العىس ايتامىز

جارىققا شىق­قا­نىنا ءبىر جىل عانا  بولعان «حا­لىق ءسوزى» گازەتى جان-جاقتى قول­داۋعا لايىقتى باسىلىم ەكەنىن باي­قاتتى. كوپشىلىكتىڭ جۇرەگىندەگى ءسوز ەل مۇددەسى ءۇشىن ەكپىنمەن عانا ايتىلىپ قانا قويماي, وسى مۇ­راتتى وزىنە جۇك ەتىپ ارقالاعان جاس باسىلىم كۇنى كەشە ال­ماتى قا­لاسىنداعى «قازاقكون­تسەرت» زا­لىن­دا وتكەن «حالىق اندەرى» اتتى ونەر مەرەكەسىن وتكىزدى. بۇل انشىلەر­دىڭ كۇندە وتكىزەتىن دۋماندى كەش­تەرىنىڭ ءبىرى ەمەس, پارمەنى كۇشتى, ناعىز قايى­رىمدىلىق شاراسى بول­دى. بۇل كۇنى مۇمكىندىگى شەكتەۋلى جاندار مەن كوپ بالالى انالار تەگىن كونتسەرت تاماشالادى. كونتسەرتتىڭ اراسىندا ويناتىل­عان لوتورەيا ويىنى دا جينالعان­داردى ءبىر سەرپىلتىپ تاستادى. ءارتۇرلى سىي-سياپات, ۇتىسقا يە بولعانداردىڭ قۋانىشىندا شەك بولمادى. بۇل ۇتىس پەن سىيلىقتار بىزگە ماتەريالدىق كومەك قانا ەمەس, مورالدىق قولداۋ بولعانىن دا ايتىپ جەتكىزە الماسپىز. ءبىزدى قاتتى تەبىرەنتكەن دە, قۋانتقان دا ۇيىم­داستىرۋشىلاردىڭ «حالىق ءسوزى» گازەتىنە ءبىر جىلعا تەگىن جاز­دىرۋى بولدى. مۇنداي قايىرىم­دى­لىق كونتسەرتى قازاق گازەتتەرى ارا­سىندا بۇرىن-سوڭدى بول­ماعان ەدى. حالىق ءسوزىن سويلەۋدى وزدەرىنە امانات ەتىپ ال­عان جۋرناليس­تەر­دىڭ بۇل يگىلىكتى ءىسى بارشا باسى­لىمدارعا ۇلگى بولسا دەيمىز. ءيا, «حا­لىق ءسوزى» گازەتىنە العىسىمىز شەكسىز. بۇل عيبراتتى ءىس جالعاسىن تاۋىپ جاتسا, ءتىپتى تاماشا بولار ەدى. الەۋ­مەتتىك جاعىنان از قام­تىل­عان جانە ءمۇم­كىندىگى شەكتەۋلى ازامات­تاردىڭ قوعام­نىڭ تولىققان­دى ءبىر مۇشەسى ەكەنىن ەسكە سالىپ, «حالىق ءسوزى» گازەتى ۇلكەندەردىڭ اق باتاسىن, كوپ­شىلىكتىڭ العىسىن ار­قالادى. راحمەت سىزدەرگە «حالىق ءسوزىنىڭ» جانا­شىرلارى! ا.امانباەۆ, الماتى قالالىق مۇگەدەكتەر قوعامىنىڭ توراعاسى; ل.قالتاەۆا, «شىراق» مۇگەدەك ايەلدەر اسسوتسياتسياسى قوعامدىق بىرلەس­تىگىنىڭ ءتورايىمى; ا.احتانوۆا, «اردي» مۇگەدەك بالالار اتا-انالارى اسسوتسياتسياسىنىڭ ءتورايىمى; س.سماعۇلوۆا, «الماتى قالاسى «الاتاۋ» مۇگەدەك قوعامى» قوعامدىق بىرلەستىگىنىڭ ءتورايىمى.