«قۇلانساز» ءانسامبلى

تاۋەلسىز مەملەكەتتەر دوستاس­تى­عىنا جاتاتىن ەلدەر دە بيىل مەرەيلى جىل تابالدىرىعىندا تۇر. وسى ورايدا ماسكەۋدە «دوس­تاس­تىق­تىڭ جا­ڭا كوك­جيەگى» اتتى كورمە اشى­لىپ, وندا تاۋەلسىز مەم­لە­كەت­تەر ءوز­دەرى­نىڭ وسى جيىر­ما جىلدا­عى ەكو­نوميكالىق جانە ءون­دىرىستىك جەتىستىكتەرىن پاش ەتىپ­تى. مادەني شارا ايا­سىندا دوستاستىق ەلدەر مادەنيەتى مەن ۇلتتىق ءداس­تۇر فەستيۆالى دە جال­عاسىن تاپ­قان. كورمە-فەس­تيۆال­گە ەلىمىزدەن ءتورت وبلى­س­تىڭ وكىلدەرى مەن ونەرپازدارى قا­تىسسا, شا­­راعا ال­­ماتى وبلىسى دەلە­گاتسياسى دا كونتسەرتتىك باعدارلا­ما­سىن ۇسى­نىپ, ءماس­كەۋلىك كورەرمەن كوڭى­لى­نەن شىققان. وبلىستىق «قۇلانساز» فولك­لور­لىق-ەتنوگرافيالىق ءان-بي ءانسامبلىنىڭ ونەرى مەن جالپى ساپارى جايىندا وبلىستىق ءسۇيىنباي اتىن­داعى فيلارمونيا ديرەكتورى ەرجان قوسبار­ماقوۆ بىلاي دەدى. – ماسكەۋ – ەۋروپا مەن ازيا ءور­كە­نيەتتەرىنىڭ توعىسقان جەرى. حالىق شىعارماشىلىعى جەتىس­تىك­­تەرىنىڭ كور­مەسىنە تمد-عا ءمۇ­شە ەلدەر قاتىستى. كورمەدە جا­ڭا كومبايندار, زاماناۋي ۇشاق­تار جانە باسقا دا ءتۇرلى تەحنيكا كور­مە­نىڭ كور­كىن اشا ءتۇستى. ءار مەملەكەت ءوزى­نىڭ ەڭ تاڭداۋلى جەتىستىكتەرىن الىپ كەلگەنى بىردەن باي­قا­لادى. ماق­سات تاۋار ساپا­سىن كور­سەتىپ, كورشى­لەر­­مەن ساۋ­دا-ساتتىق بايلانىستى نى­عايتۋ بولسا, بۇل ءوز شەشىمىن تاپ­قا­نىن ايتا كەتكەن ورىندى. ەلارالىق كورمەگە كەلگەندەر جار­نامالىق ستەندتەرىن كور­سەت­ت­ى. ەكى مىڭنان استام عالىم, كاسىپ­كەر­لەر مەن ساياساتكەرلەر بىرلەسىپ, عى­لىم­دا, ماشينا جاساۋ, اتوم ەنەر­گەتيكاسى, مۇناي گاز جانە مەديتسينا سالالارىن دامىتۋداعى قول جەتكىزىلگەن جەتىستىكتەرىن اڭگىمە­لەرىنە ار­قاۋ ەتتى. ال, قازاقستان تا­راپىنان بۇل شاراعا 30-دان استام كومپانيا قاتىسقانى ەلىمىزدە ين­دۋستريا­لان­دىرۋدىڭ كەڭىنەن قۇلاش جايعانىن دالەلدەدى. ارينە, تمد-نىڭ 20 جىلدىعى­نىڭ تاريحي ماڭىزى ەرەكشە. سون­دىق­تان بۇل كورمەدە قازاقستان ءوزى­نىڭ بار­لىق جەتىستىكتەرىن تولىقتاي كور­سەت­­تى. وسى ۋاقىت ارالىعىندا قا­زاق­ستاننىڭ زور جەتىستىككە جەتكەنى وزگە­لەردى ءتىپتى تاڭعالدىرادى. قازىر ىشكى جالپى ءونىم بويىنشا ەلىمىز رەسەيدەن كەيىن ەكىنشى ورىندا تۇر. بۇل تابىسى­مىزدى بۇكىل الەم مويىن­دا­دى, دەگەن ول قازاقستان ساۋدا وكى­لەتتىلىگىنىڭ رەسەيدەگى وكىلى ۆياچەسلاۆ چەرنوۆتىڭ جەكە پىكىرىن دە جەتكىزدى. فەستيۆالگە تمد ەلدەرىنىڭ ەڭ تاڭ­داۋلى ونەر ۇجىمدارى كەلسە, قا­زاق­ستاننان «قۇلانساز» ان­سامبلى­نىڭ ونەرپازدارى ماسكەۋلىك­تەردى ونەرىمەن ءتانتى ەتكەنىن ماق­تانىشپەن ايتۋعا بولادى. كورمەدە ەكونوميكالىق جەتىستىكتەر مەن شىعارماشىلىق فەستيۆال دوستىق پەن بىرلىكتىڭ التىن كو­پىرى بولدى. ال, حالىق شىعارما­شىلىعى جەتىستىكتەرى كورمەسىنىڭ عيماراتى حا­لىقارالىق بايلانىس­تار مەن مادەني قا­تىناستار ورتالى­عىنا اينالدى, دەدى بىزبەن اڭگىمە­سىن­دە ونەر ۇجى­مى­نىڭ باسشىسى ەرەكشە ىقىلاسپەن. كۇمىسجان بايجان, الماتى وبلىسى.