ناقتى تاپسىرمالار بەرىلدى

كەشە اقوردادا مەملەكەت باسشىسى نۇرسۇلتان نازار­باەۆ­تىڭ توراعالىعىمەن قاۋىپسىزدىك كەڭەسىنىڭ كەزەكتى وتىرىسى ءوتتى. وتىرىستا ءدىن سالاسىنداعى تۇراقتىلىقتى نىعايتۋدا ودان ءارى اتقاراتىن شارالار تۋرالى ماسەلە قارالدى. پرەزيدەنت اكىمشىلىگىنىڭ باسشىسى اسلان مۋسين بايانداما جاسادى, دەپ حابارلادى پرەزيدەنتتىڭ ءباسپاسوز قىزمەتى. وتىرىس بارىسىندا مەملەكەت باسشىسى تاۋەلسىزدىك جىلدا­رىن­دا قازاقستاندىقتاردىڭ بىرلىگى­نىڭ, ۇلتارالىق جانە كونفە­س­سيا­­­ارالىق كەلىسىمنىڭ, ساياسي تۇراق­تى­لىقتىڭ ارقاسىندا ەكونوميكا سەنىمدى دامىپ, ازاماتتاردىڭ ءومىر ءسۇرۋ دەڭگەيى ارتقانىن, ىشكى جال­پى ءونىم جان باسىنا شاق­­قاندا الەمنىڭ جاڭا تاۋەلسىز مەم­لەكەتتەرىنىڭ اراسىندا ەڭ جوعارى كورسەتكىشتىڭ ءبىرى بولىپ تابى­لاتىنىن اتاپ ءوتتى. وتىرىستا, سونداي-اق قازاق­ستان ءدىن ۇستانۋ ەركىندىگىن جا­ريا­لاعان زايىرلى مەملەكەت بولىپ تابىلاتىنى, الايدا, بۇل بيلىك ورگاندارى ءدىن سالاسىنداعى قا­رىم-قاتىناستاردى رەتتەۋدەن شەت­تەتىلۋ مۇمكىندىگىن بىلدىرمەيتىندىگى اتاپ ءوتىلدى. ەلدە ءدىني-ەكسترەميستىك يدەولوگيا ەلەمەنت­تە­رىن, سونىڭ ىشىندە كونستيتۋتسيا­لىق قۇرىلىستى كۇشتەپ وزگەرتۋ­گە, ازاماتتاردىڭ ءومىرى مەن دەن­ساۋ­لىعىنا قاتەر توندىرۋگە با­عىت­­تال­عان اشىق اكتسيالاردى تا­را­تۋ­دىڭ بەتىن قاتاڭ قايتارۋ قاجەت. وسىعان بايلانىستى مەملەكەت باسشىسى قۇقىق قورعاۋ ور­گان­­دارى مەن وزگە مەملەكەتتىك ور­گان­دارعا ءدىني-ەكسترەميستىك كورىنىس­تەردى اشۋ جانە تەز ارادا ارەكەت ەتۋ جونىندە تاپسىرما بەردى. استانا, الماتى قالالارىنىڭ جانە وبلىستاردىڭ اكىمدەرى تاربيە جانە پروفيلاكتيكالىق جۇمىس­تار­دى كۇشەيتىپ, ءدىني بىرلەس­تىك­تەردىڭ قولدانىستاعى زاڭناما نورمالارىن قاتاڭ ساقتاۋىن قا­داعالاۋلارى قاجەت. ءىس جۇزىندە اۋ­قىمدى مىندەتتەر ءدىن ىستەرى اگ­ەنت­تىگىنە جۇكتەلەدى. سۋرەتتى تۇسىرگەندەر س.بوندارەنكو, ب.وتارباەۆ.