ءتۇبى تەسىك كەمەدەن تىشقان دا قاشادى

ءبىرى قوسىلىپ, ءبىرى اجىراپ جات­قان ساياسي ۇيىمداردىڭ تىرلىگىنە قازىر ەشكىم تاڭدانبايدى. ول دا قالىپتى قۇبىلىسقا اي­نال­دى. اسىرەسە, ساياسي باسەكەنىڭ جەلى تۇ­را باستاعاندا انشەيىندە بۇي­ىعى ءومىر سۇرەتىن ءبىزدىڭ ۇي­ىم­دار اسا ءبىر بەلسەندىلىك تا­نىتادى. بىلەگىن سىبانىپ, بەلىن شەشىپ شىعا كەلەدى. سوڭعى كەزدەرى مۇنداي بەلسەندىلىك قازاق­ستان­نىڭ كوممۋنيستىك پارتياسى مەن تىركەلمەگەن «ال­عا» پارتيا­لارىنىڭ تاراپى­نان بايقالادى. ەكەۋى بىرىگىپ «حا­لىق مايدانى» دەيتىن ۇيىم قۇ­رىپ جاتىر ما, بىردەڭەسى بار. ۇيىم قۇرماسىن دەيتىن ەشكىم جوق. دەگەنمەن, ونى ءوز ارا­سىندا كەلىسىپ, مۇشەلەرىمەن كە­ڭە­سىپ قۇرۋ كەرەك ەمەس پە؟ ەكى ادام كەزدەسىپ, ءبىر ۇيىم قۇرۋعا بولا ما؟ وسى «حالىق ماي­دا­نى­نا» كۇمان­مەن قارايتىندار كوپ. وزگە تۇگىلى, ءوز مۇشەلەرى دە نا­را­زى. نارا­زى­لىعى سول, ءتىپتى, قاي­بىر مۇشەلەرى پارتيانى تاستاپ شىعىپ جاتىر. اشىق قارسىلىق­تارىن ءبىلدىرىپ, مالىمدەمە جاساۋدا. سونداي جاع­داي قىزىلوردا وبلىسىنىڭ جا­لاعاش اۋدانىندا بولدى. قازاقستان كوممۋنيستىك پار­تياسىنىڭ يدەياسىنا سەنگەن, ءوز ەرىكتەرىمەن ۇيىمعا مۇشەلىككە ەنگەن, ساياسي باسەكە كەزىندە بەلسەندى بولعان 25 ادام اتالعان پارتيانىڭ مۇشەلىگىنەن شىقتى. سەبەپ – قا­زاقستان كوممۋنيستىك پارتياسى­نىڭ تىركەلمەگەن ۇيىم­مەن تىزە قوسۋى. تىركەلمەگەن پار­تيانىڭ ار­تىندا كىمدەردىڭ تۇر­عانىن ەل بىلەدى. ءبىر كەزدەرى ەل ىشىنە ىلاڭ سا­لىپ, مەملەكەت قار­جىسىن وڭدى-سولدى شاشىپ, با­سىنا كۇن تۋعان­دا شەت ەل اسىپ كەتكەن بايشىكەش-قىلمىسكەر­لەر­دىڭ ەندى ەلدىڭ ساياسي ىسىنە ارالاس­پاق نيەتى بارىن پارتيا قاتا­رى­نان شىققان مۇشەلەر قاپىسىز سەزەدى. سوندىقتان ونداي ارام اق­شا­مەن قۇرىلاتىن ۇيىمعا مۇشە بولۋعا, سولاردىڭ ساياساتىن ءجۇر­گى­زۋگە ءۇزىلدى-كەسىلدى قارسىلىق تا­نى­تىپ وتىر. ولار ارنايى ءما­لىم­دەمە جاسادى. «حالىقتىڭ پايداسىنا قان­­­داي دا ءبىر شارالار ۇيىمداس­تىر­ماي, تاراتىلاتىن ۇنپاراق دەرەكتەرىندە جالا جابۋدان باسقا ەشتەڭە جوق, قالىپتاسقان الەۋ­مەت­تىك ءما­سە­لەلەردى شەشۋگە ناق­تى ۇسىنىس­تار بەلگىلەمەيتىن «العا» ساياسي قۇرىلىمىنىڭ باع­دار­لامالىق قۇن­­دىلىقتارىن ساقتاپ كەلگەن, حا­لىق­تىڭ ءمۇد­دە­لەرى مەن قۇقى­عىن قور­عاۋ باعى­تىن­دا زور ۇلەسىن قو­سىپ, ساياسي ارەنادا ءوز ورنىن قا­لىپتاس­تىر­عان قازاقستاننىڭ كوممۋنيستىك پارتياسىمەن بىرلەسكەن شارالار ۇيىمداستىرۋ جوسپارىنا ءبىز قار­سىلىعىمىزدى بىلدىرە وتى­رىپ, نارازىلىق بەلگىسى رەتىندە ءوزىمىز­دىڭ كوممۋنيستىك پارتيا قاتا­رى­نان شىعۋعا ەرىكسىز ءماج­بۇر بولىپ وتىرمىز», – دەلىنگەن مالىمدەمەدە. پارتيا قاتارىنان شىققان قۋا­نىش ابدىحالىقوۆ ولاردىڭ بۇل باستاماسىن ساياسي ۇيىم قا­تا­رىنداعى قالعان ارىپتەستەرىنىڭ دە قولدايتىنىنا, ەل بىرلىگىنە ىرىتكى سالاتىن ارەكەتتەرگە قار­سى­لىق تانىتاتىنىنا سەنەدى. ەرجان بايتىلەس, قىزىلوردا وبلىسى.