كەدەرگىلەر كەمي تۇسپەك

كولىك جانە كوممۋنيكاتسيا مينيسترلىگىندە مينيستر بەرىك كاماليەۆ اكىمشىلىك كەدەرگىلەردى قىسقارتۋ ماسە­لەلەرىنە بايلا­نىس­تى كەڭەي­تىلگەن كەڭەس ءوت­كىزدى. وندا بيزنەس-قۇرىلىم­دار­دان ءتۇس­كەن قۇرىلىستارعا باقى­لاۋ جانە تەكسەرۋ قىزمەتىن ءجۇ­زەگە اسىرۋداعى بىرقاتار ءما­سەلە­لەردى شەشۋ, سونداي-اق كولىك قىزمەتى رىنوگىنداعى اكىمشىلىك جۇكتەۋلەردى قىس­قارتۋعا با­عىت­­تالعان شارالار ماسەلەلەرى تالقىلاندى. تەك قانا كولىكتىك باقىلاۋ سالا­سىندا رۇقسات بەرۋ قۇجات­تارىنىڭ 40 پايىزدان استامى قىسقارتۋعا جاتادى. بىرقاتار رۇقسات بەرۋ قۇجاتتارى مەن فۋنكتسيالار باسەكەلى ورتاعا جىبەرىلەدى. مەملەكەتتىك قىز­مەت­كەرلەر مەن ءوتىنىش بە­رۋ­شىلەردىڭ تىكەلەي قاتىناستارىن بولدىرماۋ ماقساتىندا كو­لىكتىك باقىلاۋ ورگاندارى كورسەتەتىن التى مەملەكەتتىك قىزمەت حقكو-عا بالاماسىز نەگىزدە بەرىلەدى. اتالعان قىز­مەتتەردى 2012-2014 جىلدارى ارالىعىندا اۆتوماتتاندىرۋ قاراستىرىلعان. كولىكتىك باقىلاۋ بەكەتتەرى وڭتايلاندىرىلىپ, كولىك جانە كوممۋنيكاتسيا ءمينيسترىنىڭ بۇي­رىعىمەن توعىز ستاتسيو­نار­لىق بەكەت قىسقارتىلعان. سو­نىمەن قاتار كولىكتىك با­قىلاۋدان وتكەن سوڭ ىلەسپە قۇجاتتاردا بەكەت ءمورتاڭباسى قويىلادى. بۇل ونىڭ باقى­لاۋدان وتكەنىن جانە باسقا بەكەتتە قايتادان وتپەۋىن راستايدى. قۇقىق قورعاۋ جۇيەسىن رەفورمالاۋ شەڭبەرىندە 2012 جىلعى 1 قاڭتاردان باستاپ كو­لىك قۇرالدارىنىڭ مىندەتتى تەحني­كالىق بايقاۋدان ءوتۋى ءبا­سەكەلى ورتاعا بەرىلەدى. تەح­نيكالىق باي­قاۋدىڭ جاڭا ءتار­تىبى الەمدىك تاجىريبەگە نەگىزدەلگەن. گەرمانيا, نيدەرلاندى, فرانتسيا سىندى وزگە دە ەۋ­روپالىق ەلدەردە بەلگىلەنگەن نورمالار قابىل­دانعان. بارلىق قاجەتتى قۇقىق­تىق جانە ۇي­ىمداستىرۋشىلىق ماسەلەلەر شەشىمىن تاپسا, كا­سىپكەرلىك سۋبەكتىلەرمەن تەحني­كالىق باي­قاۋ ورتالىقتارىن اشۋ بو­يىنشا جۇمىس بەلسەندى تۇردە جۇرگىزىلۋدە. سونداي-اق بەس مىڭنان استام جاڭا جۇمىس ورىندارىنىڭ اشىلۋىن ۇيىم­داستىرۋ دا الداعى ۋاقىتقا جوسپارلانعان. ۇلتتىق حالىقارالىق اۆتوموبيل تاسىمالداۋشىلاردىڭ رىنوگىن قورعاۋ بويىنشا دا جۇمىس كۇشەيتىلۋدە. اعىم­داعى جىلدىڭ شىلدە ايىنىڭ سوڭىنا دەيىن ءۇشىنشى ەلدەردەن ەكى جاقتى تۇردە تاسىمال­داۋلاردى ىسكە اسىرۋدى بول­دىر­ماۋدى كوزدەيتىن «حالىق­ارالىق اۆتوموبيل تاسى­مالداۋ رۇقسات جۇيەسىن قولد­ا­نۋ بويىنشا ەرەجەلەردى بەكىتۋ تۋرالى» ۇكىمەت قاۋلىسىنىڭ جوباسىنا تۇزەتۋلەر ەنگىزىلمەك. بۇدان باسقا اۋىر سال­ماقتى جۇكتى تاسىمالداۋعا ارنايى رۇقسات بەرۋ ءتارتىبىنىڭ كەلىسۋشىلىك ورگانداردىڭ, كەلىسۋ مەرزىمدەرىن جانە وڭاي­لاتۋىن كوزدەيتىن قاۋلىنىڭ جوباسى ۇكىمەت قاراۋىنا ەنگىزىلگەن. ءابدىراحمان قىدىربەك.