ارنايى وكىلمەن كەزدەستى

كەشە استانادا سىرتقى ىستەر ءمينيسترى ەرجان قازىحانوۆ ەلىمىزگە قىسقا مەرزىمدى ساپارمەن كەلگەن بۇۇ باس حاتشى­سىنىڭ ارنايى وكىلى, بۇۇ ايماقتىق ورتالىعىنىڭ باسشىسى, ەلشى ميروسلاۆ ەنچامەن كەزدەستى. كەزدەسۋدە قازاقستان رەسپۋب­لي­كاسى مەن بۇۇ ىنتىماقتاس­تى­عىنىڭ ءتيىمدى جاقتارى تالقى­لان­دى. سونىمەن بىرگە ورتالىق ازيا وڭىرىندەگى قازىرگى جاعداي, ۇي­ىم­داسقان ترانسشەكارالىق قىلمىس­قا, تەرروريزم مەن ەكسترەميزمگە قارسى شارالاردى, ەسىرتكى تارا­تۋعا قارسى ءىس-قيمىلداردى جەتىلدىرۋ, سۋ-ەنەرگەتيكالىق پروب­لە­مالاردى شەشۋ سياقتى ماسەلەلەر قارالدى . ودان كەيىن تاراپتار شىۇ ءسامميتىنىڭ ورتالىق ازيا ءوڭى­رىنە قاتىستى شەشىمدەرىن ىسكە اسى­رۋ ماسەلەسىن شەشۋ جانە اس­تانانىڭ يىۇ مينيسترلەر كەڭە­سىندەگى توراعالىعىنىڭ باسىم­دىق­تارىن جۇزەگە اسىرۋ ماسە­لە­سىنە توقتالىپ ءوتتى. وسى جەردە بۇۇ باس حاتشىسىنىڭ ارنايى وكى­لى م.ەنچا ەلىمىزدىڭ حالىق­ارا­لىق ساياسي ساحناداعى بەلسەندى قىزمەتىنە جوعارى باعا بەرىپ, قا­زاقستاننىڭ اۋعانستان مەن قىر­عىز­ستانداعى ساياسي وقيعالاردىڭ ور­تاسىنان تابىلىپ, جاعدايدى تۇ­راقتاندىرۋدا اتقارىپ جاتقان جۇمىسى قاي ەلگە بولسىن ۇلگى الۋعا تۇرارلىق ىستەر ەكەنىن اتاپ ءوتتى. سونىمەن بىرگە, ول ەلباسى نۇر­سۇلتان نازارباەۆتىڭ يادرو­لىق قارۋ-جاراقتى قولدانۋ سايا­سا­تىنا قارسى ۇستانعان ساياساتىن ءبۇ­كىل الەمنىڭ قولداۋىنا يە بولىپ وتىرعانىن, وسىعان وراي قازاق­ستان باسشىسى بيىل نيۋ-يورك قالاسىندا يادرولىق قارۋعا قارسى وتەتىن الەمدىك سامميتكە تاعى دا شاقىرىلاتىنىن ايتتى. داستان كەنجالين.