قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ قاۋلىسى №15

2011 جىلعى 28 اقپان,  الماتى قالاسى قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «قازاقستان رەسپۋبليكاسىندا بانكتەردى ماجبۇرلەپ تاراتۋ ەرەجەسىن بەكىتۋ تۋرالى» 2006 جىلعى 25 اقپانداعى № 40 قاۋلىسىنا وزگەرىستەر مەن تولىقتىرۋلار ەنگىزۋ تۋرالى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە يپوتەكالىق كرەديت بەرۋ جانە قارجىلىق قىزمەتتەردى تۇتىنۋ­شىلار مەن ينۆەستورلاردىڭ قۇقىقتارىن قورعاۋ ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» قازاقستان رەسپۋبلي­كاسىنىڭ 2011 جىلعى 10 اقپانداعى زاڭىن ىسكە اسىرۋ جانە قازاق­ستان رەسپۋبليكاسىندا ماجبۇرلەپ تاراتىلاتىن بانكتەردىڭ تاراتۋ كوميسسيالارىنىڭ قىزمەتىن رەتتەيتىن نورماتيۆتىك قۇقىقتىق اكتىلەردى جەتىلدىرۋ ماقساتىندا قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ (بۇدان ءارى – اگەنتتىك) باسقارماسى قاۋلى ەتەدى: 1. اگەنتتىك باسقارماسىنىڭ «قازاقستان رەسپۋبليكاسىندا بانكتەردى ماجبۇرلەپ تاراتۋ ەرەجەسىن بەكىتۋ تۋرالى» 2006 جىلعى 25 اقپانداعى № 40 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4181 تىركەلگەن, 2006 جىلعى ماۋسىمداعى №9-10 قازاق­ستان رەس­پۋبليكاسىنىڭ ورتالىق اتقارۋ جانە وزگە مەملەكەتتىك ورگان­دارىنىڭ نورماتيۆتىك قۇقىقتىق اكتىلەرىنىڭ بيۋللەتەنىندە جاريا­لانعان) قاۋلى­سىنا مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىندا بانكتەردى ەرىكسىز تاراتۋ ەرەجەسىندە: 4-تارماق مىناداي رەداكتسيادا جازىلسىن: «4. وسى ەرەجەنى پايدالانۋ ماقساتىندا مىناداي ۇعىمدار قولدانىلادى: 1) بانك كرەديتورى - تاراتىلاتىن بانككە ونىڭ ازاماتتىق-قۇقىقتىق جانە باسقا دا مىندەتتەمەلەرىنەن تۋىندايتىن م ۇلىكتىك تالاپتارى بار تۇلعا; 2) باستاپقى باعا – ءاربىر لوت بويىنشا ساۋدا-ساتتىق باستالاتىن جانە «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ زاڭىنا سايكەس باعالاۋشى انىقتاعان لوتتىڭ قۇنىنان تومەن ەمەس بولىپ بەلگىلەنەتىن باعا; 3) باس وفيس – تاراتۋ كوميسسياسىنىڭ توراعاسى جەدەل-باسقارۋ جانە وسى ەرەجەدە كوزدەلگەن وزگە دە فۋنكتسيالاردى جۇزەگە اسىراتىن وفيس; 4) ەڭ تومەنگى باعا - بۇدان تومەن باعامەن لوت ساتىلۋى مۇمكىن ەمەس باعا; 5) كەپىلدىك بەرۋ جونىندەگى ۇيىم - ەكىنشى دەڭگەيدەگى بانكتەردەگى دەپوزيتتەرگە مىندەتتى كەپىلدىك بەرۋدى جۇزەگە اسىراتىن ارنايى قۇرىلعان كوممەرتسيالىق ەمەس ۇيىم; 6) كرەديتورلار كوميتەتى - كرەديتورلاردىڭ مۇددەلەرىن قام­تاماسىز ەتۋ جانە ولاردىڭ قاتىسۋىمەن شەشىمدەر قابىلداۋ ماقسا­تىندا تاراتىلاتىن بانكتىڭ كرەديتورلارىنان قۇرىلاتىن ورگان; 7) كرەديتورلار ساناتى - ءبىر جاقتى سيپاتى بار تالاپتارى بار جانە بانكتەر تۋرالى زاڭنىڭ 74-2-بابىمەن كوزدەلگەن بەلگىلى ءبىر كەزەكتىلىك اياسىندا قاناعاتتاندىرىلاتىن كرەديتورلار توبى; 8) كرەديتورلار تالاپتارىنىڭ ءتىزىلىمى - ۋاكىلەتتى ورگان بەكىتكەن, كرەديتورلاردىڭ بەلگىلەنگەن مەرزىمدە قويعان جانە تاراتۋ كوميس­سياسى تانىعان تالاپتارىن, سونداي-اق ەرىكسىز تاراتىلاتىن بانككە ۇسىنىلعان ەسەپ ايىرىسۋعا سايكەس اقشا سوماسى كولەمىندە وتەماقى تولەۋ بويىنشا كەپىلدىك بەرۋ جونىندەگى ۇيىمنىڭ مىندەتتەمەلەردى ورىنداۋ جونىندەگى بولاشاق تالاپتارىن كورسەتەتىن قۇجات; 9) كۇتپەگەن شىعىستار - مولشەرى ءجۇز ايلىق ەسەپتىك كورسەتكىشتەن اسپاۋى ءتيىس كىدىرتۋگە بولمايتىن قاجەتتىلىككە ارنالعان تاراتۋ كوميسسياسىنىڭ جوسپارلانباعان شىعىندارى; 10) قاتىسۋشى بانك - بانكتى ەرىكسىز تاراتۋ تۋرالى سوت شەشىمىنىڭ زاڭ كۇشىنە ەنۋ ساتىنە دەپوزيتتەرگە مىندەتتى كەپىلدىك بەرۋ جۇيەسىنىڭ قاتىسۋشىسى بولعان تاراتىلاتىن بانك; 11) قۇندىلىقتار - قازاقستان رەسپۋبليكاسىنىڭ ۆاليۋتالىق قۇندىلىقتارى, بانكنوتتارى مەن مونەتالارى, باعالى قاعازدار, قاتاڭ ەسەپتەگى بلانكتەر جانە باعالى زاتتار; 12) لوت - بىرلىكتى ساتۋ ءۇشىن بولىنبەيتىن بولىپ اجىراتىلعان اۋكتسيونعا قويىلعان م ۇلىك; 13) مەرزىمدى ءباسپاسوز باسىلىمى - تۇراقتى اتاۋى, اعىمداعى ءنومىرى بار جانە كەمىندە ءۇش ايدا ءبىر رەت شىعارىلاتىن گازەت, جۋرنال, الماناح, بيۋللەتەن, ولاردىڭ قوسىمشاسى; 14) ساتۋ باعاسى - ساۋدا-ساتتىق ناتيجەسىندە بەلگىلەنگەن لوتتىڭ تۇپكىلىكتى باعاسى, ال م ۇلىكتى ساۋدا-ساتتىقتى وتكىزبەي ساتقان جاع­دايدا – كرەديتورلار كوميتەتى (كرەديتورلار كوميتەتى بولماعان جاعداي­دا تاراتۋ كوميسسياسىنىڭ توراعاسى) بەلگىلەگەن م ۇلىكتىڭ تۇپكىلىكتى باعاسى; 15) ساتۋ وبەكتىسى - جەكە (دەربەس) بىرلىك رەتىندە ساۋدا-ساتتىققا قويىلعان تاراتىلاتىن بانكتىڭ مۇلكى نەمەسە بىرنەشە بىرلىكتەن ءبىر لوتقا شوعىرلانعان وزگە م ۇلىك; 16) ساتۋشى - تاراتىلاتىن بانكتىڭ تاراتۋ كوميسسياسى; 17) ساتىپ الۋشى - ساتۋشىمەن ساتىپ الۋ-ساتۋ شارتىن جاساعان ساۋدا-ساتتىق جەڭىمپازى; 18) ساۋدا-ساتتىق جەڭىمپازى - ساۋدا-ساتتىقتاعى لوتقا بارىنشا جوعارى باعا ۇسىنعان قاتىسۋشى; 19) ساۋدا-ساتتىقتى ۇيىمداستىرۋشى - تاراتىلاتىن بانكتىڭ تاراتۋ كوميسسياسى نەمەسە تاراتۋ كوميسسياسىمەن ساۋدا-ساتتىق جۇرگىزۋ جونىندەگى قىزمەت كورسەتۋ تۋرالى شارت جاساعان جانە ونىڭ ناتيجەلەرىنە مۇددەلى ەمەس زاڭدى نە جەكە تۇلعا; 20) ساۋدا-ساتتىق قاتىسۋشىسى - ساۋدا-ساتتىققا قاتىسۋ تۋرالى ءوتىنىشتى ساۋدا-ساتتىق ۇيىمداستىرۋشىسى بەلگىلەگەن تارتىپپەن بەرگەن جانە ونىڭ قاتىسۋشىسى رەتىندە ساۋدا-ساتتىق ۇيىمداس­تىرۋشىسى تىركەگەن جەكە نەمەسە زاڭدى تۇلعا; 21) ساۋدا-ساتتىقتىڭ اعىلشىندىق ءادىسى - لوتتىڭ باستاما باعاسى لوتقا ەڭ جوعارى باعا ۇسىنعان قاتىسۋشىلاردىڭ بىرەۋى قالعان كەزگە دەيىن الدىن الا مالىمدەلگەن قاداممەن كوتەرىلەتىن ساۋدا-ساتتىق ءادىسى; 22) ساۋدا-ساتتىقتىڭ گوللاندتىق ءادىسى - لوتتىڭ باستاما باعاسى قاتىسۋشىلاردىڭ بىرەۋى مالىمدەلگەن باعا بويىنشا لوت ساتىپ الۋعا كەلىسكەن كەزگە دەيىن الدىن الا مالىمدەلگەن قاداممەن تومەندەيتىن ساۋدا-ساتتىق ءادىسى; 23) تاراتۋ كوميسسياسى - بانكتى ەرىكسىز تاراتۋ تۋرالى شەشىم قابىلدانعان جاعدايدا ۋاكىلەتتى ورگان تاعايىندايتىن (بوسا­تاتىن), بانك ءىسىن اياقتاۋ جانە ونىڭ كرەديتورلارىمەن ەسەپ ايى­رىسۋدى قامتاماسىز ەتۋ ماقساتىندا تاراتۋ ءراسىمى بارىسىندا بانك­تىڭ مۇلكى مەن ىستەرىن باسقارۋ جونىندەگى وكىلەتتىكتەردى تاراتۋ كوميسسيا توراعاسىنىڭ تىكەلەي باسشىلىعىمەن جۇزەگە اسىراتىن ورگان; 24) تاراتۋ كوميسسياسىنىڭ شىعىستارى - بانكتى ەرىكسىز تاراتۋ پروتسەسىندە تاۋارلاردى, جۇمىستى جانە قىزمەت كورسەتۋدى