ءوز سۇراقتارىنا ناقتى جاۋاپتار الدى

كەشە «نۇر وتان» حالىقتىق-دەموكراتيالىق پارتياسىنىڭ باستاماسىمەن «بيزنەستىڭ جول كارتاسى-2020» باعدارلاماسى اياسىندا مەملەكەتتىك قولداۋعا يە بولۋ ماسەلەلەرى بويىنشا ازاماتتاردى بىرىڭعاي قابىلداۋ كۇنى كەڭ اۋقىمدى اكتسياسى پارتيانىڭ بارلىق فيليالدارىندا وتكىزىلدى. «نۇر وتان» پارتياسى ءتور­اعا­سىنىڭ ءبىرىنشى ورىنباسارى نۇر­لان نىعماتۋلين ءوز قابىلداۋىن وتكىزگەن پارتيا ورتالىق اپپا­را­تىنىڭ قوعامدىق قابىلداۋ ءبول­مەسىنە بيزنەس وكىلدەرى وزدەرىن تول­عاندىرعان ءارتۇرلى ماسەلە­لەر­گە جاۋاپ الۋ ءۇشىن كەلدى. ول – جاڭا جابدىقتاردى ساتىپ الۋ, ءوندىرىستى كەڭەيتۋ ءۇشىن قوسىمشا مەملەكەتتىك قولداۋعا يە بولۋ, زاماناۋي بيزنەس-تەحنولوگيالار بوي­ىنشا ءبىلىم الۋ, سۋبسيديالاۋ جانە نەسيەلەۋگە قاتىستى ماسەلەلەر. مىسالى, «№4 اۆتوبۋس پاركى» جشس ديرەكتورى ءناسىپباي سما­عۇ­لوۆ «بيزنەستىڭ جول كارتا­سى-2020» باعدارلاماسى بويىنشا ليزينگتىك كەلىسىم-شارتتار نەگىزىندە پايىزدىق مولشەرلەردى سۋبسيديالاۋ مۇمكىن بە دەگەن سۇ­راقپەن كەلگەن ەكەن. ول العان جاۋابىنا تولىق قاناعاتتاندى. – «نۇر وتان» پارتياسى پرەزيدەنتتىك باعدارلامالار بويىنشا وتە جاقسى جۇمىس ىستەپ جاتقانىن بىلەمىن. بىرىڭعاي قابىلداۋ كۇنى وتكىزىلەتىنىن بىلگەن سوڭ, پارتيا­نىڭ قوعامدىق قابىلداۋ ءبول­مە­سىنە كەلدىم. بۇگىن مەنىڭ سۇراعىما جاي عانا مازمۇندى جاۋاپ بەرمەي, سونىمەن بىرگە, ەكونوميكا مينيسترلىگىمەن بىرلەسىپ, ماسەلەمدى شە­شۋدىڭ ناقتى جولدارىن انىقتاپ بەردى, – دەدى ن.سماعۇلوۆ. ال ارتەم ششەگلوۆ قاعاز قالدىقتارىن قايتا وڭدەۋ جانە جۇمىرتقا قاپ­تاماسىن جاساپ شىعارۋمەن اينا­لىساتىن كاسىپورىندا جۇمىس ىستەيدى. ول ءوز ءوندىرىسىن كەڭەيتپەك نيەتتە. ول ءۇشىن ونىڭ ويىنشا, ءتيىستى ءبىلىم الۋ قاجەت. «بيزنەستىڭ جول كارتاسى-2020» باعدارلاماسى بويىنشا وسىنداي جاعدايدا كو­مەك قاراستىرىلعان با؟ – «بيزنەستىڭ جول كارتا­سى-2020» پرەزيدەنتتىك باعدارلا­ماسى وتە دۇرىس جانە ءبىز ءۇشىن اسا قاجەت. جانە دە بۇگىن قابىلداۋعا كەلىپ, مەن وسى باعدارلاما شەڭ­بەرىندە «ىسكەر بايلانىستار» جو­باسى بار ەكەنىن ءبىلدىم. وسى جوبا كاسىپكەرلەردىڭ بيزنەس-ترەنينگتەردەن ءوتىپ, بيزنەس جۇرگىزۋدىڭ زاماناۋي ءادىس-تاسىلدەرىن وقىپ-ءبى­لۋىنە مۇمكىندىك بەرەدى. مەن مىندەتتى تۇردە وسى مۇمكىندىكتى پاي­دالانامىن, – دەپ اعىنان جا­رىل­دى ول. وسى كۇنى پارتيا توراعاسىنىڭ ءبىرىنشى ورىنباسارى نۇرلان نىع­ماتۋليننىڭ قابىلداۋىنا, سونداي-اق «فوليانت» باسپاسىنىڭ, «ەلجاس اج» بالاباقشاسىنىڭ وكىل­دەرى دە كەلدى. ولاردىڭ بارلىعى ءوز سۇراقتارىنا ناقتى جاۋاپتار الدى. رەسپۋبليكالىق اكتسيانىڭ قو­رىتىندىلارىن شىعارا كەلىپ, نۇر­لان نىعماتۋلين: «بۇگىن ەلى­مىزدىڭ بارلىق ايماقتارىندا ءوت­كىزىلىپ جاتقان «بىرىڭعاي قابىل­داۋ كۇن» اكتسياسى, ول ەڭ الدىمەن, ەلباسىمىز, «نۇر وتان» پارتيا­سىنىڭ توراعاسى نۇرسۇلتان ءابىش­ ۇلى نازارباەۆتىڭ باستاماسىمەن قابىلدانعان اسا ماڭىزدى باعدار­لامالار بويىنشا حالىقتىڭ تو­لىق اقپارات الۋىنا مۇمكىندىك بەر­دى. جانە دە بۇگىن ەلىمىزدىڭ ءجۇز­دەگەن كاسىپكەرلەرى ءوز سۇراق­تارىنا دا ناقتى جاۋاپتار  الدى», – دەدى. «نۇروتاندىقتاردىڭ» ايتۋىن­شا, «بىرىڭعاي قابىلداۋ كۇنى» ءبىر رەتتىك اكتسيا ەمەس. حالىقتىڭ مۇن­داي ءىس-شارالارعا دەگەن قىزى­عۋشىلىعى وتە جوعارى. سوندىق­تان پارتيا الداعى ۋاقىتتا دا وسىنداي اكتسيالاردى وتكىزبەكشى. جىل باسىنان بەرى پارتيانىڭ قوعامدىق قابىلداۋ بولمەلەرىنە 34 مىڭعا جۋىق ءوتىنىش كەلىپ ءتۇس­تى. بۇل – حالىقتىڭ پرەزيدەنتتىڭ پارتياسىنا دەگەن زور سەنىمىنىڭ دالەلى. ءاليسۇلتان قۇلانباي.