دەپۋتاتتاردىڭ قوعامدىق قابىلداۋى

پارلامەنت ءماجىلىسىنىڭ دەپۋتاتتارى نۇر­­لان ءابدىروۆ پەن ۆيكتور روگالەۆ قىزىلجار وڭىرىندە بىرنەشە كۇندىك جۇمىس ساپارىمەن بولىپ, جۇرتشىلىقپەن كەزدەسۋلەر, قوعام­دىق قابىلداۋلار وتكىزەدى. اۋدانداردى, مە­كە­مە-كاسىپورىنداردى ارالاپ, تىنىس-ءتىر­شى­لى­گىمەن تانىستى. حالىق قالاۋلىلارىنىڭ كەزدەسۋلەرى ءتۇرلى باعىتتاردا ءوربىپ, اشىق پىكىرلەسۋدى باستى ماقسات ەتتى. العاشقى كۇنى دەپۋتاتتاردى وبلىس اكىمى سەرىك ءبىلالوۆ قابىلداپ, ءوڭىردىڭ الەۋمەتتىك-ەكونوميكالىق دامۋى, الداعى كەزەك كۇتتىرمەس مىندەتتەر جايلى تولىققاندى ماعلۇمات بەردى. «نۇر وتان» حدپ جەرگىلىكتى فيليا­لىن­دا­ع­ى جۇزدەسۋدە زاڭداردى جەتىلدىرۋ, سى­بايلاس جەمقورلىققا قارسى كۇرەستى كۇشەيتۋ, جاڭا جۇمىس ورىندارىن اشۋ سەكىلدى وزەكتى ماسەلەلەر توڭىرەگىندە بايىپتى اڭگىمە قوز­عالدى. ال قوعامدىق قابىلداۋعا كەلگەن زا­عيپ­تار قوعامىنىڭ توراعاسى مينۆالي عابي­دەن ۇلى كوزىنەن, قۇلاعىنان, تىلىنەن اي­رىل­عان كەمتار جاندارعا مەملەكەتتىك جاردەماقى تاعايىندالعاندا بالالارى دا ۇمىت قالماسا دەگەن ءوتىنىش ايتسا, پەتەرفەلد اۋىلىنان ات باسىن تىرەگەن ايسۇلۋ ەسەنتەمىروۆا دەن­ساۋ­لىق ساقتاۋ سالاسىندا وزگەرىستەردىڭ جاسالىپ جاتقانىنا قاراماستان, قاجەتتى ءدارى-ءدار­مەك­تىڭ ءدارىحانالاردان تابىلا بەرمەيتىنىن قىن­جىلىسپەن جەتكىزدى. ول مۇگەدەك بالاسىمەن اۋرۋحاناعا ءجيى تۇسەتىنىن, جاتىن ورىن مەن تاماقتىڭ قىمباتتىلىعىنا, الداعى ۋاقىتتا اسىراۋىندا مۇگەدەك بالالارى بار انالار مەن وتباسىلار ءۇشىن زاڭعا جەڭىلدىكتەر قابىلداۋ قاجەتتىگىنە نازار اۋدارتتى. شال اقىن اۋدانىنىڭ تۇرعىنى مالىك­زا­دا اپاحانوۆ سوناۋ الىس جەردەن ءوز مۇڭىن اي­تا كەلىپتى. وسىدان بىرنەشە جىل بۇرىن يەسسىز تۇرعان ءۇيدى جوندەپ, جايلى قونىس ەتكەنىمەن ءالى كۇنگە دەيىن جارىق ماسەلەسى شەشىلمەي كەلەدى ەكەن. جەرگىلىكتى شەنەۋ­نىك­تەردىڭ ەسىگىن تالاي توزدىرىپتى. باسپانانى ءوز اتىنا ءرا­سىم­دەۋ ماسەلەسى دە تىعىرىققا تىرەلگەن كو­رى­نەدى. ءماجىلىس دەپۋتاتتارى قولدارىنان كەل­گەن­شە كومەكتەسۋگە ۋادە ەتتى. بۇل كۇنى قوعام­دىق قابىلداۋ ۇيىندە تىنىم بولعان جوق. الەۋ­مەتتىك كومەك, جالاقى, قۇقىقتىق ساۋات­تى­لىق, بىلىكتى ماماندار دايارلاۋ سەكىلدى تاقى­رىپتار توڭىرەگىندە دە كەلەلى پىكىرلەر الماسىلدى. وبلىستىق ەكونوميكالىق قىلمىس پەن سى­بايلاس جەمقورلىققا قارسى كۇرەس ءجونىن­دەگى دەپارتامەنتتىڭ جانە پروكۋراتۋرانىڭ جەكە قۇرامىمەن وتكەن كەزدەسۋلەر دە ءتيىمدى بولدى. ءومىر ەسقالي, سولتۇستىك قازاقستان وبلىسى.