كانديداتتار ۇسىنىلىپ ءبىتتى

وسى جىلعى 19 شىلدەدە قازاق­ستان رەسپۋبليكاسى پارلامەنتى سەناتىنىڭ دەپۋتاتتىعىنا كانديداتتار ۇسىنۋ اياقتالدى. ورتا­لىق سايلاۋ كوميسسياسىنىڭ ءمالى­مەت­تەرى بويىنشا, 2011 جىلعى 16 ماۋسىم مەن 19 شىلدە ارالىعىندا پارلامەنت سەناتىنىڭ دەپۋتات­تى­عىنا بارلىعى 92 كانديدات ۇسىنىلدى. ەڭ كوپ كانديداتتار قىزىل­وردا مەن جامبىل وبلىستارىنان ۇسىنىلعان. بۇل وبلىستاردىڭ ءار­قاي­سىنا 9 كانديداتتان كەلىپ وتىر. سولتۇستىك قازاقستان وبلىسىندا 8 كانديدات, استانا مەن الماتى قا­لالارىندا 7 ۇمىتكەردەن ۇسىنىل­عان. ال وڭتۇستىك قازاقستان جانە قاراعاندى وبلىستارىندا – 6-دان, اقمولا, شىعىس قازاقستان, باتىس قازاقستان جانە قوستاناي وبلىس­تارىندا – 5-تەن, اقتوبە, الماتى, اتىراۋ, ماڭعىستاۋ جانە پاۆلودار وبلىستارىندا 4 ۇمىتكەردەن ۇسىنىلدى. ولاردىڭ ىشىندە ءماس­ليحاتتار 15 كانديدات ۇسىنعان بول­سا, قالعان 77 ازامات ءوزىن-ءوزى ۇسى­نۋ قۇقىعىن پايدالانعان. ۇسى­نىلعان كانديداتتار اراسىندا 6 ايەل بار. ۇسىنىلعان ۇمىتكەرلەردىڭ ما­ماندىقتارىنا كەلسەك, 20 ينجەنەر, 12 ەكونوميست, 12 وقىتۋشى, 9 زاڭ­گەر, 3 دارىگەر, 1 ساياساتتانۋشى, 35 باسقا ماماندىق يەلەرى بار. كان­دي­داتتاردىڭ 9-ى پارلامەنت سەنا­تىنىڭ دەپۋتاتى, 40-ى مەملەكەتتىك ورگانداردىڭ, ۇيىمدار­دىڭ, كاسىپ­ورىندار مەن مەكەمە­لەر­دىڭ قىز­مەت­كەرلەرى, 25-ءى كاسىپ­كەرلىك قۇرى­لىمداردىڭ, 11-ءى عى­لىم, مادەنيەت پەن ءبىلىم قىزمەت­كەرلەرى, 2-ەۋى ۋا­قىتشا جۇمىس ىستەمەيتىندەر. پار­تياعا قاتىستى­لىعى بويىنشا 45 كانديدات – «نۇر وتان» حدپ-نىڭ, ءتورت كانديدات «اق جول» قدپ-نىڭ, «اۋىل» قسدپ-نىڭ, قازاق­ستاننىڭ پاتريوتتار پارتياسىنىڭ, «رۋحانيات» پارتياسىنىڭ مۇشە­لەرى, 26 كانديدات پارتيادا جوقتار, 17 كانديدات ءوزىنىڭ پارتياعا قاتى­س­تى­لى­عىن كورسەتپەگەن. 20 شىلدەدەگى جاعداي بويىنشا, سەنات دەپۋتاتتىعىنا 56 كانديدات تىركەلگەن. تىركەۋ مەرزىمى 29 شىلدەدە اياقتالادى, ال 30 شىلدەدەن باستاپ سەنات دەپۋتاتتىعىنا تىركەلگەن بارلىق كانديداتتار ساي­لاۋ­­الدى ۇگىت جۇمىسىنا كىرىسە الادى. سەنات دەپۋتاتتىعىنا كاندي­دات­تاردى ۇسىنۋ 16 ماۋسىمدا باس­تالعان بولاتىن. 30 شىلدە مەن 17 تامىز ارالىعىندا ۇگىت-ناسيحات جۇمىستارى جۇرگىزىلەدى. ۇمىتكەر­لەر اراسىنان سەناتقا 16 دەپۋتات, اتاپ ايتقاندا, رەسپۋبليكانىڭ 14 وبلىسىنان جانە الماتى مەن استانا قالالارىنان ءبىر-ءبىر دەپۋتاتتان سايلانادى. سايلاۋ 19 تامىزعا بەلگىلەنگەن. 7 شىلدەدە ورتالىق ساي­لاۋ كو­ميسسياسى پارلامەنت سە­ناتىنىڭ دەپۋتاتتىعىنا كان­دي­داتتاردىڭ رەس­پۋبليكالىق بيۋدجەت قاراجا­تى­نان جابىلاتىن شى­عىستارى­نىڭ نورماتيۆتەرىن بە­كىتكەن ەدى. سوعان سايكەس كاندي­داتتىڭ ارقاي­سىسىنا 477 مىڭ تەڭ­گە بولىنەتىن بولادى. ونىڭ ىشىندە كاندي­دات­تىڭ تەلەارنادان ءسوز ءسوي­لەۋىنە – 105 مىڭ تەڭگە, راديو­ەفيردە ساي­لاۋالدى ۇگىت ءجۇر­گىزۋگە – 62 مىڭ تەڭگە, باسى­لىمدا ەكى ماقالا جا­ريالاۋعا – 135 مىڭ تەڭگە, كان­دي­داتتىڭ ساي­لاۋشى­لار­مەن كەزدەسۋىنە ارنال­عان ورىندى جالداۋعا – 25 مىڭ تەڭگە, ۇگىت-ناسيحات ماتە­ريالدارىنا 50 مىڭ تەڭگە جانە كولىك شىعىندارىنا 100 مىڭ تەڭگە قاراستىرىلعان. سەنات دەپۋتاتتىعىنا كاندي­دات­تاردىڭ سايلاۋالدى ۇگىتى كانديداتتار قۇرعان سايلاۋ قورى ەسەبىنەن دە قارجىلاندىرىلا الادى. جالپى ەرەجە بويىنشا, سەنات دەپۋتاتتىعىنا ۇمىتكەر ءاربىر كان­ديداتتىڭ قورى 3 ملن. 199 800 تەڭ­گەدەن اسپاۋى ءتيىس. ال 2011 جى­لى سەنات سايلاۋىن وتكىزۋگە رەس­پۋبليكالىق بيۋدجەتتەن 142 ميلليون تەڭگە ءبولىنىپ وتىر. ءاليسۇلتان قۇلانباي.