جۇرتتى تارتقان اق وتاۋ

استانانىڭ ىرگەسىندەگى نۇرا اۋ­دا­نىنىڭ ورتالىعى ءالى كيەۆكا اتاۋى­نان ارىلماي كەلە جات­قانى­مەن زاتىندا جاڭارۋ بار ەكەندىگى اڭعارىلادى. تاۋەلسىزدىكپەن بىرگە تۇلەگەن قازاقى قالىپتاعى بەينەسى ەرەكشەلەنە ءتۇسۋ­دە. ايماقتىڭ ەڭ ادەمى ەلدى مەكەنى ەكەنىن ايعاقتاي­تىن كەسىن-كەلبەتىن سوڭعى جىلدار­داعى ۇلتتىق ناقىشتى ءساۋ­لەت­­تەن­دىرۋلەر ودان سايىن جارقىراتىپ, كوز تارتقىزادى. سولار­دىڭ قاتا­رىن­دا كيىز ءۇي ۇلگىسىندە دوڭگە­لەن­تىپ سالىنعان قىمىزحانا عيماراتى سىرتقى كوركىمەن دە, ىشكى سانىمەن دە بولەك كورىنىپ تۇراتىن بولدى. بۇل جەرگىلىكتى جۇرتتىڭ كوپتەن بەرگى تىلەگى ەدى. ءبىر ۋاق قۇلانوتپەس ءشوبى مەن سۋىنىڭ ءيىسى اڭقىعان سارى قىمىزدى ساپىرتىپ, اڭگىمە-دۇكەن قۇرىپ, باياعى بابالارداي كوڭىل جەلپىنتۋ ەندى سونى قالاۋ­شى جانعا جەڭىل. يزەندى اۋلىنان كۇنىنە جەتكىزىلىپ تۇراتىن قاسيەتتى سۋسىن مەن جەڭسىك تاعام تۇرلەرى قولما-قول كەلۋشىلەر الدىنا تارتىلادى. وسىنداي ورىندى الدىندا وزدەرىندە اشقان «وت­قان­جار» جشس جەتەكشىسى قانات وتارباەۆتىڭ اۋدان ورتا­لىعىندا دا بىرەۋىنىڭ ۋىعىن تىگۋ ويدا جۇرگەن ماقساتى بولاتىن. ءساتى ءتۇسىپ, ەلدىڭ مەرەيلى مەرەكەسى جىلىنداعى سىي رەتىندە ۇسىنىلۋى تۇر­عىن­داردى ءسۇيسىنتتى. استانا مەن قاراعاندىعا شىعابەرىس كوشە ءتورىن­دەگى اق وتاۋدا جىل بويى قىمىز ۇزىلمەيدى. ايقىن نەسىپباي,   قاراعاندى وبلىسى.