ورىنداۋ ۋاقىتى- 40 مين.
ەكىنشى نوميناتسيا – جازباشا جانە اۋىزشا تاپسىرمالاردان تۇرادى:
ا) اۋىزشا تاپسىرما: قاتىسۋشىلار ۇسىنىلعان سويلەمدەردەن ءوزدەرىنىڭ قالاسى, اۋىلى, مەكتەبى, ۇستازى, ت.ب. تۋرالى اڭگىمە قۇراپ, ايتادى (بيلەتتىك جۇيە);
ب) جازباشا تاپسىرما: ۇسىنىلعان تاقىرىپتارعا ەسسە جازۋ;
ءۇشىنشى نوميناتسيا قازاق ادەبيەتى كلاسسيكتەرىنىڭ شىعارمالارىنان ءۇزىندى وقىپ, كلاسسيكتىڭ ءومىربايانىن قىسقاشا مازمۇنداۋ. ورىنداۋ ۋاقىتى - 3-5 مين.
بايقاۋدىڭ ەكىنشى كەزەڭىنىڭ شارتتارى.
بايقاۋ كەلەسى نوميناتسيالار بويىنشا وتكىزىلەدى:
– «مەملەكەتتىك ءتىل – تاۋەلسىزدىكتىڭ نىشانى» اتتى اۋىزشا تانىستىرىلىم (تۇساۋكەسەردىڭ تاقىرىبىن بايقاۋعا قاتىسۋشىنىڭ ءوزى تۋرالى اڭگىمەمەن بايلانىستىرۋ, ەلەكتروندى جانە باسقا نۇسقالاردى پايدالانۋعا بولادى). ورىنداۋ ۋاقىتى 3-5 مين.;
- «ءتىل – حالىق دانالىعىنىڭ اسىل قازىناسى» قازاق ءسوز ونەرىن بىلۋگە ارنالعان تەست. ورىنداۋ ۋاقىتى - 30 مين.
- قازاق ادەبيەتى كلاسسيكتەرىنىڭ شىعارمالارى ۇزىندىلەرىنىڭ مازمۇنىن زاماناۋي تەاترلاندىرىلعان ينتەرپرەتاتسيادا بايانداپ, كلاسسيكتىڭ ءومىربايانىن قىسقاشا مازمۇنداۋ (بيلەتتىك جۇيە). ورىنداۋ ۋاقىتى 5 مينۋتتەن اسپاۋى كەرەك
– شىعارماشىلىق تاپسىرما «شابىت جۇلدىزى»: حالىق اسپاپتارىندا ويناۋ, ۇلتتىق ءان, بي, كوركەم ءسوز وقۋ, ت.ب. ارقىلى قازاقتىڭ ۇلتتىق مادەنيەتىن كورسەتۋ ء(ۇي تاپسىرماسى). ورىنداۋ ۋاقىتى 5-7 مينۋت.
رەسپۋبليكالىق بايقاۋدىڭ جەڭىمپازدارى اقشالاي جانە ديپلومدارمەن ماراپاتتالادى. بايقاۋعا قازاق مەكتەپتەرىندە جانە جوعارى وقۋ ورنى 4 «قازاق فيلولوگياسى» ماماندىعىندا ءبىلىم الۋشىلار, سونىمەن قاتار الدىڭعى بايقاۋلاردىڭ جەڭىمپازدارى مەن ءجۇلدەگەرلەرى قاتىستىرىلمايدى.
ۇيىمداستىرۋ كوميتەتى
بايلانىس تەلەفوندارى: استانا ق. 8 (717/2) 740510
