«مەنىڭ قازاقستانىم» پويىزىنىڭ جۇرتشىلىقپەن جۇزدەسۋى جالعاسۋدا

ەل تاۋەلسىزدىگىنىڭ 20 جىلدىق تورقالى تويىنا تارتۋ رەتىندە جول­عا شىققان «مەنىڭ قازاق­ستانىم» ارنايى پويىزىنداعىلار بەلگىلەنگەن باعىتتارى بويىنشا قوستاناي وبلىسىنىڭ رۋدنىي قا­لاسى, سول­تۇس­تىك قازاقستان وبلى­سى­نىڭ تا­يىن­شا اۋدانى, سونداي-اق قاراعان­دى وبلىسىنىڭ تەمىرتاۋ قالاسى مەن جاڭاارقا اۋدان­دارى ستانسا­لارىنا تابان تىرەپ, جەرگىلىكتى جۇرت­پەن جۇزدەستى. اتال­عان جەرلەردە ولاردى جەرگىلىكتى بيلىك وكىل­دەرىمەن بىرگە, تۇرعىندار سالتانات­تى جاعدايدا كۇتىپ الدى. ارقالىقتان بەت العان ارنايى پويىز رۋدنىي قالاسىنىڭ ۆوك­زالى­نا كەلگەندە كۇتىپ الۋشىلار سا­نىن­دا ەسەپ بولمادى. پويىزدى اسىعا كۇتكەن قالا جۇرتشىلىعى الدىندا ءسوز العان «نۇر وتان» حدپ ورتا­لىق اپپاراتىنىڭ ار­نايى وكىلى قاز­بەك قازكەنوۆ «مە­نىڭ قازاق­ستانىم» پويىزىنىڭ ماق­ساتى جا­يىن تاعى ءبىر پى­سىق­تاپ وتسە, رۋد­نىي قالاسى اكىمىنىڭ ورىن­باسارى ءابدىراحمان ەشمۇ­حان­­بەتوۆ استانادان اتباسىن تىرەگەن قاۋىمعا ريزا­شىلىعىن جەتكىزدى. حالىق ءۇشىن دەپ تاۋەل­سىز­دىك­تىڭ 20 جىلدىعىنا وراي دايىن­دال­عان بۇل پويىزداعى مادەني ءىس-شارالار مەن تۇرعىنداردىڭ تالاپ-تىلەكتەرى بويىنشا جۇرگىزىل­گەن زاڭدىق كە­ڭەس­تەر كوپشىلىك كوڭى­لىنەن شىعىپ, ولاردىڭ سول سالاداعى وزدەرىن تولعاندىرعان ءتۇرلى ماسەلەلەردەن ماعلۇماتتار الۋىنا مول مۇمكىن­دىكتەر بەرسە, وسى كۇنى تۇستەن كەيىن «رۋدنىي داۋىسى» راديوسى بۇل پويىز جا­يىندا تىكەلەي ەفير حا­بارىن ۇيىمداستىردى. رۋدنىي قالاسىندا بۇگىندە ءتۇر­لى سالالار بويىنشا ىرگەلى جۇ­مىس­تار جۇرگىزىلۋدە ەكەن. ولار­دىڭ قاتارىندا «100 مەكتەپ, 100 اۋرۋحانا» باعدارلاماسى بويىن­شا 900 ورىندىق №7 قازاق ورتا مەكتەبى مەن جالپى سانى 170 بالاعا ارنال­عان قالالىق بالالار اۋرۋحاناسى كەشەنىنىڭ عيمارات­تارىنىڭ پايدا­لانۋعا بەرىلگەنىن ايتۋعا بولادى. سونداي-اق, تۇرعىن ءۇي-كوممۋنالدىق شارۋاشىلىق سالاسىندا دا ءبىرشاما جۇمىستار اتقارىلىپتى. الپىس جىلعا جۋىق تاريحى بار بۇل شاعىن شاھاردا 