ءار فەستيۆالدىڭ ءوز جاڭالىعى بولادى

19-24 قىركۇيەك ارالى­عىن­دا الماتى قالاسىندا VII حالىقارالىق «ەۋرازيا» كينوفەستيۆالى وتەدى. فەستيۆال مادەنيەت مينيستر­لىگى, ش.ايمانوۆ اتىنداعى «قازاقفيلم» اكتسيونەرلىك قوعامى جانە كينەماتوگرافيستەر وداعى مەن «ەۋرازيا» حالىقارالىق كينوفەستيۆال ديرەكتسياسىنىڭ مۇ­رىندىق بولۋىمەن ۇيىمداس­تىرىلىپ وتىر. سوڭعى جىلدارى ورتالىق ازيا ەلدەرىنىڭ فيلمدەرى سايىس­قا ءتۇسىپ جۇرگەن فەستيۆالدىڭ كون­كۋرستىق باعدارلاماسىنا 2011 جىلى ما­ڭىز­دى وزگەرىس ەندى. بي­ىلعى جىلى «ەۋرازيانىڭ» اياسى كەڭەيىپ, ەۋروپا, ازيا جانە تمد ەلدەرىنىڭ جاڭا تۋىندىلارى باق سىنايتىن اۋقىمدى حالىقارالىق كونكۋرسقا اينالدى. فەستيۆال بارىسىندا ۇزدىك فيلم (باس ءجۇل­دە), ۇزدىك رەجيسسۋرا, سونداي-اق ۇزدىك اكتەر مەن ۇزدىك اكتريسالار ارنايى جۇلدەلەرمەن ماراپاتتا­لا­دى. «ەۋرازيا-2011» كينو­فە­ستي­ۆا­لى­نىڭ حالىقارالىق قازىلار القا­سىن وڭتۇستىككورەيالىق رەجيسسەر كيم كي دۋك باسقارادى. ونىڭ «اريرانگ» اتتى سوڭعى كارتيناسى «ەرەكشە وقيعا» باعدارلاماسى بوي­ىنشا كورسەتىلەدى. قازىلار ال­قاسىنىڭ قۇرامىنا جاپون رەجيسسەرى يويچي ساي, رەسەي حالىق ءارتىسى, رەجيسسەر ۆلاديمير حوتينەنكو جانە فرانتسۋز اكتەرى, رەجيسسەر, سازگەر جيل مارشان كىرەدى. باعدارلامانىڭ جوعارعى دەڭ­گەيى مەن كونكۋرستىق كينوفەستيۆالدان تالاپ ەتىلەتىن الەمدىك ستاندارتتار ناتيجەسىندە «ەۋرازيا» كينوفەستيۆالىندە فيپرەسسي جانە نەتپاك كينوسىن­شى­لارىنىڭ قازىلار القاسى وسىمەن ءۇشىنشى جىل قاتارىنان حالىق­ارا­لىق قازىلار القاسىمەن تەڭ جۇ­مىس جۇرگىزىپ جاتقانىن ايتا كەتكەن ءجون. كونكۋرستىق باعدارلا­ما­داعى وزگەرىستىڭ ماڭىزدىلىعى قا­زاقستاندىق كارتينالاردىڭ شەتەلدىك جەتەكشى كينوتاسپالارعا ءبا­سەكەلەس رەتىندە قاتىسۋىندا بو­لىپ وتىر. بۇل قازىرگى تاڭدا قا­زاقستاننىڭ كينويندۋسترياسىندا بولىپ جاتقان وڭ وزگەرىستەرگە دە بايلانىستى. 2010 جىلى وتاندىق كينو ءۇش­ىن كورەرمەندەردىڭ قىزىعۋشى­لى­عىن ارتتىراتىن فيلمدەر ءتۇ­سىرۋدە ايرىقشا مۇمكىندىكتەر پايدا بولدى. بۇل كينورەجيس­سەر­لەردىڭ جاڭا بۋىنىنا ۇلكەن ءمۇم­كىندىكتەر بەرگەن جىل دەر ەدىك. اتاپ ايتساق, «ەۋرازيانىڭ» بىل­تىرعى كونكۋرستىق باعدارلاما­سى­نا 15 شاقتى قازاقستاندىق فيلم­نىڭ ىشىنەن ا.ساتاي مەن ف.ءشارىپوۆتىڭ فيلمدەرى ىرىكتەلىپ الىنعان بولاتىن. بيىل بايقاۋعا جان-جاقتان ۇمىتتەرىن ۇكىلەگەن 20-عا جۋىق فيلم ۇسىنىلىپ وتىر. ايتا كەتۋ كەرەك, بۇل تۋ­ىندىلار ءبىر-بىرىنە مۇلدەم ۇقسا­ماي­تىن, وزىندىك ورنەگى بار, ءار­قاي­سىسى ءوز الدىنا دارا فيلمدەر. سوعان قاراعاندا 2011 جىل وتان­دىق كينووندىرىس ءۇشىن قارقىندى وزگەرىستەر جىلى بولماق. بيىلعى جىلى ءتۇسىرىلىپ بول­عان فيلمدەردىڭ ىشىندە ر.ءاب­دىراشەۆتىڭ ەستەتيكالىق سۇلۋ­لىعى­مەن باۋراپ الاتىن «بالالىق شاعىمنىڭ اسپانى» ءفيلمىن, ا.ساتايدىڭ «ليكۆيداتور», س.ءتا­ۋە­كەلوۆتىڭ «جەرۇيىق», ە.نۇرمۇ­حام­بەتوۆتىڭ «اڭشى بالا» جانە د.سالاماتتىڭ «كىشكەنتاي» فيل­مىن ەرەكشە اتاپ وتۋگە بولادى. گ.ناسىروۆتىڭ «گاككۋ», ج.پوشا­نوۆ­تىڭ «جەل قىزى» جانە ت.باي­تۇكەنوۆ پەن ت.قاسىمجانوۆتىڭ «سۋپەرباحا» فيلمدەرى كينە­ما­تو­گرافيالىق تاجىريبەلىك ادىستە­رىمەن ەرەكشەلەنەدى. اۆتوردىڭ كەيىپكەر مەن ۋاقىت جونىندەگى ويىن, سەزىمىن دالمە-ءدال جەتكىزەتىن ونەر وسى كينەماتوگرافيا ەكەنىن د.ومىرباەۆتىڭ «ستۋدەنت», ن.تورەباەۆتىڭ «شۋاقتى كۇندەر» فيلمىنەن اڭعارۋعا بولادى. ءداستۇر بويىنشا بيىلعى جى­لى دا «ەۋرازيا» كينوفەستيۆالىنە الەمدىك كينو جۇلدىزدارى قاتى­سادى. بيىل فەستيۆالدىڭ نەگىزگى قوناقتارىنىڭ اراسىندا «وسكار» سىيلىعىنىڭ جۇلدەگەرى, فرانتسۋز اكتريساسى جيۋلەت بينوش, امە­ري­كالىق اكتەر, پروديۋسەر ءارى ستسەناريست وۋەن ۋيلسون بار. قانات ەسكەندىر. الماتى.