دەسانتشىلار

2 تامىزدا ەلورداداعى 68665 اسكەري بولىمدە اۋە دەسانتى اسكەرلەرىنىڭ كۇنىنە ار­نال­عان سالتاناتتى ءىس-شارا وتكى­زىلدى. شارا اياسىندا دەسانتشى جاۋىن­گەرلەر «امەريكا توبەشىگى» دەپ اتالاتىن ارنايى جاتتىعۋ­لار­ مەن قويان-قولتىق ۇرىس ەلەمەنت­تەرىن كورسەتتى. – تمد ەلدەرىنىڭ ازاماتتارى مەن دەسانتشى جاۋىنگەرلەرى جىل سايىن 2 تامىزدا اۋە دەسانتى اسكەرلەرىنىڭ قۇرىلعان كۇنىن مەرەكەلەيدى, – دەپ اتاپ ءوتتى ءوزىنىڭ سوزىندە 68665 اسكەري ءبولىمنىڭ كومانديرى, گەنەرال-مايور الماس جۇماكەەۆ. – ءبىز ءادا تاريحىن جاز­بايمىز. ول بىزگە دەيىن جازى­لىپ قويعان. ول وشپەيتىن ەرلىكتەردەن تۇراتىن تاريح. قازاقستان اسكەرىنىڭ گەنەرالدارى ساكەن جاسۇزاقوۆ, ءۋالي ەلامانوۆ, مۇ­رات مايكەەۆ, ادىلبەك الدابەرگەنوۆ سىندى اعا بۋىن وكىلدەرى قازاق­ستان اۋە دەسانتى اسكەر­لەرى­نىڭ قۇ­رىپ, ونىڭ ودان ءارى دامۋىنا باعا جەتپەس ۇلەس قوسقان ازاماتتار. اۋە دەسانتى اسكەرلەرى قارۋ­لى كۇشتەر تا­ري­حى­نىڭ جارقىن بەتتەرىن قۇ­راي­دى. ولاردىڭ جان­­­­قيار­لىق ەرلىگى مەن قا­ھار­مان­دى­عى, وتان­عا دەگەن شەكسىز ءسۇيىس­پەن­­شىلىگى قاي كەزدە دە داڭققا بولەنىپ كەلەدى. بۇگىندە ەلىمىز­دىڭ دە­سانت­­شى جاۋىن­گەر­لەرى ارداگەرلەر ارا­سىندا دا, جاستار ورتا­سىن­دا دا زور قۇر­مەت­كە يە. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى.