قىمىزحانادا قۇدا كۇتەدى

تالدىقورعان قالاسىنداعى كوشە بوي­لارىنا ورنالاسقان ءار اۋداننىڭ قىمىز­حانا­لارى حالىققا تالعامپازدىقپەن قىز­مەتتەرىن ۇسىنىپ كەلەدى. كۇننىڭ اپتابىندا دەنساۋلىققا پايدالى ءارى ءشول باساتىن ۇلتتىق سۋسىن قىمىز بەن شۇبات ادەمى بەزەندىرىلگەن ۇيلەردەگى داستارقان مازىرىنەن كەزدەستىرەسىڭ. ادام اعزاسىنداعى قان اينالۋدى جاقسارتىپ, ءومىر ءسۇرۋ دەڭگەيىن ۇزارتاتىن, كوپتەگەن اۋرۋلارعا ەم سۋسىنعا دەگەن سۇرانىس باسىم. قىمىزحانالار سانى جىلدان-جىلعا ءوسىپ كەلەدى. ماسەلەن, بىلتىر قالا مەن اۋدانداردا 72 قىمىزحانا بولسا, بيىل ولاردىڭ سانى 93-كە جەتىپتى. سونداي-اق وڭىردەگى قىمىز­حانا­لاردىڭ سانيتارلىق تازالىعى مەن قى­مىز بەن شۇباتتىڭ ساپاسىن باقىلايتىن ارنايى توپ جۇمىس ىستەپ كەلەدى. بيىلعى وتكەن مەرزىمدە تۇتىنۋشىعا 192 توننا قىمىز, 127 توننا شۇبات ساتىلىپتى. بۇدان سۇرانىستىڭ ەداۋىر وسكەنى بايقالادى. ەرەكشە ايتاتىن جاي قىمىزحانالارعا جاستار­دىڭ بوس ۋاقىتتا كوپ كەلەتىندىگى. قالا تۇرعىندارى قاراساي, سارقان, ەڭبەكشىقازاق, جامبىل, الاكول, رايىمبەك, ىلە اۋداندارى مەن قاپشاعاي قالاسى قىمىزحانالارىنىڭ قىزمەتى مەن قىمىز ساپاسىن جوعارى باعالاپ, قۇدا كۇتۋ, سۇندەت توي, تاعى باسقا مادەني شارالاردى وتكىزىپ كەلەدى. قۇدانىڭ الدىنا جامباسپەن بىرگە جال-جايا, قازى-قارتا, قۇرت-ىرىمشىك قويى­لىپ, ءشول باساتىن سارى قىمىزدى ۇلتتىق كيىم كيگەن ارۋلاردىڭ ۇسىنۋىنىڭ ءوزى قانداي جاراسىمدى دەسەڭىزشى! كۇمىسجان بايجان, الماتى وبلىسى.