تۇتىنۋعا بايلانىستى شىعىندار (بۇدان ءارى - تاراتۋ شىعىستارى); 25) تاراتۋ, كونكۋرستىق ماسسا - تاراتىلاتىن بانكتىڭ بانك ءىسىن اياقتاۋعا جانە ونىڭ كرەديتورلارىمەن ەسەپ ايىرىسۋدى قامتا­ماسىز ەتۋگە ارنالعان اكتيۆتەرى; 26) تاراتۋ ماسساسىنىڭ ماقساتسىز شىعىسى - ۋاكىلەتتى ورگانمەن كەلىسىلگەن نەمەسە كرەديتورلار كوميتەتى بەكىتكەن تاراتۋ شىعىستارى سمەتاسىندا كوزدەلمەگەن شىعىنداردى جۇزەگە اسىرۋ; 27) تاراتۋ شىعىستارىنىڭ سمەتاسى – كرەديتورلار كوميتەتى نەمەسە تاراتۋ كوميسسياسىنىڭ توراعاسى ۋاكiلەتتi ورگانمەن كەلىسە وتىرىپ بەكىتەتىن, تاراتۋ كوميسسياسىنىڭ بەلگiلi ءبىر ۋاقىت كەزەڭىنە بولجاپ وتىرعان شىعىنداردى كورسەتەتىن قۇجات; 28) تاراتۋ ءىسى - بانك ءىسىن اياقتاۋ جانە ونىڭ كرەديتورلارىمەن ەسەپ ايىرىسۋدى قامتاماسىز ەتۋ ماقساتىندا جۇزەگە اسىرىلاتىن بانكتىڭ زاڭدى تۇلعا رەتىندەگى قىزمەتىن توقتاتۋ ءراسىمى; 29) تاراتىلاتىن بانك - سوت شەشىمىنىڭ زاڭ كۇشىنە ەنۋىنە بايلانىستى ەرىكسىز تاراتۋ پروتسەسىندە بولىپ تابىلۋشى بانك; 30) تاراتىلاتىن بانكتىڭ مۇلكى - قۇندى باعاسى بار جانە تاراتۋ, كونكۋرستىق ماسساعا ەنگەن م ۇلىكتىك يگىلىكتەر مەن قۇقىقتار جيىنتىعى; 31) ۋاقىتشا اكىمشىلىك (ۋاقىتشا اكىمشىلىك باسقارۋشىسى) - بانك مۇلكىنىڭ ساقتالۋىن قامتاماسىز ەتۋ جانە بانكتى باسقارۋدى قامتاماسىز ەتۋ جونىندەگى ءىس-شارالاردى ورىنداۋ ءۇشىن بانك وپەرا­تسيالارىن جۇرگىزۋگە ليتسەنزيالاردى قايتارىپ الۋ تۋرالى شەشىم قابىلدانعان كۇننەن باستاپ تاراتۋ كوميسسياسىن ۋاكىلەتتى ورگان تاعايىنداعانعا دەيىنگى كەزەڭگە ۋاكىلەتتى ورگان تاعايىندايتىن ورگان (تۇلعا); 32) ۋاكىلەتتى ورگان - قارجى رىنوگىن جانە قارجى ۇيىمدارىن رەتتەۋ مەن قاداعالاۋدى جۇزەگە اسىراتىن مەملەكەتتىك ورگان.»; 7-تارماقتا: 5) تارماقشا مىناداي رەداكتسيادا جازىلسىن: «5) كرەديتورلاردىڭ, سالىق قىزمەتى ورگاندارىنىڭ تالاپتارى بويىنشا, ونىڭ ىشىندە داۋسىز (اكتسەپسىز) تارتىپتە قاناعات­تان­دىرىلۋى ءتيىس تاراتىلاتىن بانكتىڭ بانك شوتتارىنان اقشا ءوندىرىپ الۋعا, سونداي-اق تاراتىلاتىن بانكتىڭ مۇلكىن ءوندىرىپ الۋعا جول بەرىلمەيدى;»; مىناداي مازمۇنداعى 5-1) تارماقشامەن تولىقتىرىلسىن: «5-1) تاراتىلاتىن بانكتىڭ لاۋازىمدى تۇلعالارىنا ولاردىڭ يەلىگىندەگى اكتسيالاردى يەلىكتەن شىعارۋعا تىيىم سالىنادى;»; 7) تارماقشاداعى «م ۇلىكتىك سيپاتتاعى بارلىق تالاپتار» دەگەن سوزدەر «تالاپتار» دەگەن سوزبەن اۋىستىرىلسىن; 8) تارماقشا مىناداي مازمۇنداعى ەكىنشى سويلەممەن تولىق­تىرىلسىن: «تاراتىلاتىن بانككە قاتىستى الدىندا قابىلدانعان سوتتاردىڭ شەشىمدەرىن ورىنداۋ توقتاتىلادى.»; 9-تارماقتىڭ ەكىنشى بولىگى مىناداي رەداكتسيادا جازىلسىن: «تاراتۋ كوميسسياسى ءبىر ايدان اسپايتىن مەرزىمدە ۋاقىتشا اكىم­شىلىكتەن (ۋاقىتشا باسقارۋشىدان) قابىلداۋ-وتكىزۋ اكتىسى بويىن­شا تاراتىلاتىن بانكتىڭ مۇلكى مەن قۇجاتتارىن قابىلدايدى.»; مىناداي مازمۇنداعى 9-1-تارماقپەن تولىقتىرىلسىن: «9-1. بانكتە فيليالدارى نە وكىلدىكتەرى بولعان جاعدايدا بانكتى تاراتۋ بانكتىڭ فيليالى نە وكىلدىگى ورنالاسقان جەردە قۇرىلاتىن تاراتۋ كوميسسياسىنىڭ بولىمشەسىمەن (بۇدان ءارى – بولىمشە) بىرلەسىپ جۇرگىزىلەدى.»; 10-تارماق مىناداي رەداكتسيادا جازىلسىن: «10. تاراتۋ كوميسسياسى تاراتىلاتىن بانكتىڭ اتىنان ءىس-ارەكەت ەتەدى جانە ءوز قۇزىرەتىنە كىرەتىن ماسەلەلەر بويىنشا شەشىم قابىلداۋ كەزىندە دەربەس بولادى. بانكتىڭ تاراتۋ كوميسسياسى بانكتى تاراتۋ راسىمدەرىن تاراتۋ كوميسسياسىنىڭ توراعاسى بەكىتكەن جۇمىس جوسپارىنا سايكەس جۇزەگە اسىرادى. بولىمشەلەر جۇمىس جوسپارىن تاراتۋ كوميسسياسى تاعايىن­دالعان كۇننەن باستاپ وتىز جۇمىس كۇنى ىشىندە تاراتىلاتىن بانكتىڭ باس وفيسىنە جىبەرەدى. جيىنتىق جۇمىس جوسپارى تاراتىلاتىن بانكتىڭ باس وفيسىمەن جارتى جىلعا ءبولۋ ارقىلى (بولىمشىلەر ۇسىنعان جۇمىس جوسپار­لارىن ەسكەرە وتىرىپ) ءبىر جىلعا جاسالادى جانە تاراتۋ كوميسسياسى تاعايىندالعان كۇننەن باستاپ قىرىق بەس جۇمىس كۇنى ىشىندە ۋاكىلەتتى ورگانعا مالىمەت ءۇشىن بەرىلەدى. جىل سايىنعى جۇمىس جوسپارلارى تاراتىلاتىن كوميس­سيا­سى­نىڭ باس وفيسىمەن جوسپارلانىپ وتىرعان كەزەڭنىڭ الدىنداعى اي­دىڭ ونىنان كەشىكتىرمەي ۋاكىلەتتى ورگانعا مالىمەت ءۇشىن بەرىلەدى. جۇمىس جوسپارىن ورىنداۋ تۋرالى اقپارات تاراتىلاتىن بانكتىڭ باس وفيسىمەن ۋاكىلەتتى ورگانعا جارتى جىلدىڭ جيىنتىعى بويىنشا بەرىلەدى.»; مىناداي مازمۇنداعى 12-1-تارماقپەن تولىقتىرىلسىن: «12-1. بانكتىڭ تاراتۋ كوميسسياسىنىڭ توراعاسى تاراتۋ كوميسسياسىنىڭ ءتيىمدى جۇمىس ىستەۋى, سونداي-اق وكىلەتتىكتەر مەن فۋنكتسيونالدىق مىندەتتەمەلەردى ناقتىلاۋ ماقساتىندا ول تا­عايىن­دالعان كۇننەن باستاپ جەتى جۇمىس كۇنىنەن كەش ەمەس مەرزىمدە تاراتۋ كوميسسياسى توراعاسىنىڭ جانە توراعا ورىنباسارىنىڭ اراسىنداعى مىندەتتەردى ءبولۋ تۋرالى بۇيرىق شىعارادى.»; 16-تارماقتىڭ ەكىنشى سويلەمى «قىزمەت كورسەتۋ شارتىندا» دەگەن سوزدەردەن كەيىن «, سونداي-اق تاراتۋ كوميسسياسىنىڭ ءتور­اعاسىمەن بەكىتىلەتىن ءار قىزمەتكەردىڭ لاۋازىمدىق نۇسقاۋلى­عىندا» دەگەن سوزدەرمەن تولىقتىرىلسىن; 19-تارماقتا: مىناداي مازمۇنداعى 1-1) تارماقشامەن تولىقتىرىلسىن: «1-1) تاراتۋ كوميسسياسى تاعايىندالعان كۇننەن باستاپ ءبىر جۇمىس كۇنىنەن كەشىكتىرىلمەيتىن مەرزىمدە تاراتىلاتىن بانكتىڭ بانك شوتتارى بار ەكىنشى دەڭگەيدەگى بانكتەرگە ءبىرىنشى جانە ەكىنشى قولدارىنىڭ ۇلگىلەرى مەن ءمور تاڭباسى بار قۇجاتتاردى ۇسىنادى;»; 2) تارماقشا «كرەديتتىك بيۋرولارعا» دەگەن سوزدەردەن كەيىن «, قور بيرجاسىنا» دەگەن سوزدەرمەن تولىقتىرىلسىن; 23) تارماقشا مىناداي رەداكتسيادا جازىلسىن: «23) بانكتى تاراتۋ ءىسىنىڭ بارىسى تۋرالى اقپاراتتى قازاقستان رەسپۋبليكاسىنىڭ بارلىق اۋماعىندا تارالاتىن مەرزىمدىك باسپا باسىلىمدارىندا مەملەكەتتىك جانە ورىس تىلدەرىندە ەسەپتى جىلدان كەيىنگى جىلدىڭ 1 ء(بىرىنشى) اقپانىنان كەشىكتىرىلمەيتىن مەرزىمدە جىلدىڭ قورىتىندىسى بويىنشا جاريالايدى;»; 23-تارماقتىڭ ءتورتىنشى بولىگىندەگى «ەكى» دەگەن ءسوز «ءۇش» دەگەن سوزبەن اۋىستىرىلسىن; 27-تارماق الىپ تاستالسىن; 30-تارماق مىناداي رەداكتسيادا جازىلسىن: «30. ءار كۇنتىزبەلىك جىلدىڭ قورىتىندىسى بويىنشا كرەديتور­لار كوميتەتىنە ۋاكىلەتتى ورگاننىڭ, كەپىلدىك بەرۋ جونىندەگى ۇيىم­نىڭ تاراتۋ كوميسسياسىنىڭ قۇرامىنا ەنگىزىلگەن قىزمەت­كەرلەرىن قوسپاعاندا, تاراتۋ كوميسسياسىنىڭ توراعاسى مەن (نەمەسە) مۇشەلەرىنە, سونداي-اق تارتىلعان قىزمەتكەرلەرگە ولاردىڭ قىزمەت ناتيجەلەرى بويىنشا قوسىمشا تولەمدەردى بەكىتۋگە رۇقسات بەرىلەدى. قوسىمشا تولەمدەردى جۇزەگە اسىرۋ تۋرالى شەشىم قابىل­دانعان تۇلعالارعا قاتىستى قوسىمشا تولەمدەردىڭ جالپى سوماسى كرەدي­تورلاردىڭ تالاپتارىن قاناعاتتاندىرۋ ءۇشىن ناقتى بەرىلگەن سوماسىنىڭ 0,5 پايىزىنان اسپايتىن مولشەردە بەكىتىلەدى.»; 33-تارماقتىڭ 2) تارماقشاسى «قىزمەتتەر» دەگەن سوزدەن كەيىن «, ينتەرنەت جەلىسىن پايدالانعانى ءۇشىن شىعىستار» دەگەن سوزدەرمەن تولىقتىرىلسىن; 36-تارماق مىناداي مازمۇنداعى ءۇشىنشى بولىكپەن تولىق­تىرىلسىن: «تاراتۋ كوميسسياسىنىڭ قۇرامىنا ەنگىزىلگەن ۋاكىلەتتى ورگان قىزمەتكەرلەرىنىڭ ىسساپارعا شىعۋ شىعىستارى ۋاكىلەتتى ورگاننىڭ قاراجات ەسەبىنەن جۇزەگە اسىرىلادى.»; 43-تارماق «سمەتاسىن» دەگەن سوزدەن كەيىن «, وعان قوسا بەرىلگەن تۇسىندىرمە جازباسىن» دەگەن سوزدەرمەن تولىقتىرىلسىن; مىناداي مازمۇنداعى 44-1, 44-2-تارماقتارمەن تولىقتىرىلسىن: «44-1. ۋاكىلەتتى ورگانمەن كەلىسىلگەن نەمەسە كرەديتورلار كوميتەتىمەن بەكىتىلگەن تاراتۋ شىعىستارىنىڭ سمەتاسى وتكەن كەزەڭدە جۇزەگە اسىرىلماعان جاعدايدا جانە ونى جوسپارلانعان كەزەڭ­دە جۇزەگە اسىرۋ قاجەتتىلىگى بار بولعاندا, كورسەتىلگەن شىعىستار جوسپارلانعان كەزەڭنىڭ تاراتۋ شىعىستارىنىڭ سمەتا­سىنا ەنگىزىلۋگە جاتادى. 44-2. تاراتۋ شىعىستارىنىڭ سمەتاسىن ۋاكىلەتتى ورگانمەن كەلىسۋگە دەيىن مىناداي شىعىندار باپتارى بويىنشا: 1) بانكتى ماجبۇرلەپ تاراتۋ تۋرالى حابارلامالاردى جاريالاۋ جونىندەگى قىزمەت; 2) بايلانىس قىزمەتىنە (تەلەكوممۋنيكاتسيالىق شىعىستار, تەلەفوندى, تەلەگرافتى پايدالانعانى ءۇشىن ابونەنتتىك تولەم, قالاارالىق جانە حالىقارالىق سويلەسۋلەر جونىندەگى شىعىستار, پوچتا مەن انىقتامالىق قىزمەتتەر, ينتەرنەت جەلىسىن پايدا­لان­عانى ءۇشىن شىعىستار); 3) كوممۋنالدىق قىزمەت; 4) ءبىرىنشى جانە ەكىنشى قولدارىنىڭ ۇلگىلەرى مەن ءمور تاڭباسى بار قۇجاتتاردى نوتاريالدىق كۋالاندىرۋ بويىنشا قىزمەت; 5) ءۇي-جايدى جالداۋ قىزمەتى, تاراتۋ كوميسسياسىنا ءبىرىنشى كەزەكتى ءىس-شارالاردى جۇرگىزۋگە بايلانىستى شىعىستاردى جۇزەگە اسىرۋعا رۇقسات بەرىلەدى.»; 57-تارماقتىڭ ءبىرىنشى بولىگىندەگى «جالپى سوماسى ءبىر كۇن ىشىندە كاسسالىق كىرىس جۋرنالىندا» دەگەن سوزدەر «كىرىس جونىندەگى كاسسا كىتابىندا» دەگەن سوزدەرمەن اۋىستىرىلسىن; 65-تارماق «(ەسەپ ايىرىسۋ-تولەم)» دەگەن سوزدەردەن كەيىن «نە سوما قىزمەتكەردىڭ بانك شوتىنا اۋدارۋ جولىمەن» دەگەن سوزدەرمەن تولىقتىرىلسىن; 82-تارماق مىناداي رەداكتسيادا جازىلسىن: «82. تاراتۋ كوميسسياسى تاعايىندالعان كۇننەن باستاپ ءبىر ايدان استام مەرزىمدە تاراتىلاتىن بانكتىڭ م ۇلىكتەرىن (اكتيۆتەرىن), جەكە شوتتارىن, كرەديتتىك جانە باسقا دا شارتتارىن تۇگەندەۋدى جۇرگىزەدى, سونداي-اق تاراتىلاتىن بانك قىزمەتكەرلەرىنىڭ قاتىسۋى­مەن بارلىق بالانستىق شوتتار مەن مەموراندۋم شوتتارىن سالىس­تىرىپ تەكسەرەدى. تۇگەندەۋ قورىتىندىسى بويىنشا اكت جاسالادى. كەلەشەكتە بۋحگالتەرلىك ەسەپ دەرەكتەرىنىڭ دۇرىستىعىن قام­تاماسىز ەتۋ ماقساتىندا تاراتۋ كوميسسياسى جىلىنا ءبىر رەتتەن كەم ەمەس, سونداي-اق تاراتۋ كوميسسياسىنىڭ توراعاسى اۋىسقان جاعدايدا تۇگەندەۋدى جۇرگىزەدى.»; 84-تارماق مىناداي رەداكتسيادا جازىلسىن: «84. تاراتىلاتىن بانكتىڭ تۇگەندەۋ جولىمەن انىقتالعان بار­لىق اكتيۆتەرى ەگەر قازاقستان رەسپۋبليكاسىنىڭ زاڭنامالىق اكتىلەرىندە وزگەشە كوزدەلمەسە, تاراتۋ ماسساسىنا قوسۋعا جاتقى­زىلادى. تاراتۋدىڭ باسىندا بانكتىڭ بالانسىنا ەنگىزىلمەگەن جانە تۇگەندەۋ بارىسىندا انىقتالعان اكتيۆتەر تاراتىلاتىن بانكتىڭ ارالىق تاراتۋ بالانسىندا كورسەتىلۋى ءتيىس. وسى ەرەجەنىڭ 82-تارماعىنىڭ ءبىرىنشى بولىگىنە سايكەس جۇرگى­زىلگەن تۇگەندەۋ بارىسىندا انىقتالعان م ۇلىكتىڭ كەم شىعۋى ارالىق تاراتۋ بالانسىنا ەنگىزىلەدى جانە جەكە شوتتا ەسكەرىلەدى.»; 86-تارماقتا: «جۇزەگە اسىرىلۋى ءتيىس» دەگەن سوزدەر «جۇزەگە اسىرىلادى» دەگەن سوزدەرمەن اۋىستىرىلسىن; «بەرۋ» دەگەن سوزدەن كەيىن «كرەديتورلار كوميتەتىمەن كەلىسۋ بويىنشا» دەگەن سوزدەرمەن تولىقتىرىلسىن; 94-تارماق مىناداي رەداكتسيادا جازىلسىن: «94. تاراتۋ كوميسسياسى زاڭدى نەمەسە جەكە تۇلعانىڭ تالاپ­تارىن (وتىنىشتەرىن) قاراۋ كەزىندە كورسەتىلىپ وتىرعان تالاپتىڭ زاڭدىلىعىن جانە ونىڭ نەگىزدىلىگىن تەكسەرەدى.»; 96-تارماق مىناداي رەداكتسيادا جازىلسىن: «96. تالاپ ء(وتىنىش) تولىق نەمەسە ءىشىنارا قابىلدانباعان جاعدايدا ءوتىنىش بەرۋشىنىڭ تالابى ء(وتىنىشى), سونداي-اق ءوتىنىش بەرۋ­­شىنىڭ تالابىنىڭ ء(وتىنىشىنىڭ) قابىلدانباۋىن نەگىزدەگەن قۇجاتتار ءوتىنىش يەسىندە بولماعان جاعدايدا قايتارىپ بەرىلەدى. كرەديتور راستايتىن قۇجاتتاردى بەرمەگەنىنە بايلانىستى تاراتۋ كوميسسياسى تالاپتى ء(وتىنىشتى) قابىلداماۋى كرەديتوردىڭ تاراتۋ كوميسسياسىنا تالاپتار (وتىنىشتەر) قابىلداۋ ءۇشىن بەلگىلەنگەن مەرزىم شەگىندى تالاپ ەتىلگەن قۇجاتتاردى قوسا بەرىپ, تالابىن ء(وتىنىشىن) قايتا بەرۋگە كەدەرگى جاسامايدى.»; 106-تارماقتىڭ ءبىرىنشى سويلەمىندە: «ون جۇمىس كۇنى» دەگەن سوزدەر «ءبىر اي» دەگەن سوزدەرمەن اۋىستىرىلسىن; «دەرەۋ» دەگەن ءسوز «ەكى جۇمىس كۇنى ىشىندە» دەگەن سوزدەرمەن اۋىستىرىلسىن; 107-تارماقتا: ءبىرىنشى بولىك مىناداي رەداكتسيادا جازىلسىن: «107. كرەديتورلار كوميتەتىنىڭ قۇرامىنا بانكتەر تۋرالى زاڭنىڭ 74-2-بابىندا كوزدەلگەن كرەديتورلاردىڭ ءار ساناتىنان ءبىر وكىل بويىنشا كرەديتورلاردىڭ تالاپ ەتۋ تىزىلىمىنە ەنگىزىلگەن تالاپتاردىڭ بارىنشا كوپ سوماسى بار كرەديتور, سونداي-اق دەپوزيتتەر, ونىڭ ىشىندە تاراتىلاتىن يسلام بانكىندە ورنالاس­تىرىلعان تالاپ ەتۋگە دەيىنگى پايىزسىز دەپوزيتتەر جانە اقشا اۋدا­رىمى بويىن­شا تاراتىلاتىن بانككە تالابى بار, وسى ەرەجەنىڭ 107-1-تارما­عىندا كوزدەلگەن تارتىپتە سايلاناتىن ءتورتىن­شى كەزەكتەگى كرەديتورلار ساناتىنان ەكىدەن كوپ ەمەس وكىلى - جەكە تۇلعالار (بۇدان ءارى – جەكە تۇلعا - سالىمشىلار) كىرەدى.»; ءتورتىنشى بولىك الىپ تاستالسىن; مىناداي مازمۇنداعى 107-1-تارماقپەن تولىقتىرىلسىن: «107-1. بانكتىڭ تاراتۋ كوميسسياسى جەكە تۇلعا – سالىم­شىلاردان وكىلدى (وكىلدەردى) تاڭداۋ ءۇشىن ارالىق تاراتۋ بالانسى مەن كرەديتورلار تالاپتارىنىڭ ءتىزىلىمى بەكىتىلگەن كۇننەن باستاپ ءۇش جۇمىس كۇنى ىشىندە قازاقستان رەسپۋبليكاسىنىڭ بارلىق اۋماعىندا تارالاتىن مەرزىمدىك باسپا باسىلىمدارىندا مەملەكەتتىك جانە ورىس تىلدەرىندە تاراتۋ كوميسسياسىنىڭ تاراتىلاتىن بانك­تىڭ كرەديتورلار