«ءوز ەلىم» كونكۋرسىنا قاتىسىڭىزدار

قازاقستان رەسپۋبليكاسى پرەزيدەنتىنىڭ 2011 جىلعى 27 قاڭتارداعى №1144 «2011 جىلدى «قازاقستان رەسپۋبليكاسى تاۋەلسىزدىگىنىڭ 20 جىلدىعى» دەپ جاريالاۋ تۋرالى» جارلىعىن ورىنداۋ, سونداي-اق وتاندىق سۋرەتشىلەرگە قولداۋ كورسەتۋ, ولاردىڭ جاڭا شىعارمالارىن ىنتالاندىرۋ ماقساتىندا قازاقستان رەسپۋبليكاسىنىڭ مادەنيەت مينيسترلىگى 1) كەسكىندەمە; 2) ءمۇسىن; 3) گرافيكا; 4) ساندىك-قولدانبالى ونەر نوميناتسيالارى بويىنشا «ءوز ەلىم» كونكۋرسى وتكىزىلەتىنىن حابارلايدى. كونكۋرسقا كاسىبي سۋرەتشىلەر ءبىر نەمەسە بىرنەشە نوميناتسيا بو­يىنشا قاتىسا الادى. اۆتور ءار نوميناتسياعا ءبىر عانا شىعارماسىن ۇسى­نادى. كونكۋرسقا قاتىسۋشىلاردىڭ جاس شاماسىنا شەك قويىلمايدى. كونكۋرسقا كەتكەن شىعىندى قاتىسۋشىلاردىڭ وزدەرى كوتەرەدى. ۇسىنىلاتىن شىعارمالاردىڭ رەسىمدەلۋىنە قويىلاتىن نەگىزگى تالاپتار: 1) «كەسكىندەمە», «گرافيكا» نوميناتسيالارى ءۇشىن – پولوتنو ولشەمى 90ح60 سم-دەن كەم بولماۋى ءتيىس, جۇمىس ارنايى قورشاۋلارمەن (باگەتپەن, اعاشپەن) اشەكەيلەنۋى كەرەك, كەلەسى بەتىندە اۆتوردىڭ اتى-ءجونى, سۋرەتتىڭ اتاۋى, سالعان جىلى, ولشەمى مەن ورىندالۋ تەحنيكاسى جازىلىپ كورسەتىلۋى قاجەت. 2) «ءمۇسىن», «ساندىك-قولدانبالى ونەر» نوميناتسيالارى بويىنشا جۇمىستاردىڭ اڭداتپاسىندا شىعارما اۆتورى, ولشەمى, اتاۋى, سالعان جىلى مەن يدەياسىنىڭ قىسقاشا سيپاتتاماسى كورسەتىلۋى ءتيىس. قاتىسۋشىلار كونكۋرستىڭ ءبىرىنشى تۋرىندا 2011 جىلدىڭ 20 قىركۇيەگىنە دەيىن كونكۋرسقا قاتىسۋ تۋرالى ءوتىنىشتى, تولقۇجات نەمەسە جەكە كۋالىگىنىڭ كوشىرمەسىن جانە كونكۋرسقا ۇسىناتىن شىعار­ما­لارىنىڭ ەلەكتروندى JPEG فورماتىنداعى سۋرەتتەرىن ۇيىمداس­تىرۋشى كوميتەتتىڭ ەلەكتروندى ادرەسىنە (ruxdk@mail.ru) جىبەرەدى. ءبىرىنشى تۋردان وتكەن شىعارمالاردىڭ تۇپنۇسقالارى 2011 جىلدىڭ 4 قازانىنا دەيىن مىنا مەكەنجايعا تاپسىرىلادى: قا­زاق­ستان رەسپۋبليكاسى, الماتى ق., پانفيلوۆ ك-ءسى, 92, قر سۋرەتشىلەر وداعىنىڭ كورمە زالى. ب ۇلىنگەن جۇمىستار كونكۋرسقا قابىلدان­بايدى, جۇمىستار ەكسپوزيتسياعا قويۋعا لايىقتى بولۋى شارت. كونكۋرسقا قاتىساتىن شىعارمالارمەن بىرگە ولاردىڭ ەلەكتروندى نۇسقالارى TIF فورماتىندا (1200*1600 DPI) ارنايى كاتالوگ شىعارۋ ءۇشىن قوسا تاپسىرىلادى. كونكۋرستىڭ ەكىنشى تۋرىنان كەيىن ۇزدىك دەپ تانىلعان جۇمىستار استانا قالاسىنداعى پرەزيدەنتتىك مادەنيەت ورتالىعىنداعى كورمەگە قويىلادى جانە اۆتورلار اقشالاي سىيلىقتارمەن, ديپلومدارمەن ماراپاتتالادى. ءتۇرلى نوميناتسيا بويىنشا جەڭىمپاز اتانعان شىعارمالار  ءا. قاستەەۆ اتىنداعى مەملەكەتتىك ونەر مۋزەيىنىڭ قورىنا ساقتاۋعا الىناتىن بولادى. كونكۋرس تۋرالى تولىق اقپارات پەن تۋرلاردىڭ قورىتىندىسى جونىندەگى حابارلار قازاقستان رەسپۋبليكاسى مادەنيەت مينيستر­لى­گىنىڭ (www.mki.gov.kz) جانە «قازاقستان حالقىنىڭ رۋحاني دامۋ قورى» اق (www.ruhdk.kz) رەسمي سايتتارىندا جاريالانادى.