كورمەدە – وڭتۇستىكتىڭ ۇزدىك تاۋارلارى

شىمكەنتەگى كوركەمسۋرەت گا­لەرەياسىندا “قازاقستاننىڭ ۇزدىك تاۋارلارى” وڭىرلىك كورمە-كونكۋر­سىنىڭ قورىتىندىلارى ءوتتى. اشىلۋ سالتاناتىندا وبلىس اكىمىنىڭ ورىنباسارى ەرلان ايتاحانوۆ كورمە-كونكۋرستىڭ «قا­زاق­ستان رەسپۋبليكاسى پرەزي­دەن­­تىنىڭ «التىن ساپا» سىي­لىعىن الۋعا ارنالعان كونكۋرسى جانە «قازاقستاننىڭ ۇزدىك تاۋا­رى» رەسپۋبليكالىق كورمە-كونكۋرسى تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 9 قازانداعى № 194 جارلىعىنا جانە وڭتۇستىك قا­زاقستان وبلىس اكىمىنىڭ 2010 جىل­عى 3 تامىزداعى «جىل سايىن­­عى «قازاقستاننىڭ ۇزدىك تاۋا­رى» وڭىرلىك كورمە-كون­كۋرسىن وتكىزۋ تۋرالى» قاۋلىسى­نا سايكەس ءوتىپ جاتقانىن ايتتى. كونكۋرس ءۇش نوميناتسيا بويىن­­شا, اتاپ ايتقاندا, «وندىرىستىك ماقساتتاعى ۇزدىك تاۋارلار»; «حا­لىق تۇتىناتىن ۇزدىك تاۋارلار»; «ۇزدىك ازىق-ت ۇلىك تاۋار­لارى»; «قا­زاقستاننىڭ ۇزدىك تاۋارى» تۇرىندە ءوتتى. تاۋەلسىز قازاقستاننىڭ 20 جىل ىشىندە قالاي وزگەرگەنىن ءبىر عانا وڭتۇستىك كاسىپكەرلەرىنىڭ دايىنداپ جاتقان ونىمدەرىنەن-اق كورۋگە بولادى. جۇمىر باستى پەندەگە كەرەكتىڭ ءبارى بار. اس اتاسى – ناننان باستايىق. “كورونا” فابريكاسى ۇن ونىمدەرىنەن نە دايىنداۋعا بولادى, ءبارىن ساۋداعا شىعارىپ وتىر. قازەكەڭ ساۋساقتا­رىن سالىپ جىبەرىپ سۇعىنا جەيتىن جايمادان باستاپ, ماكارونداردىڭ ءتۇر-تۇرىنەن كوز سۇرىنەدى. تۇركىس­تاندا تۇ­رىپ-اق ماقتا القابىنان تەرىلگەن اق ماقتادان 92 ءتۇرلى ءونىم دايىنداپ جاتقان “فاراب” جشس-ءنىڭ دايىن بۇيىمدارىن ەش قىسىلماي شەتەلدىڭ تاۋار­لارى­نىڭ جانىنا ساۋداعا شى­عارۋعا بولادى. وتاندىق عالىم­داردىڭ ءونىمى مەرس تىڭايت­قىشى جەر قىرتىسىن تىڭايتۋدا كەرەگىن تاۋىپ بەرۋدە ۇلكەن جەتىستىكتەرگە يە بولىپ كەلەدى. سايرام اۋدا­نىن­دا 10 مىڭ گەكتار جەرگە تىڭايت­قىشىن پاي­دالانىپ وتىر­عان سەرىكتەستىك تاۋەلسىزدىكتىڭ 20 جىلدىعىنا بايلانىستى مەرس-ءتىڭ باعاسىن باستاپقى قۇنىنان 2 ەسەگە ءتو­مەندەتىپتى.  