ءسىز نە دەيسىز؟

«سىباعا» باعدارلاماسى قالاي جۇزەگە اسىرىلىپ جاتىر؟ ەلباسىنىڭ تاپسىرماسى بوي­ىنشا «سىباعا» باعدارلا­ما­­سى­نىڭ ومىرگە كەلگەنى بەلگىلى. ەت با­عىتىنداعى ءىرى قارا مالىن ءوسى­رۋگە تىكەلەي باعىت­تالعان بۇل باعدارلا­ما­نىڭ ەل ومىرىنە تيگىزەر پاي­داسى وراسان زور بول­ماق. قىزىلوردا وب­لىسى اتال­عان باع­دار­لا­ما­عا ەن­گەن ايماق­تاردىڭ بىرىنە جا­تادى. «سى­­­باعا» باع­دار­لا­ماسى سىر بوي­ىندا قالاي جۇزەگە اسىرىلىپ جاتىر؟ «ەگەمەن قازاقستاننىڭ» قىزىلوردا وبلىسى بويىنشا مەنشىكتى ءتىلشىسى ەرجان بايتىلەس «اۋىل شارۋاشىلىعىن قارجىلاي قولداۋ قورى» اق قىزىلوردا وبلىستىق فيليالىنىڭ ديرەكتورى ءمادي يبادۋللاەۆقا: – ءسىز بۇعان نە دەيسىز؟ – ەڭ الدىمەن, اتالعان باع­دار­لاماعا قىزىلوردا وبلى­سى­نىڭ سوڭىنان ەنگەنىن اي­تۋعا ءتيىسپىز. سوندىقتان وزگە وڭىرلەرگە قاراعاندا ءبىزدىڭ اي­ماققا بولىنگەن قارجىنىڭ جال­پى سوماسى ازداۋ بولدى. العاشىندا «سىباعا» باعدار­لاماسى بويىنشا ءبىزدىڭ قور تەك 7,5 ميلليون تەڭگەگە دەيىن عانا بەرەدى دەگەن شەشىم شىق­قان. ال ودان جوعارى قارجى اگرارلىق نەسيە كورپورا­تسيا­سى ارقىلى بەرىلۋگە ءتيىس بو­لاتىن. كەيىننەن ول شەشىم ءوز­گەرتىلىپ, اۋىل شارۋاشى­لى­عىن قارجىلاي قولداۋ قو­رى ارقىلى 18 ميلليون تەڭ­گە­گە دەي­ىن بەرۋگە رۇقسات ەتىلدى. ال نەسيەنىڭ بەرىلۋ ۋاقىتى 7 جىلدى قۇرايدى. باعدارلاما بويىنشا قى­زىلوردا وبلىسىندا 18 شارۋا قوجالىعى ءتيىستى قولداۋ تاپ­تى. بارلىعىنا قور ارقىلى 108 ميلليون تەڭگە بەرىلدى. اتالعان قارجىعا شارۋا قو­جالىقتارى 720 باس  سيىر مەن 14 ءوندىرۋشى بۇقا ساتىپ الۋعا ءتيىس. باعدارلامانىڭ باستى شارتى بويىنشا شارۋاشى­لىق­تار اسىل تۇقىمدى ءىرى قارا ساتىپ الۋعا ءتيىس ەدى. كەيىننەن ەنگەن وزگەرتۋلەرگە بايلانىس­تى انالىق سيىردىڭ اسىل تۇ­قىمدى بولۋى شارت بولماي قال­دى. ال ساتىپ الىناتىن بۇ­­قا­لار مىندەتتى تۇردە قازاق­تىڭ اق باس بۇقاسى بولۋى كەرەك. سە­بەبى, سيىر تۇقىمىن اس­ىل­دان­دىرىپ, ەت باعىتىنداعى مال باسىن ارتتىرۋ باستى مىندەت. العاشقىدا 7 شارۋاشى­لىق قور ارقىلى 500 باس سيىر ساتىپ الۋ جوسپارلانعان ەدى. ناتيجەسىندە 562 باس ءىرى قارا مالى الىناتىن بولدى. بۇل ەل اراسىندا «سىباعا» باعدارلا­ماسىنىڭ وڭ سيپات الىپ, ەلدىڭ قىزىعۋشىلىعىن تۋعىزعانى دە­گەن ءسوز. باعدارلامانىڭ باس­تى ەرەكشەلىگى, پايىزدىق ءمول­شە­رىنىڭ ازدىعى دەر ەدىك. دەگەنمەن, شارۋاشىلىقتار ال­عاش­قى ەكى جىلدا ەشقانداي قار­جى قايتارمايدى. ال ەكى جىلدا شا­رۋانى دوڭگەلەتىپ, مال با­سىن ءبىرشاما ارتتىرىپ الۋعا بولادى. ونىڭ ۇستىنە العاشقى تولدەرى دە جەتىلەدى. سون­دىق­تان مەملەكەت بەرگەن قارجىنى قايتارۋعا دا قينالمايدى. قىزىلوردا.