كوميتەتىنىڭ قۇرامىن قۇرۋ جونىندەگى جۇمىستاردى جۇرگىزۋ جانە تاراتىلاتىن بانكتىڭ كرەديتورلار كومي­تەتىنىڭ قۇرامىنا جەكە تۇلعا – سالىمشىلاردان (بۇدان ءارى – كانديداتتار) ءوتىنىش قابىلداۋ تۋرالى حابارلامانى, ءوتىنىشتى قابىلداۋ مەرزىمى مەن ورنىن كورسەتە وتىرىپ جاريالايدى. بۇل رەتتە, حابارلامادا كانديداتتارعا قويىلاتىن مىناداي تالاپتار كوزدەلەدى: 1) كانديدات جەكە تۇلعا – سالىمشى بولۋى ءتيىس; 2) كانديدات بانكتىڭ كرەديتورلار كوميتەتىنىڭ ماجىلىستەرىنە ءوزى قاتىسۋى ءتيىس. تاراتۋ كوميسسياسى كانديداتتاردىڭ وتىنىشتەرىن قابىلداۋ مەرزىمى وتكەننەن كەيىن قازاقستان رەسپۋبليكاسىنىڭ بارلىق اۋما­عىندا تارالاتىن مەرزىمدىك باسپا باسىلىمدارىندا مەملەكەتتىك جانە ورىس تىلدەرىندە بانكتىڭ كرەديتورلار كوميتەتىنىڭ قۇرامىنا جەكە تۇلعا – سالىمشىلاردىڭ وكىلىن تاڭداۋدى جۇرگىزۋ تۋرالى حابارلاما جاريالايدى. تاڭداۋ جەكە تۇلعا – سالىمشىنىڭ ءوز ەركىمەن حابارلامادا جاريالانعان مەرزىمدە جانە جەردە جۇزەگە اسىرىلادى. تاراتىلاتىن بانكتىڭ كرەديتورلار كوميتەتىنىڭ قۇرامىنا داۋىس بەرۋگە كەلگەن جەكە تۇلعا – سالىمشىلار اراسىنان ەڭ كوپ داۋىس سانىن جيناپ العان كانديدات (كانديداتتار) كىرەدى.»; 109-تارماق مىناداي رەداكتسيادا جازىلسىن: «109. تاراتۋ كوميسسياسى كرەديتورلار كوميتەتىنىڭ ءبىرىنشى ءماجىلىسىنىڭ وتكىزىلۋ كۇنىنە دەيىن ءۇش جۇمىس كۇنىنەن كەشىكتىرمەي كرەديتورلار كوميتەتىنىڭ بارلىق مۇشەلەرىن كوميتەتتىڭ ءبىرىنشى ءماجىلىسى وتكىزەتىن ورىن مەن كۇنى تۋرالى جازباشا حاباردار ەتەدى. كرەديتورلار كوميتەتىنىڭ ءبىرىنشى ءماجىلىسى كرەديتورلار كومي­تەتىنىڭ قۇرامى بەكىتىلگەن كۇننەن باستاپ ون جۇمىس كۇنىنەن كەشىكتىرىلمەيتىن مەرزىمدە جاسالادى. كرەديتورلار كوميتەتى ءبىرىنشى ماجىلىسىندە: 1) كوميتەتتىڭ توراعاسىن سايلايدى; 2) كرەديتورلار كوميتەتىنىڭ ءماجىلىسىن جۇرگىزۋ ءتارتىبىن جانە داۋىس بەرۋ ءراسىمىن رەتتەيتىن كرەديتورلار كوميتەتى تۋرالى ەرەجەسىن بەكىتەدى. كرەديتورلار كوميتەتىنىڭ توراعاسىنا داۋىس بەرۋ راسىمىندە تەڭ داۋىس بولعان كەزدە شەشۋشى داۋىس قۇقىعى بەرىلەدى. كرەديتورلار كوميتەتىنىڭ توراعاسى كوميتەتتىڭ جۇمىس جوسپارىن جاسايدى جانە بەكىتەدى.»; 111-تارماقتا: 11) تارماقشاداعى «.» دەگەن تىنىس بەلگىسى «;» دەگەن تىنىس بەلگىسىمەن اۋىستىرىلسىن; مىناداي مازمۇنداعى 12) تارماقشامەن تولىقتىرىلسىن: «12) تاراتۋ كوميسسياسىنىڭ توراعاسى تاراتىلاتىن بانكتىڭ الدىنداعى بەرەشەگىن وتەۋ ءۇشىن, ونىڭ ىشىندە سوت شەشىمىن ورىنداۋ شوتىنا بانك دەبيتورىمەن م ۇلىكتى بەرۋ تۋرالى قابىلداعان شەشىمدى كەلىسۋ.»; 116-تارماقتا: «باعالاۋ قۇنى» دەگەن سوزدەر «قازاقستان رەسپۋبليكاسىنداعى باعالاۋ قىزمەتى تۋرالى» قازاقستان رەسپۋبليكاسىنىڭ 2000 جىلعى 30 قاراشاداعى زاڭىنا سايكەس باعالاۋشى انىقتاعان قۇنى (بۇدان ءارى – باعالاۋ قۇنى)» دەگەن سوزدەرمەن اۋىستىرىلسىن; «ساقتاي وتىرىپ,» دەگەن سوزدەردەن كەيىن «بەرۋ كۇنىنە» دەگەن سوزدەرمەن تولىقتىرىلسىن; 123-تارماقتىڭ ەكىنشى بولىگى مىناداي رەداكتسيادا جازىلسىن: «كرەديتورلار كوميتەتىنىڭ قۇرامى بەكىتىلگەنگە دەيىن تاراتۋ كوميسسياسى وسى ەرەجەدە كوزدەلگەن تارتىپپەن ۋاكىلەتتى ورگانمەن كەلىسۋ بويىنشا م ۇلىكتى ساتادى.»; 125-تارماقتا: ەكىنشى بولىك «وزگە» دەگەن سوزدەن كەيىن «جىلجىمالى» دەگەن سوزبەن تولىقتىرىلسىن; ءۇشىنشى بولىكتەگى «مۇلكى» دەگەن ءسوز «جىلجىمالى مۇلكى» دەگەن سوزدەرمەن اۋىستىرىلسىن; ءتورتىنشى بولىك مىناداي رەداكتسيادا جازىلسىن: «تاراتۋ كوميسسياسى بالانستىق قۇنى ەلۋ ايلىق ەسەپتىك كورسەتكىشتەن تومەن جىلجىمالى م ۇلىكتى تاراتۋ كوميسسياسى ءوزى بەلگىلەگەن باعا بويىنشا, بىراق بالانستىق قۇنىنان ەلۋ پايىزدان تومەن ەمەس جاريا ساۋدا-ساتتىق وتكىزبەي ساتۋعا رۇقسات ەتىلەدى.»; 127-تارماق مىناداي رەداكتسيادا جازىلسىن: «127. ساتۋ جوسپارىندا ساتۋ وبەكتىلەرى تۋرالى ۇسىنىستار مەن ولاردىڭ جان-جاقتى سيپاتتاماسى, باعالاۋ قۇنى, ساتۋدىڭ باستاپقى (جانە ساۋدا-ساتتىقتىڭ گوللاندتىق ادىسىندەگى ەڭ تومەن) باعاسى, ساۋدا-ساتتىقتى وتكىزۋ كەزەڭى مەن ءادىسى تۋرالى مالىمەتتەر بار. ساتۋ جوسپارىنا بالانستىق قۇنى ەلۋ ايلىق ەسەپتىك كورسەت­كىشتەن تومەن, سونداي-اق ءجۇز ايلىق ەسەپتىك كورسەتكىشتەن كەم باعا­لاۋ قۇنى بار م ۇلىك ەنگىزىلمەيدى. ءجۇز ايلىق ەسەپتىك كورسەت­كىشتەن كەم باعالاۋ قۇنى بار, باعالاۋ قۇنىنان تومەن باعا بويىنشا ساتىلماعان م ۇلىك ساتۋ جوسپارىنا ەنگىزىلەدى.»; 130-تارماقتىڭ 5) تارماقشاسى مىناداي رەداكتسيادا جازىلسىن: «5) ساتۋعا قويىلاتىن لوتتاردىڭ باستاپقى جانە ەڭ تومەنگى باعاسى (لوتتىڭ ەڭ تومەن باعاسى ساۋدا-ساتتىقتى گوللاندتىق ادىسىمەن وتكىزگەن جاعدايدا كورسەتىلەدى);» 171-تارماق مىناداي رەداكتسيادا جازىلسىن: «171. تاراتۋ كوميسسياسى كەپىلدىك بەرۋ جونىندەگى ۇيىمعا دەپوزيتورلاردىڭ ءتىزىمىن, كەپىلدىك بەرىلەتىن دەپوزيتتەردى قايتارۋ بويىنشا مىندەتتەمەلەردى, سونداي-اق كەپىلدىك بەرۋ جونىندەگى ۇيىم بەكىتكەن نىسان بويىنشا جانە «قازاقستان رەسپۋبليكاسىنىڭ ەكىنشى دەڭگەيدەگى بانكتەردە ورنالاستىرىلعان دەپوزيتتەرگە مىندەتتى كەپىلدىك بەرۋ تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ 13-بابىنىڭ 3- تارماعىندا بەلگىلەنگەن مەرزىمدە بانكتى ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كۇنگى جاعداي بويىنشا دەپوزيتتەر بويىنشا وتەۋ ەسەبىن ۇسىنادى. تاراتۋ كوميسسياسى كەپىلدىك بەرۋ جونىندەگى ۇيىمعا دەپوزيتورلاردىڭ ءتىزىمىن, سونداي-اق دەپوزيتتەر بويىنشا وتەۋ ەسەبىن بەرۋدى قابىلداۋ-وتكىزۋ اكتىسىن جاساپ, قاعاز جانە ەلەكتروندىق تاسىمالداۋىشتاردا جۇزەگە اسىرادى.»; 172-تارماق الىپ تاستالسىن; مىناداي مازمۇنداعى 173-1-تارماقپەن تولىقتىرىلسىن: «173-1. تاراتۋ كوميسسياسى جانە كەپىلدىك بەرۋ جونىندەگى ۇيىم ءار جىلدىڭ ءتورتىنشى توقسانىندا (بانكتىڭ تاراتۋ ءىسى قوزعالعان جىلدى قوسپاعاندا) كەپىلدىك بەرۋ جونىندەگى ۇيىم تاراتىلاتىن بانكتىڭ سالىمشىلارىنا تولەگەن كەپىلدىك وتەماقى سوماسىنىڭ سالىستىرىپ تەكسەرۋىن جۇرگىزەدى.». 2. وسى قاۋلى العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەننەن كەيىن قولدانىسقا ەنگىزىلەدى.                                                                                                                                                       ءتورايىم ە.باحمۋتوۆا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 26 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6907 بولىپ ەنگىزىلدى.