ورمان كۇتىمىنە ورالىمدىلىق قاجەت

«جاسىل جەلەك – جان ازىعى» دەيدى حالقىمىز. بىراق, ەل اراسىن­داعى تۇتى­نۋ­شىلىق پيعىل وسىناۋ باعا جەتپەس بايلىعىمىزدىڭ قادى­رىن ءتۇ­سىن­بەي وتىرعانىمىزدى كور­سە­تەدى. نا­­­سيحاتتىق جۇمىستار ءۇز­دىك­سىز ءجۇر­گىزىلگەنىمەن وسىناۋ ما­ڭىزدى ماسەلە­گە ءمان بەرۋشىلىك ءالى دە جەتكىلىكسىز دەر ەدىك. ولاي اي­تۋعا جاسىل جەلە­گىمىزدىڭ جالىن­عا شارپىلۋى توقتا­ماي تۇرعانى, ونىڭ الدىن الۋعا جۇرتشىلىقتىڭ جاپ­پاي بەت بۇرا قويماعاندىعى ماجبۇرلەيدى. ءما­س­ە­لەن, 2010 جىلى وبلىستىڭ ورمان قورى اۋ­ما­عىندا 165 ءورت وقيعاسى تىركەلدى. تابيعاتقا ۇلكەن زيان كەلۋى كۇننىڭ اپتاپ ىستىعى­نان عانا ەمەس, ادامداردىڭ نەمكەتتىلىگىنەن ورىن الا­تىندىعى بەلگىلى. وتكەن جىلى رەسەيدەگى الاپات اپات سالدارىنان ەلدى مەكەندەردىڭ كۇيرەپ, ادام شىعىنىنا جول بەرىلگەنى جەرلەستەرىمىزدى دە قاتتى ويعا قالدىرۋى كەرەك. ويتكەنى, ورمان بولاشاقتىڭ يگىلىگى. «اتادان نە تام قالسىن, نە تال قالسىن» دەيتىنىمىز سوندىقتان. ءبىزدىڭ ينسپەكتسيا بۇل باعىتتا ءبىرشاما جۇمىس­تار اتقارىپ جاتقانى بارشاعا ءمالىم. وتكەن جىلى ءوزىمىزدىڭ قولدا بار قۋاتتارمەن جانە «ورمان قورعاۋ جانە ورمان شارۋاشىلىعىنا قىزمەت كورسەتۋ قازاق اۆيابازاسى» رمقك-ءنىڭ ءۇش تىكۇشاق ەكيپاجىنىڭ كۇشىمەن بارلىق پايدا بولعان ءورت وشاقتارىن دەر كەزىندە انىقتاپ, ونى سوندىرۋگە قاجەتتى شارالار قولدانىلدى. بيىلعى ماۋسىمعا دايىندىعىمىز دا ويداعىداي دەۋىمىز كەرەك. اشم ورمان جانە اڭشىلىق شارۋاشىلىعى كو­مي­تەتىنىڭ «2010 جىلدىڭ ءورت قاۋىپى بار ماۋ­سىمىنىڭ قو­رى­تىندىلارى جانە 2011 جىلدىڭ ءورت قاۋىپى بار ماۋ­سى­مىنا دايىندىق جونىندەگى مىندەتتەر تۋرالى» نۇس­قاۋىن ورىنداۋعا باعىتتالعان كەشەندى شارالار مۇقيات تياناقتالدى. اعىمداعى جىلدىڭ ناۋرىز ايىندا ينسپەكتسيا تاراپىنان وبلىستاعى بارلىق ورمان شارۋا­شىلىعى مەملەكەتتىك مەكەمەلەرىندەگى, «كوك­شەتاۋ» جانە «بۋراباي» مەملەكەتتىك ۇلتتىق تابي­عات پاركتەرىندەگى, «ساندىقتاۋ» ءوووش, «جاسىل ايماق» رمك-دە­گى دايىندىق جۇمىستارى تەكسەرىلدى. انىقتالعان كەم­شىلىكتەر بويىنشا كاسىپورىن باسشىلارىنا 26 ەسكەرتپە جاسالىپ, ونىڭ ورىندالۋى قاتاڭ باقىلاۋعا الىندى. ونىڭ ۇستىنە, ورتكە قارسى كۇرەستىڭ جىلدىق جەدەل جوسپارلارى پىسىقتالىپ, توتەنشا جاعدايلار مينيسترلىگىنىڭ قۇرىلىمدىق بولىمشەلەرىمەن ءوزارا ءىس-قيمىل شارالارى كەلىسىلدى, قاراۋىلداۋ كەستەلەرى مەن تۇرعىنداردى الدىن-الا حاباردار ەتۋ ءتارتىبى اۋدان اكىمدەرىنىڭ بۇيرىقتارى­مەن بەكىتىلدى. قىسقى اعاش كەسۋدەن جانە سانيتارلىق شارالار كەزىندەگى اعاش قال­دىق­تارى ارنايى باقى­لاۋمەن تاسىمالدانىپ, زالالسىز­دان­دىرىلدى جانە نۇسقاۋلىق تالاپتارىنا ساي ورتەلدى. ورمان كۇزەتى ىسىنە قاتىستى بارلىق ماماندار مەن جۇ­مىسشىلار وقۋعا تارتىلىپ, ارنايى سىناق قابىل­دان­دى. اقمولا وبلىسى اكىمدىگىنىڭ قولداۋى­مەن «بۇق­پا» ورمان شارۋاشىلىعىندا اۋماقتىق كومان­دالىق-شتابتىق وقۋ-جاتتىعۋى وتكىزىلۋى ورتاق ءىستىڭ ورايىن كەل­تىرە تۇسەتىنى انىق. ورمانشى­لارمەن قاتار, اۋىل­شارۋا­شىلىق قۇرىلىمدارى باسشىلارىنىڭ قاتى­سۋىمەن تاجىريبەلىك سەمينارلار دا كەستەلى مەرزىمىندە وتكىزىلىپ كەلەدى. ءۇستى­مىزدەگى جىلدىڭ 20 ءساۋىرى­نەن, ياعني ءورت قاۋىپى بار ماۋسىم اياسىندا كۇشەيتىلگەن كەزەكشىلىك ۇيىم­داستىرىلدى. ماماندارىمىزدىڭ بەلسەنە قاتى­سۋى­مەن مەديا-جوسپار قابىلدانىپ, جەرگىلىكتى باسپا­سوز قۇرالدارىنداعى وزەكتى جاريا­لانىمدار جۇرتشى­لىق نازارىن اۋدارۋدا. قولدانىلعان شارالارعا قاراماستان بۇگىنگى كۇنى 11 ورمان ءورتى تىركەلدى. سوندىقتان, جۇمىسىمىزدىڭ وسال تۇستارى ەكشەلىپ, قولدانىستاعى بارلىق ارەكەت-قيمىلدارىمىز بەن ءىس-شارالار كەشەندى تۇردە قاتاڭ باقىلاۋدا ۇستالاتىن بولادى. بەكسۇلتان بايمۇتوۆ, اقمولا وبلىستىق ورمان جانە اڭشىلىق شارۋا­شى­لىعى اۋماقتىق ينسپەكتسياسىنىڭ باستىعى.