130 مىڭعا جۋىق حالىق تۇرسا, 12 مەكتەپكە دەيىنگى بالالار مەكەمەسى مەن 23 ورتا مەكتەپ, سونى­مەن قاتار, 1 جوعارى وقۋ ورنى, 4 كول­لەدج, 3 كاسىپتىك ليتسەي ءبىلىم الا­مىن دەگەن جاسقا ءوز قىزمەتتەرىن ۇسىنۋدا ەكەن. ءوندى­رىستى قالانىڭ ونەركاسىپ سالاسى دا جاقسى دەڭ­گەي­دەگى كورسەتكىش­تەرمەن تولىعۋدا. مۇنان كەيىن «مەنىڭ قازاق­ستانىم» ارنايى پويىزىن سول­تۇس­تىك قازاقستان وبلىسىنىڭ تا­يىن­شا اۋدانى تۇرعىندارى قارسى الدى. 12 مىڭنان استام حالىق تۇ­را­تىن اۋدان ورتالىعىنىڭ ءما­دە­نيەت ۇيىندە «نۇر وتان» حدپ ور­تالىق اپپاراتىنىڭ وكىلدەرى مەن نۇرعالي ءنۇسىپجانوۆ, ايجان نۇر­ماعامبەتوۆا سىندى ونەر تار­لان­دارى ارنايى جۇزدەسۋلەر وتك­ى­زىپ, 20 جىلداعى جەتىستىكتەرىمىز جا­يىندا وي ءبولىستى. سونىمەن ءبىر­گە, پويىزداعى مەديتسينا سالا­سى­نىڭ وكىلدەرىمەن بىرگە جۇمىس جاساعان اقمولا وبلىسىنىڭ دارىگەرلەرى اۋرۋىنا ەم ىزدەگەن 70-كە جۋىق جاندى قاراپ, كەڭەس­تەرىن ۇسىندى. وسى رەتتە اۋدان تۇرعىندارى رۇستەم ابدىراشەۆتىڭ «بالالىق شاعىمنىڭ اسپانى» جانە دانيار سالاماتوۆتىڭ «ءباي­تەرەك» كينولەنتالارىن كورىپ, تا­ماشالادى. تايىنشالىقتار مەن اۋدان قو­ناقتارىن كەشكىسىن بولعان ەسترادا جۇلدىزدارىمەن وتكەن دۋماندى كونتسەرت ەرەكشە كوڭىل-كۇيگە ءبو­لەدى. كۇنى بۇرىن حابارلانعان بۇل كەشكە كوكشەتاۋ قالاسىنان ار­نايى كەلگەن قۋانىش ماعزۇموۆ­تىڭ قۋانىشىندا شەك بولعان جوق. «قازاق انشىلەرى كەلەدى ەكەن دەگەندى ەستىگەندە, اسىرەسە, سونىڭ ىشىندە زامانداستارىم نۇرعالي ءنۇسىپجانوۆ پەن التىنبەك قوراز­باەۆ بار دەگەن حابار قۇلاعىما تيىسىمەن ۇيدە جاتا المادىم. الماتىعا, استاناعا بارىپ كونتسەرت كورۋگە راسى كەرەك, ەلدەگى اعايىننىڭ قالتاسى كوتەرە بەرمەيدى عوي. سول ءۇشىن وسىنداي شارا ۇيىمداستىرىپ, ءدۇيىم جۇرت­تىڭ كوڭىلىن سەرپىلتۋگە ۇيىتقى بولعان «نۇر وتان» پارتياسىنا العىسىم شەكسىز. مۇنىڭ ءبارى دە, سايىپ كەلگەندە, ەگەمەندىگىمىزدىڭ ارقاسى ەكەنى داۋسىز. سوندىقتان دا تاۋەلسىزدىگىمىزدىڭ تۇعىرى بيىك بولعاي!» – دەگەن اقجارما تىلەگىن جەتكىزدى