مەرس زاۋى­تىنىڭ ديرەكتورى, “انا-جەر” عىلىمي وڭدىرىستىك بىرلەستىگىنىڭ ۆيتسە-پرەزيدەنتى ماحمۇدوۆ جامالدين ۋسمانۋلى – ءبىزدىڭ تىڭايت­قىشتى ەلىمىزدە 1 ملن. 200 مىڭ گەكتارعا پايدالانىپ وتىر. شەتەلدەر دە نازار اۋدارا باستادى. اعىلشىنداردىڭ كورولدەر سا­رايى ءبىزدىڭ تىڭايتقىشپەن ءوسى­رىل­گەن 12 گەكتار جەردەگى كوك­ونىس, باۋ-باقشا ونىمدەرىن الا باستادى. ەكولوگيالىق تازا, حيميالىق قوس­پالارى جوق ءونىم بولعاننان كەيىن فرانتسيادا ءجۇ­زىم پلانتاتسيا­لارىنا پايدا­لانىپ جاتىر, دەيدى. “گاۋھار” تىگىن فابريكاسى­نىڭ ديرەكتورى ءانيپا حالباەۆامەن تىلدەستىك. سارىاعاش اۋ­دانى, شىم­كەنت قالاسى اكىمدە­رىنىڭ ورىن­باسارى دارەجەسىنە دەيىن قىزمەت ەتىپ, ءىس-شارالاردا جانى تىنباي زىر جۇگىرىپ ءجۇ­رە­تىن وسى كىسىڭىز مەملەكەتتىك قىز­مەتتى كا­سىپ­كەرلىككە اۋىس­تىر­عان. ءبىر كۇن­دە ەمەس, ارينە. اكىمدىك قىزمەتكە كەلگەنگە دەيىن نەگىزىن سالعان بيزنەسىنە ورالعان. “گاۋھار”تىگىن فابريكا­سى تىككەن كيىمدەردە ءمىن جوق. ءساندى, تىگىسى مىقتى. زامان تالابىنا ساي. اسىرەسە, وقۋشى­لارعا ارناپ تىككەن كيىمدەرى كوز قۋانتادى. باياعىدا شوشقا مايى قوسىل­ماسا كولباسا ونىمدەرى شىعا­رىل­­مايتىنداي كورىنەر ەدى. ايت­قان­عا عانا ەكەن. مۇسىلمانعا حارام تالپاق تاناۋدىڭ سۇبە مايىنىڭ ورنىن جىلقى ءىش مايى مەن قوي قۇيرىعى اۋىس­تىرىپ جاتىر. حالال ءونىم دايىندايتىن “قارقىن” جشس كولباسا-شۇجىقتىڭ الۋان ءتۇرىن ۇسىنىپ وتىر. ءىرى قويدىڭ قۇيرىق مايىنىڭ ءيىسى شىعادى. سوندىقتان  توقتى-تورىمنىڭ مايى پايدالى دەسەدى. وزدەرىنىڭ مال بورداقىلايتىن فەرمالارى بار. “حاميت” سەلولىق تۇتىنۋ كووپەراتيۆى شاردارانىڭ كولى­نەن سۇزگەن بالىقتارىن مۇزعا قاتىرىپ, قازاقستاننان بولەك, رەسەيگە دە جونەلتىپ جاتىر. سوڭىندا وڭىرلىك كورمە-كون­كۋرسىنىڭ ناتيجەسى شىعا­رىل­دى. ءۇش نوميناتسيا بويىنشا ءبىرىنشى ورىندى «HILL سorpora­tion» جشس,  «شتف «تۇركىس­تان» جشس جانە «ورداباسى قۇس» جشس جەڭىپ الدى. ەكىنشى دارەجەلى ديپلوممەن «حلوپكوپروم-تسەلليۋلوزا» جشس,  «فاراب» كومبيناتى» جشس جانە «كورونا» ماكارون فابريكاسى» جشس ماراپاتتالدى. قورىتا ايتقاندا, «قازاق­ستان­نىڭ ۇزدىك تاۋارلارى» باي­قاۋ-كورمەسى شاعىن, ورتا, ءىرى كا­سىپكەرلىك وكىلدەرىنە وزدەرى تۋرالى مالىمدەمە جاساۋ ءۇشىن قولايلى الاڭ بولىپ تابىلادى. باقتيار تايجان, وڭتۇستىك قازاقستان وبلىسى.