اۋىل تىرلىگىن تۇزەدى

ەلباسىنىڭ جىل سايىنعى جول­داۋ­لارىن توعىز جولدىڭ تورابىنا ور­نا­لاسقان قاراويلىقتار ەرەكشە ىنتامەن قابىلدايدى. بيىلعى قۇندى قۇجاتتا ەلدى مەكەندەردى الەۋمەتتىك جاڭعىرتۋ ماسەلەلەرىنە نازار اۋدارىلعانى بەلگىلى. وسى ورايدا ولار جۇمىسپەن قامتۋ­دىڭ جاڭا ستراتەگياسىن, تۇرعىن ءۇي-كوممۋنالدىق شارۋاشىلىقتى, حالىق­تى ساپالى اۋىز سۋمەن قامتۋ جايى ناقتىلانعانىن بىلگەندە شىن قۋانعان ەكەن. بۇل تەگىن بولماپتى. جاعىمدى جاڭالىق قاتارىندا ىلە اۋدانى قاراوي اۋىلىندا 50 جىلدان بەرى جوندەۋ كور­مەگەن سۋ جۇيەلەرى جاڭارتىلىپ, اۋىز سۋ ماسەلەسى تولىق شەشىمىن تابا­تىن­دىعى دا بار. – ەلىمىزدە تۇرعىن ءۇي-كوممۋنالدىق شارۋاشىلىعىن مودەرنيزاتسيالاۋدا كەڭ كولەمدى جۇمىستار باستالعانى بەلگىلى. باعدارلاما وڭىردە دە قولعا الىندى. بۇعان دەيىن اۋىل تۇرعىندارى ينۆەستيتسيا كۇتپەي-اق ارنايى جوسپار جاساپ, جۇمىس جۇرگىزگەن بولاتىن. قاراويلىقتار ءوز كۇشتەرىمەن اۋىلدىڭ تۇرعىن ءۇي-كوممۋنالدىق سالاسىن جەتىلدىرۋ ماقساتىندا جاڭا جوبانى ىسكە اسىرۋدى باستاپ كەتتى, – دەيدى اۋىلدىق وكرۋگ اكىمى ۆيكتور پوروتيكوۆ. ءارى-بەرى وتكەن سايىن وسى اۋىلداعى جۇمىستىڭ جۇيەلىلىگى نازارعا بىردەن ىلىنەدى. ورتالىقتاندىرىلعان گاز ءجۇ­يە­سى تارتىلىپ, جارىقتاندىرىلعان. اسفالت توسەلگەن. جاسىل جەلەكپەن كومكەرىلگەن كوشەلەرى اۋىلدىڭ كوركىن اشا تۇسۋدە. حالىقتىڭ تىرلىگى دە تۇزەل­گەن. وسى مەكەندەگى كوممۋنالدىق ءما­سە­لەلەردى شەشۋمەن قۇرىلعانىنا 15 جىل بولعان «قاراوي سۋ» وندىرىستىك كووپەراتيۆى اينالىسۋدا. وسىلايشا كووپەراتيۆ وسىنداعى ستراتەگيالىق ما­ڭىز­دى نىسان – سۋمەن قامتۋدى تولىق­تاي نازارعا العان. بۇگىندە ەلدى مەكەن تۇرعىندارىن سۋمەن قامتاماسىز ەتۋدە 4 ۇڭعىما جۇمىس ىستەسە, جاقىن ارادا تاعى بىرەۋىن ىسكە قوسۋ ءۇشىن جۇمىس قاربالاس جۇرگىزىلۋدە. اۋىل كەڭەيىپ, جاڭا ۇيلەر سالى­نىپ, جاڭا كوشەلەر بوي كوتەرىپ جاتىر. حالىق سانىنىڭ ۇزدىكسىز وسۋىنە وراي مەم­لەكەتتەن 380 ملن. تەڭگە قارجى ءبولى­نىپ, ەكى جىلدان بەرى جاڭا سكۆاجينالار ىسكە قوسىلىپ, باعدارلاما با­يىپ­تى جۇزەگە اسۋدا. ەندى از كۇندە سۋ قۇبىرى ىسكە قوسىلادى, دەيدى كووپە­را­تيۆ­تىڭ باس ينجەنەرى ەرنازار ءجالىم­بەكوۆ. جاقسى ءومىر, جايلى مەكەندى قالا­عان حالىققا بيلىك تە وسىلايشا جانا­شىرلىق كورسەتۋدە. اۋىل اكىمى, بەلسەندىلەر بىرلەسىپ, ايماقتىق مودەرنيزا­تسيا­لاۋ جوباسىن جۇزەگە اسىرۋعا وسى­لاي كىرىسىپ, اتقارىلاتىن جۇمىس جوسپارى دا قۇرىلعان. بۇگىنگى كۇنى قاراوي اۋىل­دىق وكرۋگىندە جاڭارتۋ جۇمىستارى جەدەل جۇرگىزىلىپ, جىل سايىن 600 مەتر سۋ جۇيەسىن اۋىستىرۋ كوزدەلسە, بولىنگەن قارجى ءتيىمدى پاي­دالانىلۋدا. توزىعى جەتكەن, جاڭارتۋدى قاجەت ەتەتىن 27 شاقىرىم سۋ جولى بار. مىنە, بيىلعى جىلى سۋ جۇيەلەرىن قالپىنا كەلتىرۋ باستالسا, 12 شاقىرىمعا جۋىق سۋ قۇبىرلارى اۋىستىرىلادى. اۋىز سۋمەن قاتار شارۋالاردىڭ ەگىس­تىك القاپتارىنا سۋ جەتكىزۋگە دە نازار اۋدارىلعان. سۋارمالى ەگىستىكتەردى ۇزدىكسىز سۋمەن قامتاماسىز ەتۋ ءۇشىن بيىل ارىق قازىلدى. كۇزدىك جانە جازدىق داقىلدار جايقالىپ تۇر. بۇعان شارۋالار دا ريزا. جاڭا كانالدىڭ قۇ­رى­لىس جۇمىستارى دا قارقىندى ءجۇرىپ جاتىر. كۇمىسجان بايجان, الماتى وبلىسى.