اقساقال. تەمىرتاۋلىقتاردىڭ دا بۇل پويىزدى اسىعا كۇتكەندىكتەرىن اڭعارۋ قيىن ەمەس ەدى. سالتاناتتى جاعدايدا كۇتىپ الۋداعى اسقان قوناقجايلىق وسىنىڭ دالەلى. ءتۇر­لى سالا بويىنشا كەلگەن ماماندار ىشىندە ۇلتتىق بانك وكىلى قۇمان سادىقوۆ تۇرعىندارعا نەسيە الۋدىڭ العىشارتتارىن ءتۇسىن­دىرىپ, ولاردىڭ سۇراقتارىنا جاۋاپ بەرۋى مەن «نۇر وتان» حدپ وكىلدەرىنىڭ تۇرعىندارمەن الۋان ماسەلەلەر توڭىرەگىندە وي ءوربى­تۋ­لەرى دە ەشكىمدى دە بەي-جاي قال­دىر­مادى. سونداي-اق روزا رىم­باەۆا, جەڭىس سەيدوللا ۇلى, جازيرا مەن جانبولات, الىشەر كاريموۆ جانە جۇبانىش جەكسەن ۇلى سىندى ونەر ساڭلاقتارىنىڭ كونتسەرتتىك باعدارلاماسىن قالا جاس­تارى اسقان ريزاشىلىقپەن تىڭ­داپ, ەرەكشە قۇرمەتتەرىن كورسەتىپ جاتتى. ءان مەن جىردىڭ مەكەنى, ءسا­كەن­دەي اقىن سەرىنى, داڭقتى سپورت­شىلاردى ومىرگە كەلتىرگەن جاڭا­ار­قا جۇرتشىلىعىنىڭ «مەنىڭ قازاقستانىم» پويىزىن كۇتىپ الۋى دەلەگاتسيانى ەرەكشە سەزىمگە بولەدى. مۇندا دا باعدارلاماعا ءساي­كەس پويىزداعى پارتيا وكىلدەرى مەن ماماندار ءوز جۇمىستارىنا كىرىسىپ كەتتى. «نۇر وتاننىڭ» قو­عام­دىق قابىلداۋلارى پارتيانىڭ جاڭاارقا اۋداندىق فيليالىندا وتسە, وزگە زاڭدىق كەڭەستەر ساكەن سەيفۋللين مەكتەبىندە جالعاسىن تاپتى. الەۋمەتتىك قامسىزدان­دى­رۋ مەن بانك سالاسىنداعى كەڭەس الۋشىلار سانى مۇندا دا از بول­مادى. ماسەلەن, شاعىن جانە ورتا كاسىپكەرلىكتى دامىتۋ باعى­تىندا نەسيە الۋ جايىندا كەڭەس سۇراي كەلگەن جەكە كاسىپكەر, كوپ بالالى انا باعى يسينا دا بۇل پويىزدى كۇتكەنىن ايتسا, ەڭبەك جانە حا­لىقتى الۋمەتتىك قورعاۋ مينيسترلىگىنەن بولىنگەن مامان گۇل­زيرا سالەموۆا 22 ادامنىڭ قا­بىل­­داۋىن­دا بولعانىن جانە ولار­دىڭ دەنى جۇمىسپەن قامتۋ, الەۋمەتتىك كومەك, زەينەتاقى ءمول­شەرى جايىن­دا كە­ڭەس­تەر الۋعا كەلگەنىن جەتكىزدى. «مەنىڭ قازاقستانىم» ارنايى پويىزىنىڭ ءىس-شاراسى كەشە كەشكىسىن ورتالىق تاۋەلسىزدىك ساياباعىن­داعى ەسترادا جۇلدىزدارىنىڭ گالا كونتسەرتىمەن ءوز جالعاسىن تاپتى. ءابدىراحمان قىدىربەك. سۋرەتتەردى تۇسىرگەن قۇرالاي  شەريازدانوۆا.